رِوايات سُودانية 📚♥️!)"

رِوايات سُودانية 📚♥️!)"

#ثمن_الإختيار❤️ حلقة 15 و 16 و 17 و 18 أربعة حلقات عشان الشحتفة العملتوها أمس 😂😂❤️❤️ بس ما تتعودو النظام حلقتين حلقتين 😔اسمعو الكلام وخليكم مؤدبين

#ثمن_الإختيار❤️
حلقة15

" طُوبى لمن عثر على شخصٍ مُنطفىء فلم يتركه حتى يُشرق.❤️ ))

العلاقة بين ملك وهشام متوترة سألتها كم مرة إذا إتصالحو أو لا بس ملك مصرة إنو مافي شي وهما ما متخاصمين والموضوع دا بالنسبة ليها منتهي من ناحية هشام قدر ما أجي أتكلم معاه بقول لي أنا زعلان منها ودا ما ح يخرب علاقتنا نحن أكبر من كدا بس حاليًا ما عايز أي كلام عن السيرة دي.

بعد إسبوعين جا ولاحظت ملك بتتجاهلو حتى لما جا سلم علينا وقفت بعيد وما صافحتو وهو كمان حسيتو بتجاهلا قصدًا جانا المكتب مرتين وما إتكلم معاها إتظارف مع الناس دي كلها وحتى قال لينا خلاص عشان إشتقتوا لي قدر دا بعدين ح أتواضع وأفطر معاكم الليلة.
لما جا زمن الفطور ملك قالت لينا صايمة وأنا عارفاها بتتحجج لأنها شربت شاي الصباح لما أصريت عليها قالت لي :
_صايمة صيام متقطع مالك يا زولة.
=شنوو؟ما كانت دي خرافات ولما كنت بشرب شاي أخضر ضحكتي علي؟
_وقتها ما كان عندي عرس عايزة الفستان يظبط علي وأسي عرس عزو وقصيت فستان ما عايزة وزني يزيد.
=بس يا ملك وزنك من عرفتك ما زاد فجأة قرر يزيد للعرس؟
_بتتريقي على وزني؟
=دا ما موضوعنا أسي كلنا حنمشي نفطر في الحتة البتحبيها ما عايزة تمشي معانا؟
_ما عايزة أي.
=طيب أنا كمان ما ماشة.
_إنت برضو صايمة ولا مالك؟
=ما بخصك بس لو ما مشيتي ما ح أمشي.
_بطريقتك.
شلت كبايتي وطلعت لاقيت هشام في الباب إتجاهلتو مشيت برة وقعدت جمب الوضاية لما رجعت لقيتهم طلعوا كلهم بما فيهم أنهار ما كان لي نفس أفطر فتحت تلفوني رسلت لـ هبة:
=يا بيب أها ح ترسلي الشيلة متين نغلفا ونرجعا ليكم؟
_ما عارفة يا ممو وبعدين انتِ بقيتي ما شغالة بي وأنا أمووي كلها جايطة وبقيت ما فاهمة شي مالك ما قاعدة تجي مع ناس هدو أنا زعلانة منك شديد والله.
=معليش ياخ بس والله مشغولة وبعدين أنا مش قلت ليك لو في حاجة إتصلي لي مالك ما إتصلتي.
_أنسي ح تجينا متين نتفاهم؟
=ما عارفة بشوف وبكلمك لوقتها لو إنتِ محتاجة حاجة ضروري إتصلي لي.
_طيب.

أنا عارفة هبة ح تكون محتاجة لي خاصة ما عندها أخت يعني وبنات عمها كلهم معرسات وقالوا ح يجوا للعرس بس ما بقدروا يخلوا بيوتهم ويجوا يقعدوا ناس أمي وهديل بمشوا ليها على طول بس برضو ما كفاية هي محتاجاني أنا من يوم المشكلة ما مشيت بيتهم تاني وبصراحة ما نفسي أصتدم بي هشام لا في بيتهم لا في الشغل بعد موقفو معاي دا قفلت منو شديد.

جوا لقوني في حتتي من دخلوا بغيظوا فيني ما إشتغلت بيهم خالص نهاية اليوم كنت عايزة أسلم هشام تقارير مشيت ليه في مكتبو لقيت أنهار معاه دقيت الباب:
_إتفضلي.
=عاينت ليهم شكلهم كانوا بشربوا في قهوة وما موضوع شغل خالص .. ح أرجع لو مشغولين!
_أساسًا الدوام خلص ما مشغولين إتفضلي.
=دي تقارير الإسبوع الفات ولما كنت غايب سلمتهم لـ منتصر قال لي..
_أيوة إتفاهمت معاو ختي لي الفايل في الدرج الأخير داك.
=عاينت ليهو لقيتو رجع شال كبايتو وإستراح في الكرسي بتاعو وقال لـ أنهار أها كنا بنقول في شنو؟
كأني ما بتكلم معاه في موضوع مهم من غير ما يعرف إذا أنا خلصت كلامي ولا لسة!
ختيتهم وطلعت طوالي ما إنتظرت ولا دقيقة.

