TEAM HUDA

🕋 ሀጅ 🕋
(ረያን ሁዳ)


ኢስላም በተሰኘ አንድ ኃይማኖት በወንድምና እህትነት የተጋመዱ፣ አንድ አይነት ፈጣሪን የሚገዙ፣ በአንድ ዓይነት አለባበስ የተዋቡ፣ አንድ አይነትን ግጥምና ዜማ የሚያነበንቡ... ለአንድ ዓላማ ወደ አንድ ሥፍራ ይተምማሉ፡፡ ከተለያዩ ክፍላተ ዓለማት ነፍሳቸውን እንደተወለደ ሕጻን ነፍስ ሊያጠሩ፣ ከአምስቱ የኃይማኖታቸው ማዕዘናት አንዱን ሊሞሉ በመካህ ፤ በመጨረሻው የሂጅራ ወር ይገናኛሉ፤ ለሀጅ፡፡

ከ8ኛው የዙልሂጃ ቀን ጀምሮ እስከ 12ኛ እና 13ኛው ቀን ድረስ የሚዘልቀው ይህ ተግባር የአላህ ሰላም በርሳቸው ላይ ይሁንና ከነብያችን መሀመድ ህይወት ጋ ይቆራኛል፡፡ የአሁኑ የሀጅ ስርዓት የተቀዳውም ከእርሳቸው አስተምህሮ መሆኑን ልብ ይሏል፡፡ በሚሊዮናት የሚቆጠሩ ሁጃጆች በመካ ተገናኝተው ካዕባን በኢ-ሰዓታዊ ሽክርክሮሽ (Anticlockwise) ሰባት ጊዜ
ይዞራሉ፡፡ ሰፋ እና መርዋህ በተሰኙ ኮረብታዎች መሀከልም ሰባት ጊዜ ይመላለሳሉ፡፡ ከዘምዘም ውኃ ተጎንጭተው ወደ አረፋት ተራራ ይሄዳሉ፤ ከእነ ምሉዕ ንቃታቸው፡፡ ምሽቱን በሙዝደሊፋ ያሳልፋሉ፡፡ በሶስቱ አዕማድ ላይም ጠጠሮችን በመወርወር ሸይጧንን የመውገር ተምሳሌት የሆነውን ተግባር ይከውናሉ፡፡ እርዳቸውን ከከወኑ በኋላም ሁጃጆቹ ጸጉራቸውን እንዲቆርጡ አሊያም እንዲያሳጥሩ ይጠበቅባቸዋል፡፡ ከዚያ በኋላ የሶስት ቀናት የኢድ አል አድሃ አከባበር ስርዓት ይከተላል፡፡ ሙስሊሞች ከዚህ ጊዜ ውጭ ዑምራን መከወን ይፈቅድላቸዋል፡፡ ይህ ግን ልክ እንደሀጅ በህይወት አንድ ጊዜ ይደረግ ዘንድ የተደነገገ ግዴታ አይደለም፡፡

በፈረንጆቹ አቆጣጠር ከ2000-2019 ባሉት ዓመታት ውስጥ በተደረገ ጥናት በየዓመቱ በአማካይ ከ2.2 ሚሊዮን በላይ ሁጃጆች ሲሳተፉ ከ1.5 ሚሊዮን በላይ የሚሆኑት ከሳዑዲ ውጭ ከተለያዩ ክፍላተ ዓለማት የመጡ መሆናቸው ተገልጿል፡፡ በ2013 ደግሞ ከፍተኛው ቁጥር የተመዘገበ ሲሆን 3,161,573 ሰዎች ተሳትፈው ነበር፡፡ በ2020 ግን በኮሮና ተጽእኖ ሳቢያ ጥቂት ሳዑዲ አረቢያዊያን ብቻ ነበሩ የተሳተፉት፡፡

