يفزعني التلميح ، قل أي شيء تريد إيصاله دون أن تحاول لمس ذهني بانتباهٍ شائك 🌾
❤9
الشاعر مصطفى إبراهيم قال:
" فيه حاجات لازم علشان نعرف درجة قوتها بنكسرها ..
وحاجات لازم علشان نعرف إننا عايزنها بنخسرها ."
والكاتب محمد إبراهيم قال:
"عمرك ما هتعرف قوة الرابط اللي بينك وبين اللي بتحبه .. غير مع اول إختبار ."
دايمًا بقول إنو العلاقات الحقيقة بجد ما فيها كمية الدوبامين rush بمعنى ما كلها حب وحنية وكلام حلو طول الوقت.
طبيعي نختلف أو نتناقش وتحصل مشكلة صغيرة وممكن تكبر .. وقتها كل واحد حيعرف غلاوته عند الطرف التاني.
الموضوع ما ليو علاقة بدرجة الحب خالص .. كدا كدا حتحصل مشكلة .. !
حتى الرسول صل الله عليه وسلم حصلت مشكلة بينه وبين السيدة عائشة في الحديث المعروف،
لما دخل عليهم سيدنا أبوبكر فسمع السييدة عائشة رافعة صوتها فقال ليها:
"يا ابنة أُم رومان _وتناولها_ أترفعين صوتكِ على رسول الله؟ ."
بعدها الرسول صل الله عليه وسلم حال بينها وبين أبوبكر وصالحا ورجعوا يضحكوا.
الشاهد من القصة إن كُل البيوت فيها مشاكل .. وكُل العلاقات في حياتك حتمر بخلافات
والمشاكل جزء من طبيعة الحياة.
بالعادة لما أتناقش مع أخواتي ونزعل من بعض برجع أقول ليهم يعني أنا لو ما إتشاكلت معاكم اتشاكل مع منو .. ؟
بطبعي بمسك نفسي من زول غريب أو ما ليو صلة قرابة شديدة بي .. عمري ما عرفت أكون حقيقية غير مع الناس اللي قريبة مني شديد مرة وحدة بعرفا لقتني في موقف بعلي صوتي وبتعصب وقفت مبهورة بتعايين لي بعدها قالت لي ما كنت حصدق إنك بتكوركي وتجوطي زينا كدا شدة ما كنت بشوفك هادية.
صحبتي البنتشاكل كتير مع الأيام إكتشفت إنو هي أقرب وحدة لي .. عرفت كيف أخدا على قدر محبتا الخلتا تكون حقيقية معاي .. في كل مرة نتناقش ونزعل بنرجع ... ما مهم منو فينا بتحاول تصالح التانية بس الأهم إنو زعلا مني كان ترجمة لمشاعرا الحلوة تجاهي البتنطلع في شكل زعل نوع :
_مخاصماك ما تتكلمي معاي ليه تلفونك قافل؟
_أختيني يا زولة مش قلتي نتلاقى وموسرتيني ما تتكلمي معاي.
_أفصليني بدل ما كل شوية نحن زعلانات من بعض.
_تاني ما بتصل ليك وقت ما بتردي علي.
هي بتكون عارفة إني ما بقفل تلفوني عمدًا ولا موسرتها قصدًا ولا حأفصلا لمجرد الموقف التافه دا .. وأنا متأكدة إنها في حالة زعل بتقول أي شي بس في الحقيقة هي صحبتي البعرفا وأهم شي بعرف كيف أتعامل مع زعلا.
الخلافات البتحصل بينا كلها متذكراها وبقت سبب في إنو نكمل سوا ونحن كل وحدة عارفة التانية البزعلا شنو وكيف بترضى.
أم كلثوم عندها كوبليه يتصنف إنو أجمل ما قيل في التراضي بقول:
"وهمس لي قالي الحق عليه .. نسيت ساعتها بعدنا ليه"
ضروري الناس تقعد بعد كل مشكلة ويصافوا بعض .. !
ساعة الزعل ما تحسس الأخر إنو بكبر الموضوع لو حسيتو زعل أخدو على قدر المحبة البينكم وراضيه بعدين إتناقشوا في سبب المشكلة وكيف بتتحل بس الأهم ما تفضلوا زعلانين .. !
وقتها حتكتشف إن الخلافات ممكن تبقى ذكريات حلوة .. !
وإنو علاقتنا ببعض بتستمر مش عشان حنبطل نتشاكل ونزعل من بعض .. بتستمر عشان نحن إختبرنا قبل كدا مشاكل أكبر و إتجاوزناها سوا .. !
عشان كل مشكلة قربتنا من بعض وبقينا فاهمين بعض أكتر .. !
عشان عرفنا إننا باقين على بعض وعلى طول حختار بعض رغم أنف أي مشكلة تحصل .. ولقدام لو جات الف مشكلة حنتخاصم ونتصالح .. !
ومع كل مشكلة حنعرف قيمة بعض .. ودا الحيخلينا نكمل لأـنو عمرها العلاقات ما إتبنت على تجنب المشاكل بل العكس يا إما بتتهد أو بتقوى بعد كُل مشكلة.
#على_الهامش:
"كُل الناس تستاهل إنها تتصالح♥️."
- ~®
" فيه حاجات لازم علشان نعرف درجة قوتها بنكسرها ..
وحاجات لازم علشان نعرف إننا عايزنها بنخسرها ."
والكاتب محمد إبراهيم قال:
"عمرك ما هتعرف قوة الرابط اللي بينك وبين اللي بتحبه .. غير مع اول إختبار ."
دايمًا بقول إنو العلاقات الحقيقة بجد ما فيها كمية الدوبامين rush بمعنى ما كلها حب وحنية وكلام حلو طول الوقت.
طبيعي نختلف أو نتناقش وتحصل مشكلة صغيرة وممكن تكبر .. وقتها كل واحد حيعرف غلاوته عند الطرف التاني.
الموضوع ما ليو علاقة بدرجة الحب خالص .. كدا كدا حتحصل مشكلة .. !
حتى الرسول صل الله عليه وسلم حصلت مشكلة بينه وبين السيدة عائشة في الحديث المعروف،
لما دخل عليهم سيدنا أبوبكر فسمع السييدة عائشة رافعة صوتها فقال ليها:
"يا ابنة أُم رومان _وتناولها_ أترفعين صوتكِ على رسول الله؟ ."
بعدها الرسول صل الله عليه وسلم حال بينها وبين أبوبكر وصالحا ورجعوا يضحكوا.
الشاهد من القصة إن كُل البيوت فيها مشاكل .. وكُل العلاقات في حياتك حتمر بخلافات
والمشاكل جزء من طبيعة الحياة.
بالعادة لما أتناقش مع أخواتي ونزعل من بعض برجع أقول ليهم يعني أنا لو ما إتشاكلت معاكم اتشاكل مع منو .. ؟
بطبعي بمسك نفسي من زول غريب أو ما ليو صلة قرابة شديدة بي .. عمري ما عرفت أكون حقيقية غير مع الناس اللي قريبة مني شديد مرة وحدة بعرفا لقتني في موقف بعلي صوتي وبتعصب وقفت مبهورة بتعايين لي بعدها قالت لي ما كنت حصدق إنك بتكوركي وتجوطي زينا كدا شدة ما كنت بشوفك هادية.
صحبتي البنتشاكل كتير مع الأيام إكتشفت إنو هي أقرب وحدة لي .. عرفت كيف أخدا على قدر محبتا الخلتا تكون حقيقية معاي .. في كل مرة نتناقش ونزعل بنرجع ... ما مهم منو فينا بتحاول تصالح التانية بس الأهم إنو زعلا مني كان ترجمة لمشاعرا الحلوة تجاهي البتنطلع في شكل زعل نوع :
_مخاصماك ما تتكلمي معاي ليه تلفونك قافل؟
_أختيني يا زولة مش قلتي نتلاقى وموسرتيني ما تتكلمي معاي.
_أفصليني بدل ما كل شوية نحن زعلانات من بعض.
_تاني ما بتصل ليك وقت ما بتردي علي.
هي بتكون عارفة إني ما بقفل تلفوني عمدًا ولا موسرتها قصدًا ولا حأفصلا لمجرد الموقف التافه دا .. وأنا متأكدة إنها في حالة زعل بتقول أي شي بس في الحقيقة هي صحبتي البعرفا وأهم شي بعرف كيف أتعامل مع زعلا.
