رَوْحٌ و رَيْحان💛✨

أخواتي الوسواسات ..

اللي الشيطان خلاص فاض بيهو منكن وغلبو شديد، الزولة دي أجيها بالحرام تقول لي حرام ما بعمله وقدر ما يقنعها ما في طريقة، فحيجيها كيف؟

- بالوسوسة!

- اتوضيتِ؟
وضوءك انتقض عيدي تاني!
لابرضو انتقض عيدي تالت!
ورابع وعاشر!

- اغتسلتِ؟
نسيتِ ما مررتِ أصبعك على سُرتك فغسلك ناقص وكل صلاتك وصيام ما حيكون مقبول!
معاه حق حنعيده!
بعدها والغسل مرة عليه مية سنة إنتِ غسلتِ يدك كويس؟!
لا لا عيديييه!!

- أي صلاة يجيك فيها دي الركعة التانية ولا التالتة، دي الرابعة ولا التالتة وهكذا ..

الوسوسة دي أكتر حاجة الشيطان بتفنن فيها، بشوف مشكلتك شنو، وبمسك لك فيها يلوك اليوم كلو، ويخليك تعمل الطاعة وإنت زهجان وهامم وحاجة في قمة البعد عن الخشوع والاتقان ..

فحأقول لك خطوات حتساعد في إنّك تتغلب على الحاجة دي بسرعة قبل ما تمسخ لك حياتك ..

أول حاجة لازم تعرف التمادي في الوسوسة برهقك إنت، لكن هو ماعنده حد!
يعني قدر ما تحاول ترضي الشيطان تعيد وضوءك دا مرة اتنين وتلاتة حتلقاهو لسه مُصر يقول لك إنت ما طاهر أمشي عيده تاني!

تغتسلي يقول لك أضانك ما غسلتيها كويس، تمشي تعيديه يقول لك كوعك ما مرت عليه موية، بين الأصابع وهكذا ..

فنتفق الواحد تيقين مِن الحاجة اللي هو حصل مِنه تقصير فيها يمشي يعيدها ..
وقبل دا يركز كويس، يسيب كل شغل قلبه وعقله، ويركز في البعمله، يدي وين؟
يعني جيت تتوضأ ركز في وضوءك، جيت تصلي ركز في صلاتك وهكذا عشان تقفل باب الشيطان دا

بالنسبة للطهارة لازم تتأكدي مِن عكسها ..
مالم يتيقين لك العكس ما تعيني الشيطان عليك! ..

ليقيته مُصر؟

قول الله برضو بصلي، اطلع مِنها إنت خليني مع ربّنا!

وانصرف عنه بالاستعاذة!

حتلقاهو لسه مُصر فترة مركز معاك في الحتة دي، ودايرك تزهج مِن الطاعة بإنّو تجد مشقة فيها بكثرة التكرار، فحتلقى حتى بعد تطنشه مركز معاك، لكن تاني بزهج وبخليك لمايلاقك مُصر إنّك ما تسمع له، طالما ما تبين لك باليقين إنّو مثلًا وضوءك انتقض ولا غيره..

وقلت في بداية البوست أخواتي الوسواسات تحديًدا رغم إنّو الوسوسة عامة، لكن حددت النساء عشان نقول تفقهن في الدين في مسألة الطهارة..

عشان في تفاصيل كتيرة أي وحدة فينا لازم تعرفها، عندنا مسائل متعلقة بها كتيرة، متين ماينفع تصلي، ومتين ينفع تصلي لكن تجددي الوضوء وهكذا، فنحاول نعرف الحاجات أقلها البتخصنا عشان نتصرف معاها صح!..

وخلينا نتفق إنّو الطهارة أساسًا شُرعت لإزالة شئ، فالفكرة مِنها تهيأة للعبادة مش مشقة وتعب وضيق لك وتبقى لك هم وتكرهكك في العبادة المفروض تتهيأ لها، ودا هدف الشيطان، فلاتعن الشيطان عليك بالوسوسة!

اجتهد في الطهارة لكن لاتبالغ فيها مالم تتيقن العكس!

والله المستعان!