_اووف يا هشام وبعدين معاك؟
=أنهار إنتِ ح تتعبي في الفاضي أنا كلمتك إني ما ح أسامحا إذا هي ما جات بررت لي.
_يعني ما كفاية أنا قلت ليك؟
=وإنتِ دخلك شنو بالولد دا؟
_إنت طلعنا أنا والود دا من القصة وركز إني عايزاكم تتصالحوا عشان أنا مليت من إني قاعدة في نصكم زي العنصر المحايد كدا.
=تقدري تقيفي مع صحبتك وتخاصميني زيها لو حابة يعني؟
_دي شنو حركات الشفع البتعملوها دي كدا اسبوعين متخاصمين ملاحظ؟
=إن شاءالله سنة إنت مالك متضايقة؟
_عشان ما هاين علي أشوفكم كدا.
=بنهمك للدرجة دي؟
_ملك بتهمني شديد.
=تمام قولي الكلام دا ليها هي.
_هي ما راضية نتكلم في الموضوع بعدين قلت ليك هي ما زيما إنت فاكر.
=وإنتِ العرفك بأفكاري شنو؟
_واضح في عيونك إنت جوطة فيها عشان غيران عليها ولا عشان ..
=أنهار أقفلي الموضوع دا خلاص.
_بتبين إنك قاسي بس إنت ما كدا ما تقسى عليها أكتر من كدا وبعدين جاي عرس أختك وأخوها حتلفتوا الأنظار فاكر خالتو سامية أو عزو ما ح يلاحظوا.
=خليهم يلاحظوا دا ما ح يغيير شي لو هي ما جات إعتذرت مني.
_مغرور.
=ما أكتر منك.
_قوم أرح.
=عندي شغل كتير عايز أخلصه.
_طيب بس فكر في القلتو ليك.
=برة يا أنهار من هنا سرريع.
_ماشي يا هشام.

طلعت منو وأنا قنعت من إني أصالحهم لي ساعة بقنع هشام إنو ملك ما وقفت مع زول غريب وإنو دا زول بنعرفو وعلاقتو بيها صديق ساي بس هو ما عايز يقتنع وشوية وح أقول ليو ياخ دا الإكس بتاعي.
لي ساعة بحاول معاه وما إستفدت شي هشام عنيد وملك أعند منو إتصلت ليها لقيتا طلعت قالت ح تمشي بالمواصلات لحقتها جمب الظلط وقفت ليها جات ركبت وفضلنا لافين قدر ما أقنعتها تمشي تعتذر منو رفضت رفض قاطع وأصرت إنها ما غلطانة وهو ما من حقو يتدخل في شي بخصها لا وكمان يعاقبا.

www.tgoop.com/RwayatSudan/42813

1.8K viewsتنزيل صابر ♡, Mar 19, 2023 at 07:36

#ثمن_الإختيار❤️
حلقة15

" طُوبى لمن عثر على شخصٍ مُنطفىء فلم يتركه حتى يُشرق.❤️ ))

العلاقة بين ملك وهشام متوترة سألتها كم مرة إذا إتصالحو أو لا بس ملك مصرة إنو مافي شي وهما ما متخاصمين والموضوع دا بالنسبة ليها منتهي من ناحية هشام قدر ما أجي أتكلم معاه بقول لي أنا زعلان منها ودا ما ح يخرب علاقتنا نحن أكبر من كدا بس حاليًا ما عايز أي كلام عن السيرة دي.

بعد إسبوعين جا ولاحظت ملك بتتجاهلو حتى لما جا سلم علينا وقفت بعيد وما صافحتو وهو كمان حسيتو بتجاهلا قصدًا جانا المكتب مرتين وما إتكلم معاها إتظارف مع الناس دي كلها وحتى قال لينا خلاص عشان إشتقتوا لي قدر دا بعدين ح أتواضع وأفطر معاكم الليلة.
لما جا زمن الفطور ملك قالت لينا صايمة وأنا عارفاها بتتحجج لأنها شربت شاي الصباح لما أصريت عليها قالت لي :
_صايمة صيام متقطع مالك يا زولة.
=شنوو؟ما كانت دي خرافات ولما كنت بشرب شاي أخضر ضحكتي علي؟
_وقتها ما كان عندي عرس عايزة الفستان يظبط علي وأسي عرس عزو وقصيت فستان ما عايزة وزني يزيد.
=بس يا ملك وزنك من عرفتك ما زاد فجأة قرر يزيد للعرس؟
_بتتريقي على وزني؟
=دا ما موضوعنا أسي كلنا حنمشي نفطر في الحتة البتحبيها ما عايزة تمشي معانا؟
_ما عايزة أي.
=طيب أنا كمان ما ماشة.
_إنت برضو صايمة ولا مالك؟
=ما بخصك بس لو ما مشيتي ما ح أمشي.
_بطريقتك.
شلت كبايتي وطلعت لاقيت هشام في الباب إتجاهلتو مشيت برة وقعدت جمب الوضاية لما رجعت لقيتهم طلعوا كلهم بما فيهم أنهار ما كان لي نفس أفطر فتحت تلفوني رسلت لـ هبة:
=يا بيب أها ح ترسلي الشيلة متين نغلفا ونرجعا ليكم؟
_ما عارفة يا ممو وبعدين انتِ بقيتي ما شغالة بي وأنا أمووي كلها جايطة وبقيت ما فاهمة شي مالك ما قاعدة تجي مع ناس هدو أنا زعلانة منك شديد والله.
=معليش ياخ بس والله مشغولة وبعدين أنا مش قلت ليك لو في حاجة إتصلي لي مالك ما إتصلتي.
_أنسي ح تجينا متين نتفاهم؟
=ما عارفة بشوف وبكلمك لوقتها لو إنتِ محتاجة حاجة ضروري إتصلي لي.
_طيب.

