tgoop.com/RAHNTZAHRAHOSAN/3469
Last Update:
نعي
استشهاد السيدة فاطمة الزهراء عليها السلام
تعال وشوف دمع العين
يجري بمقلة الزهره
تعال وشوف حالتها
تهمل عينها الحمره
تعال وشوف تتلوه
الضلع يوجعها من كسره
تعال وشوف يم الباب
طاحت ويلي منكسره
تعال وشوف باب النور
بيدين الرجس محروك
*----------------*--------------*---------------*
تعال وشوفها الزهره
مكسور الضلع منها
حركو بابها الأشرار
ويلي وسكط محسنها
تسايل شلكم ويانه
لمن داهمو مسكنها
تون من الوجع بسكوت
تون ماينسمع ونها
اصحابك يبو القاسم
ركضت للكراسي اتبوك
*-------------*---------------*---------------*
من بعدك يبويه الناس
اسف عند دينها ارتدت
عن نهج الشرع والدين
عن اوصيتك اتعدت
لا قربه وموده الفاد
عن دار الوحي صدت
من بعد السقيفه اردود
الكوم لفاطمه ردت
حرفرها الشريعه وضاع
صوت الحق صبح مخنوك
*--------------*-------------*--------------*
باب الوحي واياته
الصحابه بنارهم حركوه
واحسان النبي المختار
الهداهم للمجد نكروه
جابلهم هدايه ونور
واهمه بالغدر جازوه
بعده ارتدو الاصحاب
بل بوجوده وجحدوه
يهجر كالو المختار
لأن صادق وحط احكوك
*-------------*--------------*-------------*
ركضله الظالم بغدره
وجمعله الحطب بالباب
باب أهل الكسا الخمسه
ال المصطفى الاطياب
يريد الدار يحركها
اعله اهلها أبن ابي الخطاب
كبس دار الوديعه بنار
بس فاركها ابوها وغاب
ولا جن بت نبيهم هاي
اعلى دار الزهره حطو طوك
*---------------*--------------*---------------*
محمد دعبل النوري
الجمعة 8 ربيع الثاني 1446 هـ
11 -تشرين الأول -2024 م
قناة قصائد محمد النوري
https://www.tgoop.com/RAHNTZAHRAHOSAN
BY قناة قصيدة كربلاء ...قصائد محمد النوري
Share with your friend now:
tgoop.com/RAHNTZAHRAHOSAN/3469