رەمەزان و قورئان!

عەبدوڵای کوڕی مەسعود: هەموو سێ ڕۆژ جارێک خەتمی قورئانی دەکرد.

ئەسوەدی کوڕی یەزید تەلەبەی بوو: هەموو دوو ڕۆژ جارێک خەتمی دەکرد.

قەتادە: هەموو سێ ڕۆژ جارێک خەتمی دەکرد، کە دە شەوی کۆتایی دەهات هەموو شەوێک خەتمی قورئانی دەکرد.

زوهری: کە ڕەمەزان بهاتایە دەیوت: ئەم مانگە مانگی خوێندنەوەی قورئان و بەخشین و ناندانە بە هەژاران.

ئەبو حەنیفە: لە رەمەزاندا خەریکی هیچ نەدەبوو بێ لە قورئان، لە دە شەوی کۆتاییدا وا خۆی یەکلایی دەکردەوە بۆ عیبادەت کەس پێی نەدەگەیشت قسەی لەگەڵدا بکات.
مالیک: تەنانەت وازی لە کۆڕی زانست و فەرموودەش دەهێناو خۆی یەکلایی دەکردەوە بۆ قورئان خوێندن.

سوفیانی سەوری: تەنانەت عیبادەتە سوننەتەکانی تریشی واز لێ دەهێنا و تەنها خەریکی قورئان دەبوو.

بوخاری: هاوەڵەکانی دەهاتنە لای بۆ تەراویح، لە تەراویحدا خەتمی پێ دەکردن تا کۆتایی رەمەزان. خۆیشی هەموو ڕۆژێک خەتمێکی دەکرد. هەر سێ رۆژ جارێکیش لە سەحەردا خەتمێکی دەکرد.

دژەوانی ئەم دینە زۆر بەستەزمان و ڕەنجەڕۆیە!
خۆ مزگەوت پڕپڕیەتی لە گەنج، نە یەکە و نە دووانە و نە سەدە و ...
ئنجا خۆ وەنەبێ هەمووی هەر فەقێ و مەلا بێ، ئەمیان لە کۆلێژی پزیشکییە، و ئەویان لە ئەندازیاری، و ئەوی دیکەیان بایۆلۆجی و ئینگلیزی و کۆمپیوتەر و ...هتد.

خەفەتی لە هەموو خەفەتان گەورەتر: ئیمامەکەش گەنجێکی قوڕئان لەبەری دەنگ خۆشی نازدارە.

بەڵێ، هێشتا کەموکوڕیمان زۆرە، بەڵام ڕۆژانێک مارکسییەت پێی وابوو تەنها جیلێکی کۆنی بە تەمەن ماون باوەڕیان بەخوا هەبێ، کە ئەوان نەمان خواناسی و قوڕئان و مزگەوت لە وڵات نامێنێ!!!

وَقُلْ جاءَ الحَقُّ وزَهَقَ الباطِلُ إنَّ الباطِلَ كانَ زَهُوقًا

ئایا ئەزانی یەکێك لە هۆکارەکانی دڵخۆشی (دوعاکردنە بۆ موسڵمانێک بەبێ ئەوەی ئاگای لێبێت)..

جگە لەوەی مەلائیکەتەکانیش هەمان دوعات بۆ دەکەنەوە و پاداشتی بێ پایەنیشت بۆ دەنوسرێت بەهۆی ئەم دوعایە..

بۆیە ئاگاداری دڵ و دەروونتان بن و پاکی بکەنەوە لە ڕق و کینە و دوعا بۆ هەموو کەسێ بکەن..

لە هەموو كار و كردەوەیەكی ژیانتاندا واقعیبن
بەڵام لە دوعادا نا..
هەتا ئەتوانن بە یەقینەوە داوای موستەحیلات بكەن ، هەتا ئەتوانن داوای شتی ئەستەم بكەن

چونكە ئێوە داوا لە پەروەردگاری دەسەڵاتداری بەخشندە و میهرەبان دەكەن...

'بەڕێوەبردن بریتییە لە ڕازیکردنی خەڵک بۆ ئەوەی ئەو کارانە بکەن کە نایانەوێت بیکەن، لەکاتێکدا سەرکردایەتی بریتییە لە ئیلهامبەخشین بە خەڵک بۆ ئەوەی ئەو کارانە بکەن کە هەرگیز بیریان لەوە نەدەکردەوە بتوانن.'

بەشێک لە زانایان دەفەرموون:
ئەگەر صەبر نیوەی ئیمان بێت
ئەوا یەقین هەموو ئیمانە…

.
یەكێكیان داوای پارە ئەكات
یەكێكی كەیان داوای مناڵێكی صاڵح ئەكات
یەكێكی كەشیان داوای هاوسەر ئەكات
لەكاتێكدا یەكێكی تریان ئەپاڕێتەوە بۆ شیفای نەخۆشیەكەی
بەڵام دانەیەك بە بێدەنگی ئەگری و ئەپاڕێتەوە هەتا لە گوناحێكی خۆشبێت
دانەیەكیش داوای فیردەوسی ئەعلا و بەهەشت ئەكات
تیایەتی بە هندی داوای لێ ئەكات
تیایەتی بە كوردی و تیایەتی بە ڕوسی

