tgoop.com/Ragadalbhadley/12780
Last Update:
قصيده مربعه و فزاعيه لوحشة السيده زينب ع
-------------------------------------------
يتراب الگبر عينك على الحره
لا تلچم متن زينب ولا اتعوره
يتراب الگبر لا تلجم ام طاهر
غريبه شلون بيها و تكسر الخاطر
بعدها املوعه من هضمت العاشر
خافنه صدرها اتلچمه و اتكسره
خافن يالگبر تلجم المهيوبه
تراهي املوعه من الوكت متعوبه
خل ترتاح روح الحره مصيوبه
شبعت ضيم و ابن امها اهي تنطره
تنطر و الولي ماحضر دفنتها
و تلچم بالگلب متعيني ونتها
ارحم حالها و هالليله وحشتها
اول ليله ليها هاي بالحفره
اول ليله خل ترتاح هالليله
خلي اتكف دمعها و كافي اتسيله
سلاها الهضم و هالماتت انحيله
و گلبها ماكو مثله ولا حصل صبره
هاي ام الصبر بهداي وياها
تعبانه گضت و الضيم سلاها
قصتها انتهت بالشام منواها
و هاي ادموعنه لمصابها تجره
تجري ادموعنه و النوح لاگ الها
و دمع اعيونه ليها نوشلها
هاي اخت الذبيح الضيم كاتلها
گضت بالشام لمن شافت الشجره
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/12780