الخلافات البتحصل بينا كلها متذكراها وبقت سبب في إنو نكمل سوا ونحن كل وحدة عارفة التانية البزعلا شنو وكيف بترضى.
أم كلثوم عندها كوبليه يتصنف إنو أجمل ما قيل في التراضي بقول:
"وهمس لي قالي الحق عليه .. نسيت ساعتها بعدنا ليه"
ضروري الناس تقعد بعد كل مشكلة ويصافوا بعض .. !
ساعة الزعل ما تحسس الأخر إنو بكبر الموضوع لو حسيتو زعل أخدو على قدر المحبة البينكم وراضيه بعدين إتناقشوا في سبب المشكلة وكيف بتتحل بس الأهم ما تفضلوا زعلانين .. !
وقتها حتكتشف إن الخلافات ممكن تبقى ذكريات حلوة .. !
وإنو علاقتنا ببعض بتستمر مش عشان حنبطل نتشاكل ونزعل من بعض .. بتستمر عشان نحن إختبرنا قبل كدا مشاكل أكبر و إتجاوزناها سوا .. !
عشان كل مشكلة قربتنا من بعض وبقينا فاهمين بعض أكتر .. !
عشان عرفنا إننا باقين على بعض وعلى طول حختار بعض رغم أنف أي مشكلة تحصل .. ولقدام لو جات الف مشكلة حنتخاصم ونتصالح .. !
ومع كل مشكلة حنعرف قيمة بعض .. ودا الحيخلينا نكمل لأـنو عمرها العلاقات ما إتبنت على تجنب المشاكل بل العكس يا إما بتتهد أو بتقوى بعد كُل مشكلة.
#على_الهامش:
"كُل الناس تستاهل إنها تتصالح♥️."
- ~®
❤8👍1
مؤمنة جدًا إنو المسافة إتخلقت عشان نحدد بيها موقفنا لأن
"الأشياء في المرآة تبدو أقرب مما هي عليه"
ساعات بنحتاج نبعد شوية ونخلي مسافة بينا وبين الحاجات البنحبها .. عشان نعرف قيمتا ومدى أهميتا عندنا وعشان نعرف نحافظ عليها.
مشاعرنا بتتجدد بالبُعد .. على قدر ما هو سيء بس بورينا مكانتنا في قلوب البنحبهم.
بحب المسافة البتكون بين إتنين زعلانين من بعض .. المسافة اللي بتخلي واحد إختبر يعني شنو يعدي اليوم بدون التاني فعشان يقصرا يبادر بالمسامحة.!
في مسلسل ما :
البطلة كانت زعلانة من البطل وماخدة موقف فقررت تبعد .. كُل الحواليها كانوا شايفين إن الموضوع ما بستاهل .. بس هو إختبر بُعدها وعِرف غلطو فقرر يتغير ويصّلِح الإتخرب
في نفس ذات اللحظة هي لما إتسألت يعني دا قررارك النهائي؟
فكان ردها : "ما بالساهل الواحد يتخلى عن حبو"
جُملة بسيطة بس بتورينا إنو البُعد عمرو ما كان قرار .. !
نحن ما بالساهل نقرر نبعد .. ولا في إنسان طبيعي بيختار يبعد بإرادتو.
نحن بس عايزين نرجع لورا شوية عشان نعرف نقدر الموقف .. !
عشان نختبر صِدق شعورنا تجاه حاجة كانت طُول الوقت قدامنا .. قدامنا لدرجة ما بنتخيل الحيحصل شنو لو خِسرناها !
موقف طبيعي الواحدة ترجع لأهلها لما تحصل مشكلة بينا وبين زوجها .. بس الما طبيعي إنو لا المجتمع ولا أهلها بكونوا مقتنعين إنو المشكلة البسيطة دي بتخليها تاخد قرار كبير زي دا .. بس جربوا مرة تسألوها هي عايزة شنو؟
لأنو ما كُل مسافة بكون القصد منها إنفصال ..!
ما بنقدر نهتكر الناس .. من حق أي زول يقرر إذا هو بقدر يتمسك أو لا ..!
ما بنقدر نجبر شخص يهزم المسافة لأنو دي معركتو هو .. وهو الوحيد البقرر إذا مُستعد يربحها أو يخسرا .
عشان كدا أنا بوافق جوزيف أوكونور لما قال :
"أحيانًا هذا هو الحبّ أيضًا: أن نترك أولئِك الذين نُحبّهم أن يُغادروا"
#على_الهامش:
"الآن نحن غُرباء والمسافة بيننا حقيقية💔 "
#نُوودين_بِتْ_مِنْ_حُبّ.
"الأشياء في المرآة تبدو أقرب مما هي عليه"
ساعات بنحتاج نبعد شوية ونخلي مسافة بينا وبين الحاجات البنحبها .. عشان نعرف قيمتا ومدى أهميتا عندنا وعشان نعرف نحافظ عليها.
مشاعرنا بتتجدد بالبُعد .. على قدر ما هو سيء بس بورينا مكانتنا في قلوب البنحبهم.
بحب المسافة البتكون بين إتنين زعلانين من بعض .. المسافة اللي بتخلي واحد إختبر يعني شنو يعدي اليوم بدون التاني فعشان يقصرا يبادر بالمسامحة.!
في مسلسل ما :
البطلة كانت زعلانة من البطل وماخدة موقف فقررت تبعد .. كُل الحواليها كانوا شايفين إن الموضوع ما بستاهل .. بس هو إختبر بُعدها وعِرف غلطو فقرر يتغير ويصّلِح الإتخرب
في نفس ذات اللحظة هي لما إتسألت يعني دا قررارك النهائي؟
فكان ردها : "ما بالساهل الواحد يتخلى عن حبو"
جُملة بسيطة بس بتورينا إنو البُعد عمرو ما كان قرار .. !
نحن ما بالساهل نقرر نبعد .. ولا في إنسان طبيعي بيختار يبعد بإرادتو.
نحن بس عايزين نرجع لورا شوية عشان نعرف نقدر الموقف .. !
عشان نختبر صِدق شعورنا تجاه حاجة كانت طُول الوقت قدامنا .. قدامنا لدرجة ما بنتخيل الحيحصل شنو لو خِسرناها !
موقف طبيعي الواحدة ترجع لأهلها لما تحصل مشكلة بينا وبين زوجها .. بس الما طبيعي إنو لا المجتمع ولا أهلها بكونوا مقتنعين إنو المشكلة البسيطة دي بتخليها تاخد قرار كبير زي دا .. بس جربوا مرة تسألوها هي عايزة شنو؟
لأنو ما كُل مسافة بكون القصد منها إنفصال ..!
ما بنقدر نهتكر الناس .. من حق أي زول يقرر إذا هو بقدر يتمسك أو لا ..!
ما بنقدر نجبر شخص يهزم المسافة لأنو دي معركتو هو .. وهو الوحيد البقرر إذا مُستعد يربحها أو يخسرا .
عشان كدا أنا بوافق جوزيف أوكونور لما قال :
"أحيانًا هذا هو الحبّ أيضًا: أن نترك أولئِك الذين نُحبّهم أن يُغادروا"
#على_الهامش:
"الآن نحن غُرباء والمسافة بيننا حقيقية💔 "
#نُوودين_بِتْ_مِنْ_حُبّ.
👍2
بعد 10 أو 20سنة لو ربنا مد في عمري، أنا بتمنى وقتها ما تكون الحياة أخدتني مني ولا أفقد شغفي .
عايزة أفضل أحب كل الحاجات البعملا ما مهم هي شنو المهم أفضل مُخلصة وشغوفة وبعمل الحاجات بكل حُبّ.
أيوة أنا مع التغيير وعارفة الإنسان بيتغيير بس دي الحاجة البتمناها تدوم لي ولو إتغييرت يكون للأحسن .
عايزة الطفلة الجواي تفضل رافضة بشدة إنها تكبر .
عايزة أنا الجواي تفضل حلوة ولطيفة وبتحب الحياة وصحباتا والحلاوة والكعك.
عايزة أفضل إنسانة بتحب نفسها وبتحب تغوض تجارب وتعمل المستحيل قبل الممكن.