ምንም እንኳ የአሁኑ የሀጅ ስርዓት በነብያችን መሀመድ ላይ የተመሠረተ ቢሆንም ቁርዓን እንደሚገልጽልን አንዳንድ የሀጅ መሰረታዊ ተግባራት እስከ አባታችን ኢብራሂም ዘመን ወደኋላ ይመለሳሉ፤ የአላህ ሰላም በሁለታቸውም ላይ ይሁን፡፡ አባታችን ኢብራሂም ሚስታቸውን ሀጀርንና ልጃቸውን ኢስማኤልን በጥንታዊቷ መካህ ብቻቸውን እንዲተዉኣቸው በፈጣሪያቸው ይታዘዛሉ፡፡ ሀጀርም ውኃ ፍለጋ በሰፋ እና መርዋህ መሀከል 7 ጊዜ ትመላለሳለች፡፡ ግን አንዳችም ነገር በማጣቷ ወደኢስማኤል በድካም ዝላ ትመለሳለች፡፡ ያኔ ታዲያ ህጻኑ ልጅ መሬቱን በእግሩ ሲፈገፍግ ከእግሩ ግርጌም የውኃ ምንጭ ሲቡለቀለቅ ትመለከታለች፡፡ ከዚህ ሁሉ በኋላ ደግሞ የአላህ ነብይ ኢብራሂም ከልጃቸው ኢስማኤል ጋ የገነቡትን ካዕባን እንዲገነቡና ሰዎችንም ለሀጅ እንዲጣሩ ይታዘዛሉ፡፡ የአላህ ሰላም በሁለታቸውም ላይ ይሁን፡፡ መላዕኩ ጂብሪልም ሀጀረል አስወድን ከጀነት አምጥቶ ከካዕባ ጋ ያገናኘዋል፡፡

ከዘመናት በኋላ በቅድመ ኢስላማዊዋ አረቢያ (በዘመነ ጃሂሊያ) ጊዜ ካዕባ በጣዖታውያኑ ጣዖታት ተመልቶ ነበር፡፡ ከበድር ዘመቻ ድል፣ ከመካህ መከፈት በኋላ ግን ሁሉም ጣዖታት ወድመው ካዕባ ጽዱ ሆነ፡፡ በ632 (11ኛው ሂጅራ) ነብያችን ሰላም በርሳቸው ላይ ይሁንና ብቸኛና የመጨረሻ ሀጃቸውን ከብዙ ተከታዮቻቸው ጋ አደረጉ፡፡ በሀጅ ስርዓትም አዘዙ፡፡ ከዚህ ጊዜ አንስቶ ነበር ሀጅ ከአምስቱ የኢስላም አእማድ መሀከል አንደኛው የሆነው፡፡

በመሀከለኛው ዘመን ደግሞ በአስር ሺህዎች የሚቆጠሩ ሁጃጆች በቡድንና ቅፍለት ተከፋፍለው በሶሪያ ግብፅና ኢራቅ ትላልቅ ከተሞች ውስጥ በመሰባሰብ ወደመካህ ያቀኑ ነበር፤ በብዛት ከየሀገራቱ መንግስታት ድጋፍ ያገኙም ነበር፡፡ በመምሉክ ሱልጣኔት መምጣትና በተከታዩ የኦቶማን ስርዎመንግስት ዘመን ደግሞ የሀጅ ቅፍለቶች በወታደራዊ ሀይልና አኪሞች መታገዝ እንዲሁም በአሚር አል ሀጅ መመራት ጀምረው ነበር፡፡ ይህ የሚሆነው ቅፍለቱን ከበረኸኛ ዘራፊዎችና ከተፈጥሯዊ አደጋዎች ለመጠበቅ እንዲሁም ተጓዦቹ የሚያስፈልጋቸው አስፈላጊ አቅርቦቶችንም ለማሟላት ነበር፡፡ በዚህ ዘመን የነበረውን የሀጅ ጉዞ ኢብን ባቱታ እና ኢብን ጁበይር የተባሉ ተጓዦች በማስታወሻዎቻቸው ማስቀረት ችለው ነበር፡፡


ኢላህ በቀጣዩ የሀጅ ስነስርዐት ከሁጃጆች ዘንድ እንዲያደርገን🤲


@Re_Ya_Zan

www.tgoop.com/Re_ya_zan/1357

1.6K viewsJul 20, 2021 at 11:15

🕋 ሀጅ 🕋
(ረያን ሁዳ)