#ترتيل_الخزين

www.tgoop.com/Rw7wary7an/4175

79 viewsMay 3, 2024 at 18:30

أخواتي الوسواسات ..

اللي الشيطان خلاص فاض بيهو منكن وغلبو شديد، الزولة دي أجيها بالحرام تقول لي حرام ما بعمله وقدر ما يقنعها ما في طريقة، فحيجيها كيف؟

- بالوسوسة!

- اتوضيتِ؟
وضوءك انتقض عيدي تاني!
لابرضو انتقض عيدي تالت!
ورابع وعاشر!

- اغتسلتِ؟
نسيتِ ما مررتِ أصبعك على سُرتك فغسلك ناقص وكل صلاتك وصيام ما حيكون مقبول!
معاه حق حنعيده!
بعدها والغسل مرة عليه مية سنة إنتِ غسلتِ يدك كويس؟!
لا لا عيديييه!!

- أي صلاة يجيك فيها دي الركعة التانية ولا التالتة، دي الرابعة ولا التالتة وهكذا ..

الوسوسة دي أكتر حاجة الشيطان بتفنن فيها، بشوف مشكلتك شنو، وبمسك لك فيها يلوك اليوم كلو، ويخليك تعمل الطاعة وإنت زهجان وهامم وحاجة في قمة البعد عن الخشوع والاتقان ..

فحأقول لك خطوات حتساعد في إنّك تتغلب على الحاجة دي بسرعة قبل ما تمسخ لك حياتك ..

أول حاجة لازم تعرف التمادي في الوسوسة برهقك إنت، لكن هو ماعنده حد!
يعني قدر ما تحاول ترضي الشيطان تعيد وضوءك دا مرة اتنين وتلاتة حتلقاهو لسه مُصر يقول لك إنت ما طاهر أمشي عيده تاني!

تغتسلي يقول لك أضانك ما غسلتيها كويس، تمشي تعيديه يقول لك كوعك ما مرت عليه موية، بين الأصابع وهكذا ..

فنتفق الواحد تيقين مِن الحاجة اللي هو حصل مِنه تقصير فيها يمشي يعيدها ..
وقبل دا يركز كويس، يسيب كل شغل قلبه وعقله، ويركز في البعمله، يدي وين؟
يعني جيت تتوضأ ركز في وضوءك، جيت تصلي ركز في صلاتك وهكذا عشان تقفل باب الشيطان دا

بالنسبة للطهارة لازم تتأكدي مِن عكسها ..
مالم يتيقين لك العكس ما تعيني الشيطان عليك! ..

ليقيته مُصر؟

قول الله برضو بصلي، اطلع مِنها إنت خليني مع ربّنا!

وانصرف عنه بالاستعاذة!

حتلقاهو لسه مُصر فترة مركز معاك في الحتة دي، ودايرك تزهج مِن الطاعة بإنّو تجد مشقة فيها بكثرة التكرار، فحتلقى حتى بعد تطنشه مركز معاك، لكن تاني بزهج وبخليك لمايلاقك مُصر إنّك ما تسمع له، طالما ما تبين لك باليقين إنّو مثلًا وضوءك انتقض ولا غيره..

وقلت في بداية البوست أخواتي الوسواسات تحديًدا رغم إنّو الوسوسة عامة، لكن حددت النساء عشان نقول تفقهن في الدين في مسألة الطهارة..

عشان في تفاصيل كتيرة أي وحدة فينا لازم تعرفها، عندنا مسائل متعلقة بها كتيرة، متين ماينفع تصلي، ومتين ينفع تصلي لكن تجددي الوضوء وهكذا، فنحاول نعرف الحاجات أقلها البتخصنا عشان نتصرف معاها صح!..

وخلينا نتفق إنّو الطهارة أساسًا شُرعت لإزالة شئ، فالفكرة مِنها تهيأة للعبادة مش مشقة وتعب وضيق لك وتبقى لك هم وتكرهكك في العبادة المفروض تتهيأ لها، ودا هدف الشيطان، فلاتعن الشيطان عليك بالوسوسة!

اجتهد في الطهارة لكن لاتبالغ فيها مالم تتيقن العكس!

والله المستعان!

#ترتيل_الخزين

BY رَوْحٌ و رَيْحان💛✨