رِوايات سُودانية🪐🤎!)"

رِوايات سُودانية🪐🤎!)"

#ثمن_الإختيار❤️ حلقة8 " شعور لا يقال، وإذا قِيل لا يفهم ! .)) فِضلت متنحة في وشو أنا سامعة صوت ملك بس ما قادرة أميز هي بتقول لي شنو أخر شي متذكراه إنها قالت لي ياهو عامر نفسه. مع الكلمتين ديل أنا إتعاد قدامي شريط حياتي كلها.. الاسم دا .. من اول يوم سمعته.…

#ثمن_الاختيار❤️
حلقة 9


"المرات الاولى من كل شيء لا تُنسى أبدًا♥️.))

🔃فلاش_باك🔃

كنت ساكتة ودموعي في عيني بحاول أمسكهم ما ينزلو بس كل مرة بفشل.
منتظراه يخلص كلام أو بالأصح يخلص هرش لأنو كان بيعلي صوتو علي والمكان فيه ناس كنت مدنقرة وخجلانة قدامهم وهو ولا قدرني فضل يتكلم بصوت عالي

_بتكلم معاك ساكتة ليه؟
=عامر إنت ما أديتني فرصة أبرر ليك..
_تبرري شنو؟ صورتك مع الولد ولا الإستوري الـرفعو وكاتب أغلى الناس ومسكتو ليك من كتفتك وإنتِ مبسوطة بتصوري كمان؟
=والله يا عامر ولد خالتي وبعدين الصورة كانت جماعية وما إنتبهت ليه وهو خاتي يدو في كتفي إلا بعد ما المصور قال نركز معاه وبعدين ما كنت مفتكراه ح يقصها ويرفعها ستوري..
_وأنا مفروض أمشي أقول الكلام دا لـ سعد صحبي صح؟ عارفة إحساسي لما شُفت صورتك في ستوري الولد لا وكمان صحبي يوريني ليها ويقول لي دي مش زولتك؟
=عامر أنا..
_ما عامر ولا زفت "ضرب التربيزة بي يدو خلى كل الفي المكان ينتبهو" ما خلصت كلامي ما تقاطعيني..
=ممكن نطلع من هنا
"عاين لي وطلع ما عرفت أعمل شنو غير أحاسب وأطلع وراه أنا عارفة أي زول شافني ح يستغرب أنا ساكتة ليهو ليه؟ بس ما كنت لاقيه إجابة غير إني بحبو ..!
لما طلعنا ما إتفاهمنا مشى خلاني واقفة في الشارع براي.

فضل يومين يعيد ويزن في نفس الموضوع ومصر إني غلطانة وإتقصدت أتصور وإتهمني إني خنته وأكيد رفعت ستوري وأخر حاجة وصل ليها إني ما أمشي أي مناسبة بتلمني مع الأولاد تاني ..!
وأنا وافقت عادي..
لأني شايفة إنو من حقو يغار علي..
وأنا غلطانة أصلًا وأستاهل ..!

المشكلة مافي عامر هو فعلًا كان لطيف من البداية بس برضو كان في شوية قساوة في تصرفاتو معاي وقتها كنت بغض نظر عنها بحجة إنو ح يتغير وهو ما بقصد يتصرف كدا ..
كان عادي يحرمني من المحاضرات عشان عايز يقعد معاي وكنت بقعد بس وقت محاضراتو ما بينتظر لحظة بيمشي ويخليني ومرات بدخل معاه كان مستواه كويس شديد وأنا كنت بعدي بالعافية..!

ما بنسى إني كنت محرومة من الحفلات رغم إنو اول مرة جينا كليتهم كان عشان عندهم حفلة بس تاني بقى ممنوع لازم أرجع البيت طوالي وهو بيقعد بالساعات في الجامعة ما عرفت عنو علاقات في وجودي بس كمان بقعد مع أصحابو وكل ما أسألو من حاجة يقول لي أصحابي.

ملك ما كانت راضية عن الموضوع دا بس كنت بحاول ما أبين ليها أي شي أو أحكي ليها أي مشكلة عشان هي من البدايه ما حابة علاقتنا.
المشكلة أنا ما شايفة غيرو .. في أولاد بيطرحوا لي بس برفض قبل ما عامر يشم خبر عشان ماح يعدي المواضيع دي على خير لو عرف عنها.

هو كان شايفني حاجة ملكو بيتحكم فيني بطريقتو وأنا كنت مستسلمة ليهو وهو بيتمادي بحجة إنو بيعمل كدا من باب الحب.