إنسانة ما بتخاف من الفشل ولا بتحبط نفسها وفخورة بكل حاجة تعملا وما بتعرف الندم ، وما أخر الدُنيا إذا فَشلت لأنو فشل التجارب بديها أمل عشان تنجح المرة الجاية .
مهما عصفت بي الحياة وطحنتني الضغوطات عايزة الـ Me Time يفضل ألطف جزء في يومي، ألف وأدور أرجع ألاقيني وأطبطب علي.
ما عايزة الواجبات وضغوطات الحياة تغيرني،
ما عايزة في يوم أنسى نفسي في وسط الزحمة.
عايزة أكون زي أسي وقت ما قررت أقرأ كتاب أقدر أعمل كدا.
وقت ما قررت أتصل بصحبة ليا ونتونس وناخد وندي أقدر أعمل كدا.
من فترة لفترة ألاقي الناس البحبها و أشيل ليهم حلاوة "بقرة" وأشوف ملامحهم وهما مبسوطين نغيير جو ونتبسط وأكتب عن تفاصيل اليوم عشان تفضل ذِكرى.
عايزة أتصور بدون مناسبة لو ما كُل يوم على الأقل في الإسبوع مرة.
عايزة أتمشى وأسيب العربية "بإذن الله " .
في فصل الشتاء بالذات عايزة أفضل زي هسى أتغدى الساعة 10م ، أساهر بشرب نسكافي وأحضر فيلم من تحت البطانية أو أقرا كتاب
وما عندي مشكلة لو كانت القصة حزينة وبتبكي المهم ما أفقد العادة الحلوة أو العويرة دي بصراحة مش متأكدة يعني .
عايزة أنوم وأنا حاضنة الـNotebook بتاعتي بعد ما شخبطة فيها كم تفصيلة عن يومي وكتبت كم هامش.
عايزة كل ما أركب عربية أقعد جنب الشباك زي العادة و أقرأ الإعلانات وأشاغل الشُفع لو جوا مارين بي جنبي .. ما عايزة أكون سرحانة أو أتنازل عن المقعد الجنب الشباك بحجة العمر.
عايزة اول ما أصحى أفتح تلفوني أشغل قرآن بصوت قارئي المُفضل"إسلام صُبحي" وأعمل كل حاجة برواقة حتى لو وراي مواضيع مهمة لأنو عندي مبدأ "ما بعرف أستعجل وإلاّ حبوظ كُل حاجة" بصراحة دي ممكن تكون عادة سيئة عند البعض بس أنا بحبها وما عايزة أغير مبدأي دا.
عايزة أفضل ورا قلبي الما عارفة حيسوقني لي وين بس عمري ما حأحرم نفسي أعيش شعور حلو حاساه.
عايزة ألصق ستيك نوت في كُل البيت "الدولاب ، مراية التسريحة ، باب التلاجة، المطبخ، مكتبي..الخ"عايزة أكون إيجابية حتى في أسوأ الإحتمالات.
هي حاجات كتيرة شديد بتمنى إنها تفضل زيما هي.
#على_الهامش:
أتمنى أن لا ينفذ مخزوني من الصبر
أن أحب الحياة دائماً كأن لا شيء يحدث
أن أغرق في تفاصيل أيامي الممتلئة بالحب و العاطفة
أن لا أفقد قدرتي على تقبُل الحياة مهما بدر منها ..
أن أكون بنفس قلبي الطفل و ذاتي التي تحب التفاصيل المميزة و ضحكتي التي تُفسد ما يفعله البشر من سوء ، أتمنى ألا يُشيب شيئاً بداخلي مهما حدث ..
أن أبقى أنا كما أنا دائماً 🌻❤
#نُودين_بِت_مِن_حُبّ
عايزة أفضل أحب كل الحاجات البعملا ما مهم هي شنو المهم أفضل مُخلصة وشغوفة وبعمل الحاجات بكل حُبّ.
أيوة أنا مع التغيير وعارفة الإنسان بيتغيير بس دي الحاجة البتمناها تدوم لي ولو إتغييرت يكون للأحسن .
عايزة الطفلة الجواي تفضل رافضة بشدة إنها تكبر .
عايزة أنا الجواي تفضل حلوة ولطيفة وبتحب الحياة وصحباتا والحلاوة والكعك.
عايزة أفضل إنسانة بتحب نفسها وبتحب تغوض تجارب وتعمل المستحيل قبل الممكن.
إنسانة ما بتخاف من الفشل ولا بتحبط نفسها وفخورة بكل حاجة تعملا وما بتعرف الندم ، وما أخر الدُنيا إذا فَشلت لأنو فشل التجارب بديها أمل عشان تنجح المرة الجاية .
مهما عصفت بي الحياة وطحنتني الضغوطات عايزة الـ Me Time يفضل ألطف جزء في يومي، ألف وأدور أرجع ألاقيني وأطبطب علي.
ما عايزة الواجبات وضغوطات الحياة تغيرني،
ما عايزة في يوم أنسى نفسي في وسط الزحمة.
عايزة أكون زي أسي وقت ما قررت أقرأ كتاب أقدر أعمل كدا.
وقت ما قررت أتصل بصحبة ليا ونتونس وناخد وندي أقدر أعمل كدا.
من فترة لفترة ألاقي الناس البحبها و أشيل ليهم حلاوة "بقرة" وأشوف ملامحهم وهما مبسوطين نغيير جو ونتبسط وأكتب عن تفاصيل اليوم عشان تفضل ذِكرى.
عايزة أتصور بدون مناسبة لو ما كُل يوم على الأقل في الإسبوع مرة.
عايزة أتمشى وأسيب العربية "بإذن الله " .
في فصل الشتاء بالذات عايزة أفضل زي هسى أتغدى الساعة 10م ، أساهر بشرب نسكافي وأحضر فيلم من تحت البطانية أو أقرا كتاب
وما عندي مشكلة لو كانت القصة حزينة وبتبكي المهم ما أفقد العادة الحلوة أو العويرة دي بصراحة مش متأكدة يعني .
عايزة أنوم وأنا حاضنة الـNotebook بتاعتي بعد ما شخبطة فيها كم تفصيلة عن يومي وكتبت كم هامش.
عايزة كل ما أركب عربية أقعد جنب الشباك زي العادة و أقرأ الإعلانات وأشاغل الشُفع لو جوا مارين بي جنبي .. ما عايزة أكون سرحانة أو أتنازل عن المقعد الجنب الشباك بحجة العمر.
عايزة اول ما أصحى أفتح تلفوني أشغل قرآن بصوت قارئي المُفضل"إسلام صُبحي" وأعمل كل حاجة برواقة حتى لو وراي مواضيع مهمة لأنو عندي مبدأ "ما بعرف أستعجل وإلاّ حبوظ كُل حاجة" بصراحة دي ممكن تكون عادة سيئة عند البعض بس أنا بحبها وما عايزة أغير مبدأي دا.
عايزة أفضل ورا قلبي الما عارفة حيسوقني لي وين بس عمري ما حأحرم نفسي أعيش شعور حلو حاساه.
عايزة ألصق ستيك نوت في كُل البيت "الدولاب ، مراية التسريحة ، باب التلاجة، المطبخ، مكتبي..الخ"عايزة أكون إيجابية حتى في أسوأ الإحتمالات.
هي حاجات كتيرة شديد بتمنى إنها تفضل زيما هي.
#على_الهامش:
أتمنى أن لا ينفذ مخزوني من الصبر
أن أحب الحياة دائماً كأن لا شيء يحدث
أن أغرق في تفاصيل أيامي الممتلئة بالحب و العاطفة
أن لا أفقد قدرتي على تقبُل الحياة مهما بدر منها ..
أن أكون بنفس قلبي الطفل و ذاتي التي تحب التفاصيل المميزة و ضحكتي التي تُفسد ما يفعله البشر من سوء ، أتمنى ألا يُشيب شيئاً بداخلي مهما حدث ..
أن أبقى أنا كما أنا دائماً 🌻❤
#نُودين_بِت_مِن_حُبّ
👍2
"لماذا لا يعود المحبوب حين تسنح له الفُرصة؟"
في فيلم البطل كان بيسأل البطلة عن أهلا فقالت ليه إنفصلوا رغم حبهم الشديد لبعض وبدت تحكي ليو قصتهم فكان كل شوية بتغاظ من أبوها اللي ترك أمها وجاتو كم فرصة عشان يرجع ليها وهو كان كل مرة بتأخر عشان يغتنم الفرصة لحد ما في يوم رجع لقاها ماتت.
