tgoop.com/Ragadalbhadley/12406
Last Update:
*﷽*
اللهم صل على محمد وال بيت محمد وعجل فرجهم الشريف ياالله 🤲
🌺 قصيده فزاعيات حماسيه ( للحسين ع يوم العاشر ) 🌺
——————————————————
شوفي شحاله
اجاج المهر زينب شوفي اشحاله
شوفي اشحال مهر حسين يالحره
اجاج احمر من الدم منصبغ ضهره
اضنه ايگول طاح حسين عالغبره
روحي ابساع شوفي ابن امج الزهره
روحي ضمديها
اجروح اعزيز گلبج روحي ضمديها
اجاج المهر زينب شوفي امدمه
اضنه طاح من ضهره ابو اليمه
گومي حسين كلها اعليه ملتمه
زحمه ايطيح واليجن صدگ زحمه
گومي فزعيله
انتي و العلاوي گومي فزعيله
گومي ابساع اخيج انتي فزعيله
تدرينه غريب و محد ايعينه
عطشان الولي والله و ركد حيله
يزينب كون بيدينج تتجيله
گومي تچيله
ترا العدوان هجمت گومي تچيله
حايطته العده و سلبوهن اهدومه
و طعنه فوگ طعنه و فاضت ادمومه
و وصله من الگلب بالسهم مثلومه
روحي ابساع فييله يمضلومه
فيي لحسينج
يطلبج دين زينب فيي لحسينج
فييله ابعباتج و اخذي اميه
و اذا ما عندج ابدمعتج يعلويه
اشفافه اتفطرت و الروح مگضيه
و گليله يبعد الروح و الريه
لا تحظنينه
اخافنه ايتاذه لا تحظنينه
—————————————————
*تمت بقلم خادمة اهل البيت ع ✍️الشاعره 🎤والملا رغـد الـبـهـادلـي*
ذمة عدم حذف الاسم
https://www.tgoop.com/Ragadalbhadley
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/12406