ኢስላም በተሰኘ አንድ ኃይማኖት በወንድምና እህትነት የተጋመዱ፣ አንድ አይነት ፈጣሪን የሚገዙ፣ በአንድ ዓይነት አለባበስ የተዋቡ፣ አንድ አይነትን ግጥምና ዜማ የሚያነበንቡ... ለአንድ ዓላማ ወደ አንድ ሥፍራ ይተምማሉ፡፡ ከተለያዩ ክፍላተ ዓለማት ነፍሳቸውን እንደተወለደ ሕጻን ነፍስ ሊያጠሩ፣ ከአምስቱ የኃይማኖታቸው ማዕዘናት አንዱን ሊሞሉ በመካህ ፤ በመጨረሻው የሂጅራ ወር ይገናኛሉ፤ ለሀጅ፡፡

ከ8ኛው የዙልሂጃ ቀን ጀምሮ እስከ 12ኛ እና 13ኛው ቀን ድረስ የሚዘልቀው ይህ ተግባር የአላህ ሰላም በርሳቸው ላይ ይሁንና ከነብያችን መሀመድ ህይወት ጋ ይቆራኛል፡፡ የአሁኑ የሀጅ ስርዓት የተቀዳውም ከእርሳቸው አስተምህሮ መሆኑን ልብ ይሏል፡፡ በሚሊዮናት የሚቆጠሩ ሁጃጆች በመካ ተገናኝተው ካዕባን በኢ-ሰዓታዊ ሽክርክሮሽ (Anticlockwise) ሰባት ጊዜ
ይዞራሉ፡፡ ሰፋ እና መርዋህ በተሰኙ ኮረብታዎች መሀከልም ሰባት ጊዜ ይመላለሳሉ፡፡ ከዘምዘም ውኃ ተጎንጭተው ወደ አረፋት ተራራ ይሄዳሉ፤ ከእነ ምሉዕ ንቃታቸው፡፡ ምሽቱን በሙዝደሊፋ ያሳልፋሉ፡፡ በሶስቱ አዕማድ ላይም ጠጠሮችን በመወርወር ሸይጧንን የመውገር ተምሳሌት የሆነውን ተግባር ይከውናሉ፡፡ እርዳቸውን ከከወኑ በኋላም ሁጃጆቹ ጸጉራቸውን እንዲቆርጡ አሊያም እንዲያሳጥሩ ይጠበቅባቸዋል፡፡ ከዚያ በኋላ የሶስት ቀናት የኢድ አል አድሃ አከባበር ስርዓት ይከተላል፡፡ ሙስሊሞች ከዚህ ጊዜ ውጭ ዑምራን መከወን ይፈቅድላቸዋል፡፡ ይህ ግን ልክ እንደሀጅ በህይወት አንድ ጊዜ ይደረግ ዘንድ የተደነገገ ግዴታ አይደለም፡፡

በፈረንጆቹ አቆጣጠር ከ2000-2019 ባሉት ዓመታት ውስጥ በተደረገ ጥናት በየዓመቱ በአማካይ ከ2.2 ሚሊዮን በላይ ሁጃጆች ሲሳተፉ ከ1.5 ሚሊዮን በላይ የሚሆኑት ከሳዑዲ ውጭ ከተለያዩ ክፍላተ ዓለማት የመጡ መሆናቸው ተገልጿል፡፡ በ2013 ደግሞ ከፍተኛው ቁጥር የተመዘገበ ሲሆን 3,161,573 ሰዎች ተሳትፈው ነበር፡፡ በ2020 ግን በኮሮና ተጽእኖ ሳቢያ ጥቂት ሳዑዲ አረቢያዊያን ብቻ ነበሩ የተሳተፉት፡፡

