tgoop.com/RAHNTZAHRAHOSAN/3503
Last Update:
مجلس عزاء السيدة زينب عليها السلام
نعي فصيح
درجة بدار المرتضى والزاهره
هي زينب الحوراء بنت الطاهره
فعدا لها الدهر اللئيم محاربا
ورمى لها الاحزان خيلا غائره
ما انصفت تلك الضمائر ثكلها
وتوهمو دارة عليها الدائره
هيهات هيهات لم ترمي لهم طرفا
تلك الزكية من نفوس ثائرة
الله يا زينب ماحال الزمان وما
حال الخناجر من نفوس غادرة
بنت النبي المصطفى لم تنثني
حتى توفى الله روحا صابره
ومضت إلى الله كراية جدها
صدقت بما عملت وكانت مفخرة
نعي شعبي
بيه الدهر ماضي اصوابه
وحيرني الحسين ابمصابه
اميسره صرت ابغيابه
اخلاف عينه مالي حماي
انظر مصابه وكلبي مفجوع
ولفراك اخوتي تجري الدموع
انحب على مرضوض الضلوع
عطشان اخوي وماشرب ماي
ضليت أنا بولية العدوان
اكفل يتامى وارعى نسوان
خويه عليه اهواي الاحزان
يحسين ماضليت وياي
كونك يخويه وياي يحسين
وتشوف بيه شيعمل البين
بناتك ينوحن والنساوين
انخا ولا من يرد نخواي
مابينهم امشي هظيمه
عدوان وانفسهم لئيمه
بالعرب مامش بقت شيمه
وين ابو الشيمه الكمر رجواي
خويه الدهر دارت ايامه
واصبحنا بيد اهل اللئامه
أنا وبناتك واليتامى
امشي يسيره بولية اعداي
عفتك يخويه ابحر الرمال
وتيسريت ابين الانذال
مال الزمن من حال لاحال
الجاتل اخيي صار حداي
ابو ذيه بحق زينب عليها السلام
اجه الليل بضعن زينب وجنها
وسوالف مرن عليها واجنها
الدمع مثل الجمر يجوي وجنها
على اخوتها وعلى سكنه ورقيه
شماله الدهر زينب جن عليها
بخرابه وليل موحش جن عليها
وجثيرات المصايب جن عليها
مصيبات اليسر والغاضريه
على زينب يدورن ظيم هم هم
بقتلها الطاغي حين الحجت هم هم
بجت من ذكرت الميمون هم هم
وصاح حسين طاح اعله الوطيه
ابو ذيه بحق رقيه عليها السلام
الجمر يجوي برقيه من اداها
تصيح وصدى يرجع من نداها
تبلل رأس أبوها من نداها
وكظت فوكه وهي تبجي رقيه
( أبو ذيه ) نعي إلى العقيلة زينب عليها السلام
طشني الدهر باحزانه ولم باي
وهم حسين حوطني ولم باي
اجيتك ابره لظعوني وألم باي
أدور إخواني أصحاب الحميه
يوم العاشر ودهري جفاني
تهل حسره على إخواني جفاني
يريت وكون متفصله جفاني
عليه ولاشفت ذيج المسيه
الدهر ياحيف لخواني ولاهم
وسلط شمر بضعوني ولاهم
يريت الموت صوبني ولاهم
يصوب زينب وروح الزجيه
من الهم ذبح أبو اليمه كفلنا
واخيي ظل عالشاطي ال كفلنا
غرايب بينهم محد كفلنا
ولا واحد كفل ضعن الزجيه
محمد يارسول الله ولونه
اعداك وضيعو دينك ولونه
لون حيدر حظر زينب ولونه
اجه لحسينه ما أصبح سبيه
نعي
ابو ذيه بحق زينب عليها السلام
شافت ظيم من اول يهلها
الدهر كل دمعه للحره يهلها
رحتو وضلت اوحيده يهلها
اسيره صفت بت زهره الزجيه
لمن راحت اسيره من برا الهه
وعكب عباس فارس منبرا الهه
بوسط محظر الطاغي منبر الهه
هزت كل عرش باركان اميه
احنا البلعرش عالي علينا
جدنا المصطفى والأب علينا
شجاهه الناس تتفرج علينا
وعلى أعيال النبي ماكو حميه
الدنيا اتنكرت لينا ودارت
تون واهمومها تضمهه ودارت
لجن دمعة حزن نزلت ودارت (ودرت )
من زينب غصب بالغاضريه
(ابو ذيه) الى زينب الحوراء عليها السلام
حزينه وتضل مثل أمها يسرها
وبعد بالشام مايخلص يسرها
راح الجان بجفوفه يسرها
اجفوفه اتكطعت وامست سبيه
*----------------------*---------------------*
راح الجان من تمشي لواها
الدهر من طيح اخوتها لواها
الجبال الصمم من تنشج لواها
اتحطم من هظم بنت الزجيه
*----------------------*---------------------*
خان الدهر والزهره لها ون
كل الكون من كالو لها ون ( وإن )
لزينب مو وان كالو لها ون ( وين)
غريبه لوحدج بالغاضريه
*--------------------*---------------------*
غريبه بلا أهل ضلت بلا حد
وبلاها البين بهمومه بلا حد
صفت زينب بلا والي بلا حد ( حادي)
حاديها الشمر حادي الرزيه
*--------------------*---------------------*
محمد دعبل النوري
قناة قصائد محمد النوري
https://www.tgoop.com/RAHNTZAHRAHOSAN
BY قناة قصيدة كربلاء ...قصائد محمد النوري
Share with your friend now:
tgoop.com/RAHNTZAHRAHOSAN/3503