قصة طبيعية وأي ثينك إنها حصلت مع ناس كُتار في الواقع لحد ما إتولد مفهوم "الإكس ما بيرجعوا ليهو"
ليه؟
غلطان لو بتفكر إنو البحبك بجد ما بمشي يخليك
عادي يا جماعة لو ما المشي ما كان في درب رجوع
نطلع شوية من حياة الأفلام واللوف ستوري
نحن في الواقع كم مرة خسرنا قريب؟
كم مرة قررنا نمشي وإتراجعنا؟
كتير والله .. كتير شديد .. مرات لا تُحصى ولا تُعد
ولو ما مشينا من جوة جا موقف هز ثقتنا في إننا نفضل
قالت لي:
نحن قبل نتزوج إنفصلنا مرتين مرة بعد تلاتة يوم من خطوبتنا ومرة قبل العرس بشهر لما أخرناهو عن موعدو وأخر مرة دي ما كنت متوقعة نرجع والله.
أنا الآن بعد تلاتة سنين عشتهم معاه بقول ليك نحن لسة بنتشاكل وأكتر من اول وبنطور الموضوع لما بشيل شنطة نور وشنطتي وبرجع لأهلي بس كل مرة بمشي فيها بكون متأكدة إني حأرجع يمكن يا نود عشان البعد علمني إنو مهما كانو حوالي ناس أنا من غير عبدالرحمن ما بسوى شي وهو بقول لي حنرجع لأنو ما ينفع كل واحد يعيش براه نحن إتكتب في قدرنا نكون سوا إنتي حتكفري ولا إيه؟ فبنضحك وبقول ليهو جملتنا المُفضلة
"أنا واخداك جنبي علشان لما أمد إيديا ألاقيك هنا ملقاش بعيد".
في جانب أخر وحدة إنفصلت عن أكتر شخص ما كان نفسها يمشي .. الشخص الوحيد البيتقال عنو :
"تعال أنت الذي إذا أتى لا بأس فيمن مشى"
قالت لي:
جاتنا فُرص كتيرة نرجع بس نحن الاتنين فَضلنا واقفين في نفس الحتة ما كان ينفع نرجع لأنو محبتنا لبعض هي بقدر خوفنا من إننا نأذي بعض نحن وصلنا لنقطة ما بعدها رجعة فكل مرة بتجي فرصة نحن بنتراجع.
يمكن دا أغرب سبب يلاقيني اللي هو أنا عايزك أيوة بس ما ينفع.
وما من حقنا نقول لزول أرجع أو ما ترجع
أنا ما بدي راي في النقطة دي بالذات لأنو كل زول هو أدرى باللي عايشو هو بيعرف الموضوع قدر شنو صعب بالنسبة ليهو إنت بتقول بكل بساطة أرجع .. وهو بشوف الرجعة حتتطلب منو يقطع أميال .
إنت بتقولا ببساطة ما ترجع .. بس ما بتعرف هو قدر شنو نفسو يرجع .. نفسو الحاجز الاتبنى بينهم يتهدم .. مناه بس لو يقدر يخطي خطوة تجاه الطرف الأخر .. لو يقدر يصلح الإتخرب .. لو يقدر يحارب الظروف ويفوز عليها مرة.
القصص كتيرة والأسباب أكتر وكلها بتتفق في إنو نحن لو رجعنا يمكن نأذي بعض لو ما رجعنا كمان بنتأذى.
أصلا كدا الحب غريب وما بيتفهم.
#على_الهامش:
"أنت لا تعرف فداحة الشعور في أنّ يعتزَل المرء مُجبرًا ما يُحبّه، كي لا يُؤذيه!. 💔"
#نُوودين_بِتْ_مِنْ_حُبّ.
في فيلم البطل كان بيسأل البطلة عن أهلا فقالت ليه إنفصلوا رغم حبهم الشديد لبعض وبدت تحكي ليو قصتهم فكان كل شوية بتغاظ من أبوها اللي ترك أمها وجاتو كم فرصة عشان يرجع ليها وهو كان كل مرة بتأخر عشان يغتنم الفرصة لحد ما في يوم رجع لقاها ماتت.
قصة طبيعية وأي ثينك إنها حصلت مع ناس كُتار في الواقع لحد ما إتولد مفهوم "الإكس ما بيرجعوا ليهو"
ليه؟
غلطان لو بتفكر إنو البحبك بجد ما بمشي يخليك
عادي يا جماعة لو ما المشي ما كان في درب رجوع
نطلع شوية من حياة الأفلام واللوف ستوري
نحن في الواقع كم مرة خسرنا قريب؟
كم مرة قررنا نمشي وإتراجعنا؟
كتير والله .. كتير شديد .. مرات لا تُحصى ولا تُعد
ولو ما مشينا من جوة جا موقف هز ثقتنا في إننا نفضل
قالت لي:
نحن قبل نتزوج إنفصلنا مرتين مرة بعد تلاتة يوم من خطوبتنا ومرة قبل العرس بشهر لما أخرناهو عن موعدو وأخر مرة دي ما كنت متوقعة نرجع والله.
أنا الآن بعد تلاتة سنين عشتهم معاه بقول ليك نحن لسة بنتشاكل وأكتر من اول وبنطور الموضوع لما بشيل شنطة نور وشنطتي وبرجع لأهلي بس كل مرة بمشي فيها بكون متأكدة إني حأرجع يمكن يا نود عشان البعد علمني إنو مهما كانو حوالي ناس أنا من غير عبدالرحمن ما بسوى شي وهو بقول لي حنرجع لأنو ما ينفع كل واحد يعيش براه نحن إتكتب في قدرنا نكون سوا إنتي حتكفري ولا إيه؟ فبنضحك وبقول ليهو جملتنا المُفضلة
"أنا واخداك جنبي علشان لما أمد إيديا ألاقيك هنا ملقاش بعيد".
في جانب أخر وحدة إنفصلت عن أكتر شخص ما كان نفسها يمشي .. الشخص الوحيد البيتقال عنو :
"تعال أنت الذي إذا أتى لا بأس فيمن مشى"
قالت لي:
جاتنا فُرص كتيرة نرجع بس نحن الاتنين فَضلنا واقفين في نفس الحتة ما كان ينفع نرجع لأنو محبتنا لبعض هي بقدر خوفنا من إننا نأذي بعض نحن وصلنا لنقطة ما بعدها رجعة فكل مرة بتجي فرصة نحن بنتراجع.
يمكن دا أغرب سبب يلاقيني اللي هو أنا عايزك أيوة بس ما ينفع.
وما من حقنا نقول لزول أرجع أو ما ترجع
أنا ما بدي راي في النقطة دي بالذات لأنو كل زول هو أدرى باللي عايشو هو بيعرف الموضوع قدر شنو صعب بالنسبة ليهو إنت بتقول بكل بساطة أرجع .. وهو بشوف الرجعة حتتطلب منو يقطع أميال .
إنت بتقولا ببساطة ما ترجع .. بس ما بتعرف هو قدر شنو نفسو يرجع .. نفسو الحاجز الاتبنى بينهم يتهدم .. مناه بس لو يقدر يخطي خطوة تجاه الطرف الأخر .. لو يقدر يصلح الإتخرب .. لو يقدر يحارب الظروف ويفوز عليها مرة.
القصص كتيرة والأسباب أكتر وكلها بتتفق في إنو نحن لو رجعنا يمكن نأذي بعض لو ما رجعنا كمان بنتأذى.
أصلا كدا الحب غريب وما بيتفهم.
#على_الهامش:
"أنت لا تعرف فداحة الشعور في أنّ يعتزَل المرء مُجبرًا ما يُحبّه، كي لا يُؤذيه!. 💔"
#نُوودين_بِتْ_مِنْ_حُبّ.
الأتراك عندهم مثل لطيف بستخدموه كمبدأ في التعامل مع نسوانهم بقول:
"أصحك تربح على مرتك لأنك راح تخسر بقية حياتك"
فيا جماعة حقيقي الإنتصار لِذتو بتكون لما يكون الشخص اللي خسر عدوك مش صديقك أو شخص بتحبو لأنو وقتها صدقني ما حتعرف تفرح بفوزك عليهو.