كان حارمني من حاجات كتيرة ما ليهو حق فيها زي إني
ما أدخل قروب الدفعة ..
ما أكلم أي ولد في الكلية مهما كان الموضوع ..
حتى صحبة البنات كان بيختار لي وعادي يقول لي البت دي ما شبهك أبعدي عنها ..
السنين المفروض تكون أحلى سنين في حياتي
عامر حرمني منها .. حاليًا لما أتذكرا بحس إني كنت في سجن عيشة عبارة عن جحيم.

حتى تخريجو الكنت متوقعة إني ح أشاركو معاه وح يكون حاجة حلوة وخططا ليها كتير رفض إنو يعملو قدر ما حنستو كان رافض بس كان في حفلة في الجامعة لـ الخريجين وهو ما جاب لي سيرة عنها وأنا ما إتكلمت عشان ما يرفض لي أحضرا ..!
جهزت هديتي وإتظبطت ما كنت من النوع الـ بيهتم بنفسو لأني سلفًا ما محتاجة أعمل مك اب كفاية ألبس حاجة حلوة وأسرح أي تسريحة وأموري بتظبط.

ملك جات معاي إتصلت عليه ما رد لما وصلنا الجامعة كان الحفلة شغالة والمكان زحمة ما لميت فيه إتصلت كم مرة بس ما كان برد شفتو من بعيد ما مشيت عليه بس أشرت لـ صحبو شافني ولفتو جاني وكان عادي ما زعلان ولا إتضايق من جيتي عكس توقعاتي قال لي:

_إيه الحلاوة دي؟
=دي عيونك بتشوف الحاجات حلوة.
_حنك سنين إتعلمتي خلاص؟
=إكتفيت بـ إبتسامة.
_إنتِ عرفتي من وين إنو في حفلة لمن جاية جاهزة بهديتك؟
=مديت ليهو الكيس وقلت ليو البركة في ملك علاقاتها واسعة بي سببا عرفت إنو في حفلة ليه ما كُنت عايز تكلمني؟
_"عاين لي ملك بطرف عينو وسكت مسافة" بعدها مسك الهدية وقال لي ما كلمتك عشان ما عايزك تكلفي نفسك كدا.
=تكليف شنو ما هو إنت تستاهل كمان كدا كدا كنت ح جيبا ليك أسي لو كان تميت الناقص وإتخرجت عديل ما أحسن من حفلة زي دي؟
_إتكلمنا في الموضوع دا وقفلنا صح؟
=ملامحو كانت جادة وشكله كلمة زيادة وح يتعصب غيرت الموضوع وأنا بقول ليو : طب أهدى وخلينا نتبسط بالحفلة.
_ على العموم أحضري شوية وأرجعي البيت أنا كمان وح أمشي.

www.tgoop.com/RwayatSudan/42697

2.3K viewsتنزيل صابر ♡, Mar 16, 2023 at 07:32

#ثمن_الاختيار❤️
حلقة 9


"المرات الاولى من كل شيء لا تُنسى أبدًا♥️.))

🔃فلاش_باك🔃

كنت ساكتة ودموعي في عيني بحاول أمسكهم ما ينزلو بس كل مرة بفشل.
منتظراه يخلص كلام أو بالأصح يخلص هرش لأنو كان بيعلي صوتو علي والمكان فيه ناس كنت مدنقرة وخجلانة قدامهم وهو ولا قدرني فضل يتكلم بصوت عالي

_بتكلم معاك ساكتة ليه؟
=عامر إنت ما أديتني فرصة أبرر ليك..
_تبرري شنو؟ صورتك مع الولد ولا الإستوري الـرفعو وكاتب أغلى الناس ومسكتو ليك من كتفتك وإنتِ مبسوطة بتصوري كمان؟
=والله يا عامر ولد خالتي وبعدين الصورة كانت جماعية وما إنتبهت ليه وهو خاتي يدو في كتفي إلا بعد ما المصور قال نركز معاه وبعدين ما كنت مفتكراه ح يقصها ويرفعها ستوري..
_وأنا مفروض أمشي أقول الكلام دا لـ سعد صحبي صح؟ عارفة إحساسي لما شُفت صورتك في ستوري الولد لا وكمان صحبي يوريني ليها ويقول لي دي مش زولتك؟
=عامر أنا..
_ما عامر ولا زفت "ضرب التربيزة بي يدو خلى كل الفي المكان ينتبهو" ما خلصت كلامي ما تقاطعيني..
=ممكن نطلع من هنا
"عاين لي وطلع ما عرفت أعمل شنو غير أحاسب وأطلع وراه أنا عارفة أي زول شافني ح يستغرب أنا ساكتة ليهو ليه؟ بس ما كنت لاقيه إجابة غير إني بحبو ..!
لما طلعنا ما إتفاهمنا مشى خلاني واقفة في الشارع براي.

