tgoop.com/REMSj/3591
Last Update:
{ أَن تَقُولَ نَفْسٌ يَا حَسْرَتَا عَلَىٰ مَا فَرَّطتُ فِي جَنبِ اللَّهِ }
الآية دي - عافانا الله وإياكم - هيقولها ناس كتير يوم القيامة ..
ناس استهانوا بأوامر الله واستباحوا محرماته 😞
• ناس اتقالها الربا حرام ..
وقالت لا ماتضيقوش علينا والشيخ فلاني قال حلال ..
• ناس اتقالها الأغاني والمسلسلات حرام ..
وكبروا دماغهم وقالوا اومال نسلي نفسنا ب ايه ..؟!
• ناس اتقالها الإختلاط والتساهل في التعامل بين الشباب والبنات لا يجوز ..
وقالا انتو معقدين أهم حاجة النية
• ناس اتقالها اللبس دا لا يرضي الله عزوجل ..
وسخروا وقالوا ربنا رب قلوب
ونسوا إنه "لو صلحت البواطن لصلحت الظواهر" ✋
• ناس اتقالها الصلاة ركن وفريضة ماينفعش نتهاون فيها ..
استهانوا وقالوا هنعمل ايه الوقت مفيهوش بركة ومش بنلحق ، هانسيب أشغالنا ومحاضراتنا ونروح نصلي ازاي ..؟!
» ناس وناس وناس ..
يوم القيامة هايعضوا علي أيديهم من الندم لما يشوفوا أثر تفريطهم في حق الله عزوجل ..
يارب مانكون منهم ..
يارب عافينا يارب وسلمنا ..
#رسايل
BY لن نتنازل عن الجنة ♥️🤍
Share with your friend now:
tgoop.com/REMSj/3591