كُلنا بطريقة ما خسرانين شي عظيم .. صديق أو حبيب أو حتى حِلم .. عرفنا نتخطى المِحنة بس في حتة جوانا لسة كُل فترة والتانية بتذكرنا إنو نحن خسرنا .. لأنو الإنسان بطبعو بنسى وممكن يعتاد بس بتفضل جواهو علامات كتيرة بتذكرو .. !
بيفضل مربوط بكل تجربة عاشا ولا يمكن ينساها كلها ..!
ممكن نكمل وننسى الوجع .. بس في قرارة نفسنا عارفين التفاصيل .. !
عارفين كيف بكينا وزعلنا .. !
كيف حاولنا نتجاوز وفشلنا .. !
كيف عدينا أيام كئيبة وسودة ..!
كيف عدت شهور ونحن واقفين في نفس الحتة بنحاول نستوعب ..!
مقتنعة إنو الوقت كفيل يداوي جروحنا .. مع الأيام حتقيف على حيلك وتحاول تكمل .. بس للأسف حتقع كتير .
حتقنع نفسك إنو الحصل خلاص حصل ..بس مع سؤال "هل أنا أستاهل يحصل لي كدا؟"
حتحاول تخت مسافة وتبعد .. بس حتهزمك المسافة.
ممكن تغيير الشارع اللي فيه ذكريات وتفاصيل .. بس دا من باب الهروب ما شجاعة منك!
حتحاول تمسح كل شي ممكن يذكرك .. بس الموضوع في رأسك وليس ذاكرة الهاتف..!
وبعد محاولات كتيرة فاشلة إنت بالأخر حتنجح .. حتنجح في إنك تبدأ يومك من غير الشخص دا .. !
من غير التفكير في حلمك اللي ضاع .. !
من غير جلد ذات .. !
ومن غير كُل الذكريات .
حتنجح في إنك تكمل مع شخص أخر ..!
مع حلم جديد .. !
حتنجح في إنك تضغط على زر إلعاء المتابعة ..
على زر حذف جهة الإتصال ..
حتضغط على select all وتحذف كُل الصور والإسكرينات ..
حترجع تمشي في نفس الشارع بس المرة دي من غير دموع وإنهيار ..
حتعرف تعمل كُل دا من غير ما تحس إنو الموضوع صعب بعد ما كُنت شايفو مستحيل ..!
بس ..!
كُل الإنتصارات دي حزينة وما بِتفرِّح .. !
ما بتقدر تحتفل بيها وتشاركا حتى مع أعز أصدقاءك .. !
ما حتقدر تقول لنفسك لقد فعلناها .. لأنك أساسًا ما كُنت عايز تحارب علشان تفوز ..!
ما كُنت عايز تغوض معركة زي دي .. وحتتمنى إنو للأبد ما تعيش ظروف مشابهة ..!
عشان بقت في ندبة جواك كل ما إتناسيت بتذكرك .. !
#على_الهامش:
"ثُم يهزمك إنتصارك "
#نُوودين_بِتْ_مِنْ_حُبّ.
"أصحك تربح على مرتك لأنك راح تخسر بقية حياتك"
فيا جماعة حقيقي الإنتصار لِذتو بتكون لما يكون الشخص اللي خسر عدوك مش صديقك أو شخص بتحبو لأنو وقتها صدقني ما حتعرف تفرح بفوزك عليهو.
كُلنا بطريقة ما خسرانين شي عظيم .. صديق أو حبيب أو حتى حِلم .. عرفنا نتخطى المِحنة بس في حتة جوانا لسة كُل فترة والتانية بتذكرنا إنو نحن خسرنا .. لأنو الإنسان بطبعو بنسى وممكن يعتاد بس بتفضل جواهو علامات كتيرة بتذكرو .. !
بيفضل مربوط بكل تجربة عاشا ولا يمكن ينساها كلها ..!
ممكن نكمل وننسى الوجع .. بس في قرارة نفسنا عارفين التفاصيل .. !
عارفين كيف بكينا وزعلنا .. !
كيف حاولنا نتجاوز وفشلنا .. !
كيف عدينا أيام كئيبة وسودة ..!
كيف عدت شهور ونحن واقفين في نفس الحتة بنحاول نستوعب ..!
مقتنعة إنو الوقت كفيل يداوي جروحنا .. مع الأيام حتقيف على حيلك وتحاول تكمل .. بس للأسف حتقع كتير .
حتقنع نفسك إنو الحصل خلاص حصل ..بس مع سؤال "هل أنا أستاهل يحصل لي كدا؟"
حتحاول تخت مسافة وتبعد .. بس حتهزمك المسافة.
ممكن تغيير الشارع اللي فيه ذكريات وتفاصيل .. بس دا من باب الهروب ما شجاعة منك!
حتحاول تمسح كل شي ممكن يذكرك .. بس الموضوع في رأسك وليس ذاكرة الهاتف..!
وبعد محاولات كتيرة فاشلة إنت بالأخر حتنجح .. حتنجح في إنك تبدأ يومك من غير الشخص دا .. !
من غير التفكير في حلمك اللي ضاع .. !
من غير جلد ذات .. !
ومن غير كُل الذكريات .
حتنجح في إنك تكمل مع شخص أخر ..!
مع حلم جديد .. !
حتنجح في إنك تضغط على زر إلعاء المتابعة ..
على زر حذف جهة الإتصال ..
حتضغط على select all وتحذف كُل الصور والإسكرينات ..
حترجع تمشي في نفس الشارع بس المرة دي من غير دموع وإنهيار ..
حتعرف تعمل كُل دا من غير ما تحس إنو الموضوع صعب بعد ما كُنت شايفو مستحيل ..!
بس ..!
كُل الإنتصارات دي حزينة وما بِتفرِّح .. !
ما بتقدر تحتفل بيها وتشاركا حتى مع أعز أصدقاءك .. !
ما حتقدر تقول لنفسك لقد فعلناها .. لأنك أساسًا ما كُنت عايز تحارب علشان تفوز ..!
ما كُنت عايز تغوض معركة زي دي .. وحتتمنى إنو للأبد ما تعيش ظروف مشابهة ..!
عشان بقت في ندبة جواك كل ما إتناسيت بتذكرك .. !
#على_الهامش:
"ثُم يهزمك إنتصارك "
#نُوودين_بِتْ_مِنْ_حُبّ.
👍1
في مثل مصري بقول:
"تروح السكرة وتيجي الفكرة "
يعني دلالة على عدم الإستعجال، بمعنى أصح ما تتخذ قرار في لحظة زعل أو حتى فرح، لأنو اللحظتين ديل زي السَكر بالضبط ما بتكون واعي لنفسك.
بعد تروح السكرة وتجي الفكرة .. اول سؤال بتسألوا لنفسك بعد قرار متسرع أخدتو
"أنا ليه إستعجلت؟"
نخش لجلد الذات طوالي مافي وقت عشان نبرر لنفسنا إنو دا ما الإستعجال أصلًا دا الطبيعي .. ما ينفع نرجع خطوة لوراء لأنو خلاص إتورطنا
.
علاقات كتيرة بتبوظ بي سبب إنو الناس بتوعى لروحا بعد تروح السكرة، بيوت كتيرة مليانة مشاكل بي سبب الإستعجال .. صدقوني شغف البدايات دا المحرك الأساسي للحياة شغل، دراسة، إرتباط يعني شي طبيعي إنك تتحمس وتحب الحاجة في البداية .
وارد جدًا يروح الشغف دا بس قبل ما تتحمس لموضوع إتذكر كل شي ممكن يتصلح إلا القلوب لما تتكسر.
قرايتك اللي كُنت بتحبا في البداية بس في نص السنة فقدت الشغف بتقدر أخر السنة تلم المنهج.
شغلك الكنت بتحبو وبتصحى ليه بدري وتمشي ليه مبسوط ممكن تجي فترة وتزهج ووارد تسيبو وتشوف شغل غيرو.
بس الزواج أكبر من كل الإحتمالات دي ..ما ينفع فيه إهمال ولا برود..!
ما ينفع تتعامل مع شخص زي كأنك بتتعامل مع كتاب.
ما ينفع تهمل شخص وتغيب عنو زي ما بتغييب عن الشغل وتراكمو.
ما ينفع تصرخ في وش شخص إنك بتكرهو زيما بتصرخ في الشيتات وتصرح بكرهك للمواد.
