tgoop.com/Rtdh2/100116
Last Update:
"المشكله يا غالية اننا كبشر لما نذنب لأول مرة بنندم ندم شديد وتأنيب ضمير بقى وليه عملنا كدا وكان عقلى فين وقتها والجو دا..لكن مع تكرار الذنب مش بنحس بيه لإن القلب خلاص مات..الضمير انعدم...الذنب خلاص اصبح روتين يومي بالنسبة للبعض
فبالتالى سماع الاغاني اصبح روتين يومى
-طب يا خديجه دا فى ملايين من البشر بيسمعوا اغانى وبيغنوا كمان جات عليا انا يعنى؟
=حتى لو كل البشر بيسمع اغانى او بيعمل ذنب معين فمش معنى كدا ان الذنب دا أصبح حلال...ربنا-سبحانه وتعالى-قادر أن يعذب الخلق جميعاً....
ثم اننا ليه بنتسابق فى المعاصى؟
بنتسابق فى ان دى غنت ودى سرقت وفلانه كلمت شباب وفلانه اغتابت وفلانه كذبت
ليه مش بنتسابق فى ان دى ختمت القرآن ودى انتظمت فى الصلاة ودى تصدقت بمبلغ وقدره وغيرهم
للأسف الموضوع مؤلم جداً..
-بس انا كل م اوقف الاغانى برجعلها بسبب استورى مثلاً او فيلم فيه اغنية بحبها او محل مشغل اغنية اوغيره...
=اولاً استعينى بالله ثم ابعدى أشد البعد عن الصحبة اللى يشيروا اغنية ويسمعوها قدامك والجو دا (دول شياطين إنس مش صحاب)..
جاهدى نفسك..ماهو مش معنى انك بطلتى اغانى يبقى كدا خلاص مستحيل تسمعيها تانى وهتبعد عنك وكدا..
لا خالص هتسمعيها فى الشارع وفى السوشيال وغيره كتير (للأسف فالكثير أصبح يجاهر بهذا الذنب وبكل فخر)
وهنا بقى نبدأ نجاهد نفسنا ونعظم ذنب سماع الاغاني دا وانه مش حاجه هينة
"والله يا غالية انا كنت زيك بالظبط وممكن اكتر كمان..كنت مدمنة أغانى بالمعنى الحرفى للكلمة
بطلت اسمعها فترة ورجعت
بطلت تانى ورجعت تانى
وفى تالت مرة وعدت ربنا إنى مش هسمع اغانى تانى من انهارده
مسكت الموبايل بقى مسحت كل الاغانى وحذفت قناتى على اليوتيوب لإنى طبعاً عامله اشتراك لمعظم المطربين والمطربات ولايكات بقى وكل اللى قلبك يحبه وعملت قناة جديدة والحمد لله كلها قنوات دينية وقرآن اناشيد بدون موسيقى وقنوات مشايخ ودُعاة وافلام كرتون طبعاً (دا جزء لا يتجزأ من حياتى).
وطبعاً مسحت التيك توك والساوند وانغامى وكل البرامج دى..رغم ان فيها قنوات دينية بردو بس حسيت انى هضعف وهما على موبايلى والحمد لله من وقتها منزلتهمش تانى ومسمعتش اغانى تانى وبإذن الله مش هنزلهم ابداً ومش هسمع اغانى ابداً..
أقسملك بإن حياتى حرفياً اتغيرت بمعنى الكلمة بمجرد تركى للأغانى وحبى لكلام الله جل فى عُلاه
الخلاصة...انتِ تقدرى والموضوع وإن كان صعب فى بداية الأمر ولكن بمرور اسبوع او اتنين هتكرهى الاغانى...
-أكره الاغانى؟ازاى دانا مُدمناها!
=هتكرهيها أشد الكُره والله..عارفة ليه؟ لإنك لقيتى البديل (القرآن)
لقيتى كلام يحتويكِ ويطمنك قلبك وقت ضعفك.. لقيتى ان الأغانى بتوصف الوجع وكسرة القلب والخاطر بس القرآن بيعالج كل اوجاع قلبك وبيطمنك بجد والله
جربى كدا ولو لقيتى كلامى غلط ارجعى اسمعى اغانى تانى
............
بجد دموعي نزلت من جمال المسدچ أصلاً
كأنها كانت بتقرأ أفكاري و هي بتكتبها و عارفة الأسئلة إلي أنا هسألها و بتجاوب عليها بقولكوا بحبها أووي🥺
...............
=ها يا ملوكة قرأتي ولا لسه؟
_ قرأتها و بجد خلاص أنا بإذن الله همسحها و أدعي ربنا إنو يشيلها من قلبي خالص بس إدعيلي إنتي كمان🥹
= يا قلبي أنتي علي طول في دعائي أصلاً
_ هروح أمسحها بقا و جهزيلي في الخطوة اللي بعدها
=تمام،، هي هتاخد معاكي وقت فعشان كدا نخلي الخطوة الجاية بعد شهر
_ تمام، عاوزة حاجة يا ديچا
=لاء يا لوكة مع السلامة يا حبيبي❤
رأيكم يهمني 🩷.
.
BY روايات و قصص دينية و تنموية هادفة✍️📚
Share with your friend now:
tgoop.com/Rtdh2/100116