روايات دينية وتنموية هادفة✍️📚

.
#قصة_وعبرة 📚

✍و أنا صغير كان ابوي مسافر الكويت
كان ديما يكلمني و يقولي شد حيلك عاوزك تطلع الأول علشان أخدك معايا الكويت لما تكبر سألته هي الكويت حلوة يا بابا.

كان يقولي طبعاً أنا باكل أحسن أكل و بخرج و اتفسح و أشتري كل اللي في نفسي إطلع انت الأول بس و انا هاخدك تجيب كل اللي بتتمناه ...
و تسرقه الغربة من حضني .. و أطلع كل سنة الأول و كل مرة اتصل بيه و أقوله .
هاتاخدني الكويت إمتى يقولي بجهز الورق خلاص
المهم انك تشد حيلك و تدخل كلية الطب و تشرفنا.. و بالفعل دخلت كلية الطب .. و لسه عندي أمل أسافر عنده .. و أعيش في المتعة إللي كان بيحكي عنها ... و هو كل مرة يرد .. لسه بجهز الورق يا حبيبي ... و في رابعه كلية يتعب والدي تعب شديد .. و الدكاتره نصحوه انه ينزل مصر جنب ولاده ... و فعلا ينزل و يقعد معايا أيام قليلة أوي و يتوفي ... و هو في حضني ... و بعد ما كان بيجهز هو الورق علشان أسافر .. كنت بجهز انا أوراق وفاته !!
وتمر الايام واخلص دراستي و سافرت الكويت
اول ما وصلت المطار لقيتني بكلم نفسي
انا جيت الكويت اخيرا يا بابا بس انا لوحدي
كان نفسي أجي و أكون معاك و يكون حضنك ليا و أنت عايش ، و أحس بضمتك ليا و انت فرحان بابنك إللي كبر و بقي طولك ...
و كانت الصدمة لما روحت المكان اللي كان عايش فيه و اكتشف انه كان بيضحك علينا !! كان حارم نفسه و مضحي بسعادته و فرحته و عمره علشان إحنا نعيش أفضل عيشة و ناكل و نشرب أحسن أكل 🥹
صدمة عمري ... لما عرفت إنه كان قاعد في غرفة صغيرة و سرير على قده و شوية هدوم للشغل يادوب، و أكله شوية زبادي على حليب على فول ... كل ده علشان يوفر كل مليم لأولاده و يخليهم مبسوطين !!
صدمة عمري لما عرفت إنه كان عنده سرطان بالكبد و عمل عملية حقن كيماوي و هو بطوله في الغربة من غير ما يقول لينا علشان ماحدش يقلق ونقصر في دراستنا ...
هي دي الحياة اللي كنت بتحكي عنها يا بابا في الكويت !!؟
كنت بتشجعني أشوف و احلم باللي انت حارم نفسك منه .

#عبرة_وعظة

رسالة لكل ابن علي لساني...... الأب عمره ما هايتكرر في حياتك و يوم ما يغيب من الدنيا هاينكشف ظهرك وهاتفقد متعة كل حاجه جواك . الأب ابتسامته قدام عنيك حياة ، عطفك عليه جنه ، بوستك لراسه بلسم ، انك تطيع أوامره و تسمع لنصايحه مدرسة عمرك ما هتلاقيها غير فيه الأب لما بيحرمك يبقى بيقوي قلبك ، و لما يعلق علي تصرفاتك يبقى عايزك احسن منه ، و لما يغضب عليك يبقى بيقومك جايز تختلف الأحداث و الأدوار من شخص لشخص ... لكن قصة الأب واحدة في كل بيت.
اللهم اغفر لأبي وارحمه واسكنه فسيح جناتك وكل أباء وأمهات المسلمين يا رب العالمين.

.

www.tgoop.com/Rtdh2/57935

2.7K viewsAug 14, 2024 at 03:37

.
#قصة_وعبرة 📚

✍و أنا صغير كان ابوي مسافر الكويت
كان ديما يكلمني و يقولي شد حيلك عاوزك تطلع الأول علشان أخدك معايا الكويت لما تكبر سألته هي الكويت حلوة يا بابا.

كان يقولي طبعاً أنا باكل أحسن أكل و بخرج و اتفسح و أشتري كل اللي في نفسي إطلع انت الأول بس و انا هاخدك تجيب كل اللي بتتمناه ...
و تسرقه الغربة من حضني .. و أطلع كل سنة الأول و كل مرة اتصل بيه و أقوله .
هاتاخدني الكويت إمتى يقولي بجهز الورق خلاص
المهم انك تشد حيلك و تدخل كلية الطب و تشرفنا.. و بالفعل دخلت كلية الطب .. و لسه عندي أمل أسافر عنده .. و أعيش في المتعة إللي كان بيحكي عنها ... و هو كل مرة يرد .. لسه بجهز الورق يا حبيبي ... و في رابعه كلية يتعب والدي تعب شديد .. و الدكاتره نصحوه انه ينزل مصر جنب ولاده ... و فعلا ينزل و يقعد معايا أيام قليلة أوي و يتوفي ... و هو في حضني ... و بعد ما كان بيجهز هو الورق علشان أسافر .. كنت بجهز انا أوراق وفاته !!
وتمر الايام واخلص دراستي و سافرت الكويت
اول ما وصلت المطار لقيتني بكلم نفسي
انا جيت الكويت اخيرا يا بابا بس انا لوحدي
كان نفسي أجي و أكون معاك و يكون حضنك ليا و أنت عايش ، و أحس بضمتك ليا و انت فرحان بابنك إللي كبر و بقي طولك ...
و كانت الصدمة لما روحت المكان اللي كان عايش فيه و اكتشف انه كان بيضحك علينا !! كان حارم نفسه و مضحي بسعادته و فرحته و عمره علشان إحنا نعيش أفضل عيشة و ناكل و نشرب أحسن أكل 🥹
صدمة عمري ... لما عرفت إنه كان قاعد في غرفة صغيرة و سرير على قده و شوية هدوم للشغل يادوب، و أكله شوية زبادي على حليب على فول ... كل ده علشان يوفر كل مليم لأولاده و يخليهم مبسوطين !!
صدمة عمري لما عرفت إنه كان عنده سرطان بالكبد و عمل عملية حقن كيماوي و هو بطوله في الغربة من غير ما يقول لينا علشان ماحدش يقلق ونقصر في دراستنا ...
هي دي الحياة اللي كنت بتحكي عنها يا بابا في الكويت !!؟
كنت بتشجعني أشوف و احلم باللي انت حارم نفسك منه .

#عبرة_وعظة

رسالة لكل ابن علي لساني...... الأب عمره ما هايتكرر في حياتك و يوم ما يغيب من الدنيا هاينكشف ظهرك وهاتفقد متعة كل حاجه جواك . الأب ابتسامته قدام عنيك حياة ، عطفك عليه جنه ، بوستك لراسه بلسم ، انك تطيع أوامره و تسمع لنصايحه مدرسة عمرك ما هتلاقيها غير فيه الأب لما بيحرمك يبقى بيقوي قلبك ، و لما يعلق علي تصرفاتك يبقى عايزك احسن منه ، و لما يغضب عليك يبقى بيقومك جايز تختلف الأحداث و الأدوار من شخص لشخص ... لكن قصة الأب واحدة في كل بيت.
اللهم اغفر لأبي وارحمه واسكنه فسيح جناتك وكل أباء وأمهات المسلمين يا رب العالمين.

.

BY روايات دينية وتنموية هادفة✍️📚