فضل يومين يعيد ويزن في نفس الموضوع ومصر إني غلطانة وإتقصدت أتصور وإتهمني إني خنته وأكيد رفعت ستوري وأخر حاجة وصل ليها إني ما أمشي أي مناسبة بتلمني مع الأولاد تاني ..!
وأنا وافقت عادي..
لأني شايفة إنو من حقو يغار علي..
وأنا غلطانة أصلًا وأستاهل ..!

المشكلة مافي عامر هو فعلًا كان لطيف من البداية بس برضو كان في شوية قساوة في تصرفاتو معاي وقتها كنت بغض نظر عنها بحجة إنو ح يتغير وهو ما بقصد يتصرف كدا ..
كان عادي يحرمني من المحاضرات عشان عايز يقعد معاي وكنت بقعد بس وقت محاضراتو ما بينتظر لحظة بيمشي ويخليني ومرات بدخل معاه كان مستواه كويس شديد وأنا كنت بعدي بالعافية..!

ما بنسى إني كنت محرومة من الحفلات رغم إنو اول مرة جينا كليتهم كان عشان عندهم حفلة بس تاني بقى ممنوع لازم أرجع البيت طوالي وهو بيقعد بالساعات في الجامعة ما عرفت عنو علاقات في وجودي بس كمان بقعد مع أصحابو وكل ما أسألو من حاجة يقول لي أصحابي.

ملك ما كانت راضية عن الموضوع دا بس كنت بحاول ما أبين ليها أي شي أو أحكي ليها أي مشكلة عشان هي من البدايه ما حابة علاقتنا.
المشكلة أنا ما شايفة غيرو .. في أولاد بيطرحوا لي بس برفض قبل ما عامر يشم خبر عشان ماح يعدي المواضيع دي على خير لو عرف عنها.

هو كان شايفني حاجة ملكو بيتحكم فيني بطريقتو وأنا كنت مستسلمة ليهو وهو بيتمادي بحجة إنو بيعمل كدا من باب الحب.

كان حارمني من حاجات كتيرة ما ليهو حق فيها زي إني
ما أدخل قروب الدفعة ..
ما أكلم أي ولد في الكلية مهما كان الموضوع ..
حتى صحبة البنات كان بيختار لي وعادي يقول لي البت دي ما شبهك أبعدي عنها ..
السنين المفروض تكون أحلى سنين في حياتي
عامر حرمني منها .. حاليًا لما أتذكرا بحس إني كنت في سجن عيشة عبارة عن جحيم.

حتى تخريجو الكنت متوقعة إني ح أشاركو معاه وح يكون حاجة حلوة وخططا ليها كتير رفض إنو يعملو قدر ما حنستو كان رافض بس كان في حفلة في الجامعة لـ الخريجين وهو ما جاب لي سيرة عنها وأنا ما إتكلمت عشان ما يرفض لي أحضرا ..!
جهزت هديتي وإتظبطت ما كنت من النوع الـ بيهتم بنفسو لأني سلفًا ما محتاجة أعمل مك اب كفاية ألبس حاجة حلوة وأسرح أي تسريحة وأموري بتظبط.

ملك جات معاي إتصلت عليه ما رد لما وصلنا الجامعة كان الحفلة شغالة والمكان زحمة ما لميت فيه إتصلت كم مرة بس ما كان برد شفتو من بعيد ما مشيت عليه بس أشرت لـ صحبو شافني ولفتو جاني وكان عادي ما زعلان ولا إتضايق من جيتي عكس توقعاتي قال لي:

_إيه الحلاوة دي؟
=دي عيونك بتشوف الحاجات حلوة.
_حنك سنين إتعلمتي خلاص؟
=إكتفيت بـ إبتسامة.
_إنتِ عرفتي من وين إنو في حفلة لمن جاية جاهزة بهديتك؟
=مديت ليهو الكيس وقلت ليو البركة في ملك علاقاتها واسعة بي سببا عرفت إنو في حفلة ليه ما كُنت عايز تكلمني؟
_"عاين لي ملك بطرف عينو وسكت مسافة" بعدها مسك الهدية وقال لي ما كلمتك عشان ما عايزك تكلفي نفسك كدا.
=تكليف شنو ما هو إنت تستاهل كمان كدا كدا كنت ح جيبا ليك أسي لو كان تميت الناقص وإتخرجت عديل ما أحسن من حفلة زي دي؟
_إتكلمنا في الموضوع دا وقفلنا صح؟
=ملامحو كانت جادة وشكله كلمة زيادة وح يتعصب غيرت الموضوع وأنا بقول ليو : طب أهدى وخلينا نتبسط بالحفلة.
_ على العموم أحضري شوية وأرجعي البيت أنا كمان وح أمشي.

BY رِوايات سُودانية🪐🤎!)"