tgoop.com/RAHNTZAHRAHOSAN/3467
Last Update:
استشهاد الزهراء عليها السلام
زينب تندب امها الزهراء عليها السلام
فزت تريد امها بحزن مرعوبه
جنه الدهر لملم عليها اخطوبه
يايمه وين بيا كتر كليلي
*-----------------------*--------------------*
الظلم حد سيفه وهجم
لصوب الزجيه اتعنه
وخلاها زينب حايره
بين الهظم والونه
الدهر مسرع بالألم
بجروحه مايتونه
صوبها زينب بالنفس
واقتطع منها الجنه
جانت بجال أمها تقر عيونها
يدرون بيها الجنه ويقتلونها
الباب والبسمار هدم حيلي
*-----------------------*--------------------*
وديني لمي بياكتر
يابويه اريد الكاها
مرتاحه هسه لو صدك
طيفي يبويه وياها
امي الحنينه وما أظن
زينب فلا تنساهه
الجانت علي خيمه وستر
وين الدهر وداهه
صوت امي ماسمعنه ليش ويانه
ها يادهرنا شو ردت فركانه
احزان واهات والم ترتيلي
*----------------------*---------------------*
من النوم فزت بالرعب
بهاللحظه رادت أمها
طفله وتدور مالكت
الزهره ماهي يمها
راحت تدور عن نفس
تحت الأرض وتشمها
حزنانه زينب بت علي
شماله الدهر هظمها
شماله الدهر يم أمها ماخلاها
والتمت بزينب قصص بلواها
دمعة حزن من الفواطم سيلي
*---------------------*----------------------*
من امي اشم ريحة عطف
اجمل عطر بهدومي
يابويه وين امي مشت
المن افض اهمومي
لملمهن أحزانه واجه
الدهر صوبي يومي
جرح ويجرجرله بجرح
احزان جنها اعلومي
حيف الدهر دارت عليه أحواله
من طيحت امي سهامها الجتاله
بس الحزن من دنيتي توديلي
*-----------------------*--------------------*
شجم زينب شجم فاطمه
وشجم ضلع جم مسمار
وشجم صحابي من جذب
متربص لحرك الدار
يانار مشتعله بحقد
من الصحابي الغدار
بس فاركانا المصطفى
يم بابه شعلوها النار
نار الخيانه والغدر شعلوها
كسرو ظلع بنت النبي واذوها
ريته يبويه كصر بعدك ليلي
*---------------------*--------------------*
محمد النوري
قناة قصائد محمد النوري
https://www.tgoop.com/RAHNTZAHRAHOSAN
BY قناة قصيدة كربلاء ...قصائد محمد النوري
Share with your friend now:
tgoop.com/RAHNTZAHRAHOSAN/3467