tgoop.com/RAHNTZAHRAHOSAN/3493
Last Update:
قصائد استشهاد السيدة فاطمة الزهراء عليها السلام
ليش مادفنو الزهره بصف ابوها
أسئله عندي و اريد اتجاوبوها
*------------*-----------*------------*
ما اسميكم صحابه بهالرزيه
يالظلمتو فاطمه بهاي القضيه
الأمانه تضيعت يالراشديه
أم أبوها وتندفن دفنه خفيه
بت محمد بالقطيعه اتعاقبوها
أسئله عندي و اريد اتجاوبوها
*-----------*----------*------------*
نعش فاطم يا علي بالليل شيعه
وما اريد أهل الظلم تمشي وتتبعه
ليش وصت يا علي كبري تضيعه
وعالشياطين اغضبت فاطمه البضعه
ساخطه ومارضت عن اللي اغضبوها
أسئله عندي و اريد اتجاوبوها
*-----------*-----------*-----------*
كلها يم النبي مدفونه بجلاله
و العجيبه تنمنع منه عياله
فاطمه هاي أم ابوها أم الرساله
اتضيعت والقبر مخفي بلا دلاله
صحبتك يانبي الرحمه عذبوها
أسئله عندي و اريد اتجاوبوها
*------------*------------*------------*
بسبب أفعال النذل لمن عصرها
ليش بنت النبي مانندل قبرها
ياصحابه الما عرفتوها بكدرها
ليش ضيعتوها ما نندل أثرها
لو صحابه شلون صرتو تحاربوها
أسئله عندي و اريد اتجاوبوها
*-------------*------------*-----------*
لايشيعني الخبيث وما اريده
كسر ضلعي ودفع باب البيت بيده
ولا أريد اللي نكر حق الصميده
ولا أريده الطمع بالكرسي ويريده
ياصحابه ليش فاطم تضربوها
أسئله عندي و اريد اتجاوبوها
*----------*------------*------------*
محمد دعبل النوري
الإثنين
25 كانون الأول 2017
7 ربيع الثاني 1439ﻫ
قناة قصائد محمد النوري
https://www.tgoop.com/RAHNTZAHRAHOSAN
BY قناة قصيدة كربلاء ...قصائد محمد النوري
Share with your friend now:
tgoop.com/RAHNTZAHRAHOSAN/3493