ما ينفع خالص تكتب ستوري إنك تعبت ومليت من الشخص دا أو زهجت من شُفتو كل يوم زيما بتكتب كل يوم أنا تعبت من الجامعة تعبت من الشغل مليت وزهجت من إني أصحى كل يوم ألبس و أطلع.
دي كُلها مشاعر إنسانية بتصيب كل واحد مننا بس أثرا بكون أخف لما تجي بإختيارنا .. لما ندرس قراراتنا قبل ما نتخذا.
لما نكون متأكدين إننا عايزين المعمعة دي وفي دافع وراها.
فرق كبير بين واحد متأكد إنو عايز المجال دا ودي رغبتو وجاهز يواجه كل الصعاب وبين واحد لقى نفسو فجأة بيقرأ حاجة كان فاكرا حلوة وساهلة بعدين إكتشف العكس.
فرق كبير بين واحد جهز السي في بتاعو وتعب عليه وبثقة تامة مشى قدم في الشركة اللي هو بيحلم بيها وعمل كل اللي بيطلع بيدو عشان يتقبل فيها وبين واحد لقى نفسو في الشركة دي ما عارف عنها شي غير إنو سمع إنو دي الشركة الأفضل.
الاول مهما واجه من صعوبات حيعرف يبتخلص منها ويتعامل معاها لأنو عندو دافع .. التاني مهما كانت الحاجات البتتقدم ليه كويسة ممكن ما يكون مبسوط.
فما أعتقد قرار كبير زي الزواج الإنسان مفروض يأخدوا بتسرع لأسباب كتيرة أهمها إنو دي علاقة خاصة وشخصية جدًا إنت الوحيد المسؤول منها.
وقِس على ذلك كل قراراتك لأنها حتبقى أسهل لما تكون واعي لإتخاذا ودارسا مُسبقًا ومُستعد تتحمل نتيجة الحيحصل بعدين.
#على_الهامش:
زيما قالت ياسمين:
"إنها حياتك حياتك أنت لن تُمنحي لها بديلا و لن يدفع أحد ثمن لحظاتك الناقصة و لا المسارات الخطأ ♡ "
#نُودين_بِت_مِن_حُبّ
"تروح السكرة وتيجي الفكرة "
يعني دلالة على عدم الإستعجال، بمعنى أصح ما تتخذ قرار في لحظة زعل أو حتى فرح، لأنو اللحظتين ديل زي السَكر بالضبط ما بتكون واعي لنفسك.
بعد تروح السكرة وتجي الفكرة .. اول سؤال بتسألوا لنفسك بعد قرار متسرع أخدتو
"أنا ليه إستعجلت؟"
نخش لجلد الذات طوالي مافي وقت عشان نبرر لنفسنا إنو دا ما الإستعجال أصلًا دا الطبيعي .. ما ينفع نرجع خطوة لوراء لأنو خلاص إتورطنا
.
علاقات كتيرة بتبوظ بي سبب إنو الناس بتوعى لروحا بعد تروح السكرة، بيوت كتيرة مليانة مشاكل بي سبب الإستعجال .. صدقوني شغف البدايات دا المحرك الأساسي للحياة شغل، دراسة، إرتباط يعني شي طبيعي إنك تتحمس وتحب الحاجة في البداية .
وارد جدًا يروح الشغف دا بس قبل ما تتحمس لموضوع إتذكر كل شي ممكن يتصلح إلا القلوب لما تتكسر.
قرايتك اللي كُنت بتحبا في البداية بس في نص السنة فقدت الشغف بتقدر أخر السنة تلم المنهج.
شغلك الكنت بتحبو وبتصحى ليه بدري وتمشي ليه مبسوط ممكن تجي فترة وتزهج ووارد تسيبو وتشوف شغل غيرو.
بس الزواج أكبر من كل الإحتمالات دي ..ما ينفع فيه إهمال ولا برود..!
ما ينفع تتعامل مع شخص زي كأنك بتتعامل مع كتاب.
ما ينفع تهمل شخص وتغيب عنو زي ما بتغييب عن الشغل وتراكمو.
ما ينفع تصرخ في وش شخص إنك بتكرهو زيما بتصرخ في الشيتات وتصرح بكرهك للمواد.
ما ينفع خالص تكتب ستوري إنك تعبت ومليت من الشخص دا أو زهجت من شُفتو كل يوم زيما بتكتب كل يوم أنا تعبت من الجامعة تعبت من الشغل مليت وزهجت من إني أصحى كل يوم ألبس و أطلع.
دي كُلها مشاعر إنسانية بتصيب كل واحد مننا بس أثرا بكون أخف لما تجي بإختيارنا .. لما ندرس قراراتنا قبل ما نتخذا.
لما نكون متأكدين إننا عايزين المعمعة دي وفي دافع وراها.
فرق كبير بين واحد متأكد إنو عايز المجال دا ودي رغبتو وجاهز يواجه كل الصعاب وبين واحد لقى نفسو فجأة بيقرأ حاجة كان فاكرا حلوة وساهلة بعدين إكتشف العكس.
فرق كبير بين واحد جهز السي في بتاعو وتعب عليه وبثقة تامة مشى قدم في الشركة اللي هو بيحلم بيها وعمل كل اللي بيطلع بيدو عشان يتقبل فيها وبين واحد لقى نفسو في الشركة دي ما عارف عنها شي غير إنو سمع إنو دي الشركة الأفضل.
الاول مهما واجه من صعوبات حيعرف يبتخلص منها ويتعامل معاها لأنو عندو دافع .. التاني مهما كانت الحاجات البتتقدم ليه كويسة ممكن ما يكون مبسوط.
فما أعتقد قرار كبير زي الزواج الإنسان مفروض يأخدوا بتسرع لأسباب كتيرة أهمها إنو دي علاقة خاصة وشخصية جدًا إنت الوحيد المسؤول منها.
وقِس على ذلك كل قراراتك لأنها حتبقى أسهل لما تكون واعي لإتخاذا ودارسا مُسبقًا ومُستعد تتحمل نتيجة الحيحصل بعدين.
#على_الهامش:
زيما قالت ياسمين:
"إنها حياتك حياتك أنت لن تُمنحي لها بديلا و لن يدفع أحد ثمن لحظاتك الناقصة و لا المسارات الخطأ ♡ "
#نُودين_بِت_مِن_حُبّ
❤5👍1
لا تسمّيه حباً إن لم تَرتبِك في كلّ مرّة، وأنتَ في حضرةِ من تُحب 💛
❤5
- أُصلي قبل خروجي على عجل، أقطع أذكاري في منتصف الطريق حينما يُقابلني أحد، يتزاحم يومي فـ أُؤجل وِردي حتى نهاية اليوم، وأنت الذي لم تقطع عني رحمتك ولم تؤجل عنايتك لأموري لحظة!
أعود لكَ ليلاً راكضة وأجد الباب لم يُغلق أساساً، تقوم بشؤوني على أكمل وجه، ما أقدمه تالف معطوب، وكُل ما تعطيني إياه كامل، لامع لا تشوبه شائبة، نعم الرب أنت وبئس العبد أنا..😔
أعود لكَ ليلاً راكضة وأجد الباب لم يُغلق أساساً، تقوم بشؤوني على أكمل وجه، ما أقدمه تالف معطوب، وكُل ما تعطيني إياه كامل، لامع لا تشوبه شائبة، نعم الرب أنت وبئس العبد أنا..😔
❤11👍1
أشعر بالإمتنان الدائم تجاه إخوتي، ليس من أجل شيء محدد فعلوه، أنا ممتنة لهم لأنهم موجودون، فقط موجودون، وهذا بالنسبة إلي كل شيء.❤️
ً
ً
❤9
#رسائل_ليتها_لم_تُكتب.
"2"
"الذي لن يعود أبداً،
لماذا يبدو كأننا سنراه بعد قليل؟"
الذي لن يعود أبدًا ..!
لماذا يبدو وكأنه لم يذهب؟
فصوته ما زال يتردد كلما الريح هب ..!
الذي لن يعود أبدًا ..!
لماذا ترك ملامحه على وجوه جميع المارة؟
لماذا إختار أن يذهب ويتركنا خلفه في حيرة .!
الذي لن يعود أبدًا ..!
لماذا أقام الجنائز على أيامنا ثم قرر الذهاب؟
وتركنا نعاني نوبات الإكتئاب ..!