أنا عارفة هبة ح تكون محتاجة لي خاصة ما عندها أخت يعني وبنات عمها كلهم معرسات وقالوا ح يجوا للعرس بس ما بقدروا يخلوا بيوتهم ويجوا يقعدوا ناس أمي وهديل بمشوا ليها على طول بس برضو ما كفاية هي محتاجاني أنا من يوم المشكلة ما مشيت بيتهم تاني وبصراحة ما نفسي أصتدم بي هشام لا في بيتهم لا في الشغل بعد موقفو معاي دا قفلت منو شديد.

جوا لقوني في حتتي من دخلوا بغيظوا فيني ما إشتغلت بيهم خالص نهاية اليوم كنت عايزة أسلم هشام تقارير مشيت ليه في مكتبو لقيت أنهار معاه دقيت الباب:
_إتفضلي.
=عاينت ليهم شكلهم كانوا بشربوا في قهوة وما موضوع شغل خالص .. ح أرجع لو مشغولين!
_أساسًا الدوام خلص ما مشغولين إتفضلي.
=دي تقارير الإسبوع الفات ولما كنت غايب سلمتهم لـ منتصر قال لي..
_أيوة إتفاهمت معاو ختي لي الفايل في الدرج الأخير داك.
=عاينت ليهو لقيتو رجع شال كبايتو وإستراح في الكرسي بتاعو وقال لـ أنهار أها كنا بنقول في شنو؟
كأني ما بتكلم معاه في موضوع مهم من غير ما يعرف إذا أنا خلصت كلامي ولا لسة!
ختيتهم وطلعت طوالي ما إنتظرت ولا دقيقة.

_اووف يا هشام وبعدين معاك؟
=أنهار إنتِ ح تتعبي في الفاضي أنا كلمتك إني ما ح أسامحا إذا هي ما جات بررت لي.
_يعني ما كفاية أنا قلت ليك؟
=وإنتِ دخلك شنو بالولد دا؟
_إنت طلعنا أنا والود دا من القصة وركز إني عايزاكم تتصالحوا عشان أنا مليت من إني قاعدة في نصكم زي العنصر المحايد كدا.
=تقدري تقيفي مع صحبتك وتخاصميني زيها لو حابة يعني؟
_دي شنو حركات الشفع البتعملوها دي كدا اسبوعين متخاصمين ملاحظ؟
=إن شاءالله سنة إنت مالك متضايقة؟
_عشان ما هاين علي أشوفكم كدا.
=بنهمك للدرجة دي؟
_ملك بتهمني شديد.
=تمام قولي الكلام دا ليها هي.
_هي ما راضية نتكلم في الموضوع بعدين قلت ليك هي ما زيما إنت فاكر.
=وإنتِ العرفك بأفكاري شنو؟
_واضح في عيونك إنت جوطة فيها عشان غيران عليها ولا عشان ..
=أنهار أقفلي الموضوع دا خلاص.
_بتبين إنك قاسي بس إنت ما كدا ما تقسى عليها أكتر من كدا وبعدين جاي عرس أختك وأخوها حتلفتوا الأنظار فاكر خالتو سامية أو عزو ما ح يلاحظوا.
=خليهم يلاحظوا دا ما ح يغيير شي لو هي ما جات إعتذرت مني.
_مغرور.
=ما أكتر منك.
_قوم أرح.
=عندي شغل كتير عايز أخلصه.
_طيب بس فكر في القلتو ليك.
=برة يا أنهار من هنا سرريع.
_ماشي يا هشام.

طلعت منو وأنا قنعت من إني أصالحهم لي ساعة بقنع هشام إنو ملك ما وقفت مع زول غريب وإنو دا زول بنعرفو وعلاقتو بيها صديق ساي بس هو ما عايز يقتنع وشوية وح أقول ليو ياخ دا الإكس بتاعي.
لي ساعة بحاول معاه وما إستفدت شي هشام عنيد وملك أعند منو إتصلت ليها لقيتا طلعت قالت ح تمشي بالمواصلات لحقتها جمب الظلط وقفت ليها جات ركبت وفضلنا لافين قدر ما أقنعتها تمشي تعتذر منو رفضت رفض قاطع وأصرت إنها ما غلطانة وهو ما من حقو يتدخل في شي بخصها لا وكمان يعاقبا.

BY رِوايات سُودانية 📚♥️!)"