ምንም እንኳ የአሁኑ የሀጅ ስርዓት በነብያችን መሀመድ ላይ የተመሠረተ ቢሆንም ቁርዓን እንደሚገልጽልን አንዳንድ የሀጅ መሰረታዊ ተግባራት እስከ አባታችን ኢብራሂም ዘመን ወደኋላ ይመለሳሉ፤ የአላህ ሰላም በሁለታቸውም ላይ ይሁን፡፡ አባታችን ኢብራሂም ሚስታቸውን ሀጀርንና ልጃቸውን ኢስማኤልን በጥንታዊቷ መካህ ብቻቸውን እንዲተዉኣቸው በፈጣሪያቸው ይታዘዛሉ፡፡ ሀጀርም ውኃ ፍለጋ በሰፋ እና መርዋህ መሀከል 7 ጊዜ ትመላለሳለች፡፡ ግን አንዳችም ነገር በማጣቷ ወደኢስማኤል በድካም ዝላ ትመለሳለች፡፡ ያኔ ታዲያ ህጻኑ ልጅ መሬቱን በእግሩ ሲፈገፍግ ከእግሩ ግርጌም የውኃ ምንጭ ሲቡለቀለቅ ትመለከታለች፡፡ ከዚህ ሁሉ በኋላ ደግሞ የአላህ ነብይ ኢብራሂም ከልጃቸው ኢስማኤል ጋ የገነቡትን ካዕባን እንዲገነቡና ሰዎችንም ለሀጅ እንዲጣሩ ይታዘዛሉ፡፡ የአላህ ሰላም በሁለታቸውም ላይ ይሁን፡፡ መላዕኩ ጂብሪልም ሀጀረል አስወድን ከጀነት አምጥቶ ከካዕባ ጋ ያገናኘዋል፡፡

ከዘመናት በኋላ በቅድመ ኢስላማዊዋ አረቢያ (በዘመነ ጃሂሊያ) ጊዜ ካዕባ በጣዖታውያኑ ጣዖታት ተመልቶ ነበር፡፡ ከበድር ዘመቻ ድል፣ ከመካህ መከፈት በኋላ ግን ሁሉም ጣዖታት ወድመው ካዕባ ጽዱ ሆነ፡፡ በ632 (11ኛው ሂጅራ) ነብያችን ሰላም በርሳቸው ላይ ይሁንና ብቸኛና የመጨረሻ ሀጃቸውን ከብዙ ተከታዮቻቸው ጋ አደረጉ፡፡ በሀጅ ስርዓትም አዘዙ፡፡ ከዚህ ጊዜ አንስቶ ነበር ሀጅ ከአምስቱ የኢስላም አእማድ መሀከል አንደኛው የሆነው፡፡

በመሀከለኛው ዘመን ደግሞ በአስር ሺህዎች የሚቆጠሩ ሁጃጆች በቡድንና ቅፍለት ተከፋፍለው በሶሪያ ግብፅና ኢራቅ ትላልቅ ከተሞች ውስጥ በመሰባሰብ ወደመካህ ያቀኑ ነበር፤ በብዛት ከየሀገራቱ መንግስታት ድጋፍ ያገኙም ነበር፡፡ በመምሉክ ሱልጣኔት መምጣትና በተከታዩ የኦቶማን ስርዎመንግስት ዘመን ደግሞ የሀጅ ቅፍለቶች በወታደራዊ ሀይልና አኪሞች መታገዝ እንዲሁም በአሚር አል ሀጅ መመራት ጀምረው ነበር፡፡ ይህ የሚሆነው ቅፍለቱን ከበረኸኛ ዘራፊዎችና ከተፈጥሯዊ አደጋዎች ለመጠበቅ እንዲሁም ተጓዦቹ የሚያስፈልጋቸው አስፈላጊ አቅርቦቶችንም ለማሟላት ነበር፡፡ በዚህ ዘመን የነበረውን የሀጅ ጉዞ ኢብን ባቱታ እና ኢብን ጁበይር የተባሉ ተጓዦች በማስታወሻዎቻቸው ማስቀረት ችለው ነበር፡፡


ኢላህ በቀጣዩ የሀጅ ስነስርዐት ከሁጃጆች ዘንድ እንዲያደርገን🤲


@Re_Ya_Zan

BY TEAM HUDA