الذي لن يعود أبدًا ..!
لماذا لم يأخذ معه كل هذه الذكريات؟
وترك خلفه أشياء يحرم علينا العبث بها
ويصعب التخلص منها حتى الممات؟
الذي لن يعود أبدًا ..!
لماذا قرر أن لا يعود؟
لماذا لم يفي بالوعود؟
الذي لن يعود أبدًا ..
أما فكر إننا قد نموت؟
أم ترك لنا ذكرياته لتكون لنا قوت؟
الذي لن يعود أبدًا ..
لماذا يبدو غيابه كالكابوس؟
أحقًا عودته باتت أمرًا ميؤوس؟
الذي لن يعود أبدًا ..
قتلنا الإنتظار بعدك يا جحود .!
وأصبحت كل أمانينا لو تعود ..!
#على_الهامش
الذي لن يعود أبدًا ..
فهمت إنك لن تعود
ولكن ما زِلت أتساءل
ماذا أفعل بتلك العهود ..!؟
#نُودين_بِت_مِن_حُب
"2"
"الذي لن يعود أبداً،
لماذا يبدو كأننا سنراه بعد قليل؟"
الذي لن يعود أبدًا ..!
لماذا يبدو وكأنه لم يذهب؟
فصوته ما زال يتردد كلما الريح هب ..!
الذي لن يعود أبدًا ..!
لماذا ترك ملامحه على وجوه جميع المارة؟
لماذا إختار أن يذهب ويتركنا خلفه في حيرة .!
الذي لن يعود أبدًا ..!
لماذا أقام الجنائز على أيامنا ثم قرر الذهاب؟
وتركنا نعاني نوبات الإكتئاب ..!
الذي لن يعود أبدًا ..!
لماذا لم يأخذ معه كل هذه الذكريات؟
وترك خلفه أشياء يحرم علينا العبث بها
ويصعب التخلص منها حتى الممات؟
الذي لن يعود أبدًا ..!
لماذا قرر أن لا يعود؟
لماذا لم يفي بالوعود؟
الذي لن يعود أبدًا ..
أما فكر إننا قد نموت؟
أم ترك لنا ذكرياته لتكون لنا قوت؟
الذي لن يعود أبدًا ..
لماذا يبدو غيابه كالكابوس؟
أحقًا عودته باتت أمرًا ميؤوس؟
الذي لن يعود أبدًا ..
قتلنا الإنتظار بعدك يا جحود .!
وأصبحت كل أمانينا لو تعود ..!
#على_الهامش
الذي لن يعود أبدًا ..
فهمت إنك لن تعود
ولكن ما زِلت أتساءل
ماذا أفعل بتلك العهود ..!؟
#نُودين_بِت_مِن_حُب
😢5
صباح الخير حُبًا..!
ما حتصل مرحلة الوعي لو ما إتقبلت نفسك بكل عيوبا أو خلينا نقول أخطاءا .. الحياة دي طويلة ومليانة إختبارات.
كل الناس الفي حياتك سواء كانوا فترات أو غيرو هما دخلوا حياتك عشان يوصلوا ليك رسالة معينة .. مطلوب منك تنتبه وتفهم الرسالة.
حيتعاد ليك الدرس لما تفشل في الإختبار .. خلي بالك من الأخطاء لأنو هي البتصنع منك الإنسان الناجح الواعي اللي عايز تصلو.
حتغلط مرة وإتنين وتلاتة وعشرة بس لازم بعد كل غلطة تعرف الصح.
ما حتبقى واعي بين يوم وليلة .. ما حتنجح من اول مرة .. حتاخد الإختبار وبعدين تتعلم الدرس.
الليلة إنت حزين وتعيس بس بكرة حتفهم إنو ضيعت وقت كتير على حزن ما يستاهل كل دا فالمرة الجاية لما تتخت في موقف مشابه حتقيمو صح وتديو حجمو المناسب.
اول مرة تتكسر .. تتخذل .. حتفضل تعيش دور الضحية وتبرر لنفسك إنو هما سيئين وإنت ما كنت تستاهل كل الحصل ليك دا منهم .
بس في التجربة التانية حتقعد مع نفسك وتفّهِما إنو حصل كدا للأسباب الأتية واحد إتنين تلاتة ودا الصح ليك وليهم ولا هما خسروك ولا إنت جائزة عشان يكسبوك.
التجربة الاولى يا إما مريرة شديد أو حلوة زيادة وفي الحالتين عيشا وإتعلم منها.
مرحلة الوعي بتجي بعد تفهم نفسك فسييب الناس وإتعرف عليك.
إنت الليلة عاطفي شديد وبتشوف المنطق نوع من التشدد بس بكرة حتضع الأمور نصابا .. حتعرف متين تتصرف بعاطفة ومتين تبقى منطقي.
في مواضيع حياتية بتخصك إنت وبس ومافي زول حيحدد ليك تتصرف فيها كيف فلازم تتحمل مسؤولية نتايجا.
وأخيرًا حيجي يوم وتوعى وقتها حتعرف إنو كل تجاربك اللي فاكرا سيئة هي الصنعتك ..
هي الخلتك تعرف الصح من الغلط .. هي نفسها اللي حتكون ممتن ليها شديد عشان دلتك على الطريق الصح.
#على_الهامش:
نظرتك للحياة كلها حتتغير لما تعرف إنو إنت أصلًا صح بس الظروف والبيئة المحيطة بيك ليها أثر فمحتاج تنظر حولك وتغيرا .
#Morning_Message "1"
#نُودين_بِت_مِن_حُب
ما حتصل مرحلة الوعي لو ما إتقبلت نفسك بكل عيوبا أو خلينا نقول أخطاءا .. الحياة دي طويلة ومليانة إختبارات.
كل الناس الفي حياتك سواء كانوا فترات أو غيرو هما دخلوا حياتك عشان يوصلوا ليك رسالة معينة .. مطلوب منك تنتبه وتفهم الرسالة.
حيتعاد ليك الدرس لما تفشل في الإختبار .. خلي بالك من الأخطاء لأنو هي البتصنع منك الإنسان الناجح الواعي اللي عايز تصلو.
حتغلط مرة وإتنين وتلاتة وعشرة بس لازم بعد كل غلطة تعرف الصح.
ما حتبقى واعي بين يوم وليلة .. ما حتنجح من اول مرة .. حتاخد الإختبار وبعدين تتعلم الدرس.
الليلة إنت حزين وتعيس بس بكرة حتفهم إنو ضيعت وقت كتير على حزن ما يستاهل كل دا فالمرة الجاية لما تتخت في موقف مشابه حتقيمو صح وتديو حجمو المناسب.
اول مرة تتكسر .. تتخذل .. حتفضل تعيش دور الضحية وتبرر لنفسك إنو هما سيئين وإنت ما كنت تستاهل كل الحصل ليك دا منهم .
بس في التجربة التانية حتقعد مع نفسك وتفّهِما إنو حصل كدا للأسباب الأتية واحد إتنين تلاتة ودا الصح ليك وليهم ولا هما خسروك ولا إنت جائزة عشان يكسبوك.
التجربة الاولى يا إما مريرة شديد أو حلوة زيادة وفي الحالتين عيشا وإتعلم منها.
مرحلة الوعي بتجي بعد تفهم نفسك فسييب الناس وإتعرف عليك.
إنت الليلة عاطفي شديد وبتشوف المنطق نوع من التشدد بس بكرة حتضع الأمور نصابا .. حتعرف متين تتصرف بعاطفة ومتين تبقى منطقي.
في مواضيع حياتية بتخصك إنت وبس ومافي زول حيحدد ليك تتصرف فيها كيف فلازم تتحمل مسؤولية نتايجا.
وأخيرًا حيجي يوم وتوعى وقتها حتعرف إنو كل تجاربك اللي فاكرا سيئة هي الصنعتك ..
هي الخلتك تعرف الصح من الغلط .. هي نفسها اللي حتكون ممتن ليها شديد عشان دلتك على الطريق الصح.
#على_الهامش:
نظرتك للحياة كلها حتتغير لما تعرف إنو إنت أصلًا صح بس الظروف والبيئة المحيطة بيك ليها أثر فمحتاج تنظر حولك وتغيرا .
#Morning_Message "1"
#نُودين_بِت_مِن_حُب
❤6👍2
- حتمشي شغلك بالقهوة بتاعتك وقاروره المويه وأشيك وأظبط طقم عندك وابتسامتك على وشك ♥
أو هتمشي وإنت نازل من غير فطور ومُكشر وقاعد تندب حظك.. في الحالتين هتمشي الشغل.
- حتعملي شغل البيت وانتي مُشغلة حاجة تسمعيها وفاتحة الشبابيك علشان الشمس تدخل ومبتسمة وبتحتسبي الأجر.
- او حتعمليو وانتي متّقلة منه وحاسة انه عبء كبير .. في الحالتين حتعمليو .
- حتقرا وانت مشغل تطبيق بومودرورو ومانع المشتتات وبتستخدم الوان واستيكي نوتس جميلة وتستمتع بالمذاكرة.
او ح تذاكر وانت غاصب على نفسك وكل شوية تهرب وتفتح سوشيال ميديا.. في الحالتين ح تذاكر.
- ح تدخل الباص وتختار اريح كرسي ليك على الجنب اللي بيطل على الخضرة وتسمع حاجة او حتى تلعب جيم او تقرأ.
- أو تقعد متأفف من السفر وتستنى الوقت ده يخلص بأي طريقة، في الحالتين إنت حتوصل بيتك.
- حتربي عيالك وأنتي مُمتنة ان ربنا كرمك وبقيتي أم ، فتصحي بدري تصلي وتحضري الأكل وتروقي البيت وتذاكري للعيال بحُب وصبر واحتساب للأجر.
او ح تعيشي في نكد يومي وأعصابك تبوظ منك من كتر الكواريك .. في الحالتين عيالك ح يكبروا.
حياتك ح تتغير لما تفهم ان ف ايدك إنت اللي تغيرها، لما تبطل شكوى وتبدأ تعيش بحب وايجابية وتفاؤل ورضا.
جرب من الليله ومن اللحظة دي تتعامل مُعاملة جديدة مع شغلك ودراستك وأهلك وأصحابك وحتى نفسك.. وشوف الفرق.
عيش بالحب.. وإلا ح تموت بالهمّ.
والسلامُ خِتام..)) ♥
وصباح الخير حُباً أصدقائي
#بعض_من_اللُطف
أو هتمشي وإنت نازل من غير فطور ومُكشر وقاعد تندب حظك.. في الحالتين هتمشي الشغل.
- حتعملي شغل البيت وانتي مُشغلة حاجة تسمعيها وفاتحة الشبابيك علشان الشمس تدخل ومبتسمة وبتحتسبي الأجر.
- او حتعمليو وانتي متّقلة منه وحاسة انه عبء كبير .. في الحالتين حتعمليو .
- حتقرا وانت مشغل تطبيق بومودرورو ومانع المشتتات وبتستخدم الوان واستيكي نوتس جميلة وتستمتع بالمذاكرة.
او ح تذاكر وانت غاصب على نفسك وكل شوية تهرب وتفتح سوشيال ميديا.. في الحالتين ح تذاكر.
- ح تدخل الباص وتختار اريح كرسي ليك على الجنب اللي بيطل على الخضرة وتسمع حاجة او حتى تلعب جيم او تقرأ.
- أو تقعد متأفف من السفر وتستنى الوقت ده يخلص بأي طريقة، في الحالتين إنت حتوصل بيتك.
- حتربي عيالك وأنتي مُمتنة ان ربنا كرمك وبقيتي أم ، فتصحي بدري تصلي وتحضري الأكل وتروقي البيت وتذاكري للعيال بحُب وصبر واحتساب للأجر.
او ح تعيشي في نكد يومي وأعصابك تبوظ منك من كتر الكواريك .. في الحالتين عيالك ح يكبروا.
حياتك ح تتغير لما تفهم ان ف ايدك إنت اللي تغيرها، لما تبطل شكوى وتبدأ تعيش بحب وايجابية وتفاؤل ورضا.
جرب من الليله ومن اللحظة دي تتعامل مُعاملة جديدة مع شغلك ودراستك وأهلك وأصحابك وحتى نفسك.. وشوف الفرق.
عيش بالحب.. وإلا ح تموت بالهمّ.
والسلامُ خِتام..)) ♥
وصباح الخير حُباً أصدقائي
#بعض_من_اللُطف
❤6👍2
ما حصل لاقتني بت جميلة جمال حقيقي خَلقًا وخُلقًا بتتنمر في شكل زول وتقول دا شين
ولا حصل لاقاني زول غني وعينه مليانة بيعاير الناس بالفقر
ولا لاقاني زول متعلم تعليم حقيقي مؤثر في شخصيته إيجاباً بيقلل من الناس الما كملت تعليمها
ولا حتى لاقوني متزوجين ومبسوطين بزواجهم بيوصفو غير المتزوجين بأنهم بايرين ويقعدو يلقحو بالكلام وشغل المغارز داك
فالشاهد في الموضوع أنه معظم أصحاب النعم العينهم مليانة وعارفين قيمة نفسهم بتلقاهم مبسوطين وخلوقين وبكونوا مركزين مع نفسهم وبس
أي زول يتنمر ويقلل من قيمة غيرو قطع شك ده زول عنده عقدة وناقص وعيونو ما مليانة🌹.
ولا حصل لاقاني زول غني وعينه مليانة بيعاير الناس بالفقر
ولا لاقاني زول متعلم تعليم حقيقي مؤثر في شخصيته إيجاباً بيقلل من الناس الما كملت تعليمها
ولا حتى لاقوني متزوجين ومبسوطين بزواجهم بيوصفو غير المتزوجين بأنهم بايرين ويقعدو يلقحو بالكلام وشغل المغارز داك
فالشاهد في الموضوع أنه معظم أصحاب النعم العينهم مليانة وعارفين قيمة نفسهم بتلقاهم مبسوطين وخلوقين وبكونوا مركزين مع نفسهم وبس
أي زول يتنمر ويقلل من قيمة غيرو قطع شك ده زول عنده عقدة وناقص وعيونو ما مليانة🌹.
❤3
⛔إنتباه إنتباه إنتباه ⛔
صباح الخير لأصحاب البزنس والمهتمين بكتابة المحتوى والتسويق والعايزين يستفيدوا من التلفون البوست دا بهمكم :
المحتوى التسويقي الحقيقي هو الي بحول المهتم لي عميل محتمل
يعني ما تستهتر بالتسويق، لانو حتكون بتهمل في جانب مهم شديد، انت لمن يكون عندك زول محتمل وما يلقى تسويق جذاب، فأنت بتفقد في عميل
حتى لمن توصل مرحلة انو الريفيو يتكلم عنك، فأنت كدا بتوسع قاعدة المهتمين حقتك، مش كدا ممكن تستغنى عن التسويق
ابسط مثال، ابل العملاقة ما وقفت تسويق لمنتجاتها، مع اختلاف استراتيجية التسويق ما بين هسه وبداياتهم
وقعت ؟
وما تنسى تعمل تاغ لصحبك المهتم بالتسويق وكتابة المحتوى، لانو ح يكون في سحب على مقعد من المتابعين المميزين لكورس كتابة المحتوى
والتسجيل في الكورس اتواصلو معانا واتس 0124863871
#contently
صباح الخير لأصحاب البزنس والمهتمين بكتابة المحتوى والتسويق والعايزين يستفيدوا من التلفون البوست دا بهمكم :
المحتوى التسويقي الحقيقي هو الي بحول المهتم لي عميل محتمل
يعني ما تستهتر بالتسويق، لانو حتكون بتهمل في جانب مهم شديد، انت لمن يكون عندك زول محتمل وما يلقى تسويق جذاب، فأنت بتفقد في عميل
حتى لمن توصل مرحلة انو الريفيو يتكلم عنك، فأنت كدا بتوسع قاعدة المهتمين حقتك، مش كدا ممكن تستغنى عن التسويق
ابسط مثال، ابل العملاقة ما وقفت تسويق لمنتجاتها، مع اختلاف استراتيجية التسويق ما بين هسه وبداياتهم
وقعت ؟
وما تنسى تعمل تاغ لصحبك المهتم بالتسويق وكتابة المحتوى، لانو ح يكون في سحب على مقعد من المتابعين المميزين لكورس كتابة المحتوى
والتسجيل في الكورس اتواصلو معانا واتس 0124863871
#contently
👍2