ئەمانە هیچی سەیر نین !
ئەزانن چی سەیرە؟
ئەوەی پەروەردگارێك هەیە هەموو ئەم داواكاریانە ئەبیستێت هەموو ئەم كەسە جیاوازانە ئەبینێت بەبێ هیچ هەڵە و دواكەوتنێك بەبێ هیچ لێتێكچونێك
ڕەحمەت و میهرەبانی هەموو زەوی و ئاسمانەكانی گرتۆتەوە وەك بارانی بەڕەحمەتی بە جارێك لە لێخۆشبوون و بەخشش و وەڵامی داواكاریەكانی ئەبارێنێت بەسەر بەندەكانیا
بۆیە تۆش مەوەستە لە داواكردن مەوەستە لە پاڕانەوە لێی مەوەستە
مەهێڵە دەنگت لە ئاسمانەكان ون ببێت مەهێڵە ببیت بەو بەندەیەی تەنها لەكاتی زۆر پێویستیا داواكاری هەیە......

.

لە نێوان ئێمە و ئاسمان دووریەكی بێ ئەندازە و نەبڕاو هەیە...

بەڵام

لەنێوان ئێمە و پەروەردگار
دەست نوێژێك وە نوێژێك هەیە...

بەکردارو ڕەفتار پێشەنگایەتی بۆ منداڵ بکرێت چاکترە لە سەد ئەوەندەی بە  گوتار بکرێت، دەنگی کرداريش گەورەترو کاریگەرترە  لە دەنگی وشەو چاکتریش دەکەوێتە دڵ و دەروونەوە.

وتراوە: ئەوەی لە کردارو ڕەفتاری دایک و باوكمەوە فێریبووم زیاتربوو لەوەی لەهەر زانایەکی ترەوە فێریبووم.

تەسلیمبوون بە خودا :

تەسلیمبوون واتە ، ڕووگەی مەبەستت تەنها خودا بێت! جگە لە خودا مەبەست و پێویستیت بە كەسی دیكە نەبێت!
چاوەڕێی دەستی كەس و یارمەتی كەس نەكەیت جگە لەو، تەسلیمبوونی ڕاستی دەبێت تكا و داواو و دوعاو پاڕانەوە و حەز و ئارەزوو و خۆشەویستی و ترس و هیوات هەمووی دابێت بە خودا هەمویت تەنها لای ئەو باس كردبێت

ئەگەر ئەمانەت كرد ئیدی پشووبدە..
لەژێر داری بەختەوەری و ئارامی ڕۆحدا بەتەواوی پشوو بدە، چونكە هەرچی ڕوبدات هەرچی ڕوونەدات لەناو موڵكی ئەودایە و بێ ویستی ئەو نیە.


ویستـــەكانـــی ئـــەویش هـــەمووی خـــێـــرە...

.
ماندووبونەكانی ئێرە بەزایەع ناچن!
پەروەردگار ئەو خەمەی لە دڵی تۆدایە بۆ ڕازیكردنی لەبیری ناكات!
لەبیری ناچێت كە چەن جار نەفسی خۆتت شكاندوە تا ئەو ڕازی كەیت
چەند جار لەخەوی شیرینت هەستاویت تا بۆلای ئەو بچیت!
لەچەن خواردنی خۆش خۆت گرتۆتەوە تا لەبەر خاتری ئەو بەڕۆژوو بیت!
ئەمانە هیچی بەفیڕۆناچن...

هەر وەك ئیبن جەوزی بە نەفسی خۆی دەگوت: ئەی نەفسەكەم....
لێرە كەمێك خۆت ماندوو بكە
لە فیردەوس زۆۆۆر دەحەسێینەوە..

زۆر جیاوازە، بۆ حەق بگەڕێیت، یان بە خەیاڵی خۆت، حەقت لا ڕوون بێت و بەڵگەی بۆ کۆبکەیتەوە!

کاتێک بە وەڕع و بێ بەرژەوەندییەوە، بۆ حەق ئەگەڕێیت و حورمەتی فەتوات لایە، زۆر ئاسان ئەبینیت و ئەڵێیت: کاکە ئەوە قەولی جومهوری زانایانە و مەزهەبی کۆی زانایانی فڵان مەزهەبە و…

کاتێک پێشوەختە حەقت دیاریکردووە، بەرژەوەندیت لەباسەکەدا هەیە، ئەبێت بڵێیت: فڵان لەوێدا وا ئەڵێت، ئەڵێن: فیساریش، شتێکی وای وتووە!

خۆزگە
ئێستا لە نزیک دەرگای بەر مەرقەدت و رەوزەی مبارەکت دادەنیشتم زەلیل و بێ دەسەڵات دوعام دەکرد و یادی ئەو رۆژانەم دەکرد کە رۆژێ لە رۆژان تۆ بەو ناوە گوزەرت کردوە و لەو هەوایەم هەڵدەمژی کە تۆ لێت هەڵمژیوە، سەیری ئەو ئاسمانەم دەکرد کە تۆ سەیرت کردوە  دڵنیام رەنگ و نەخشیان نەگۆڕاوە چون شەوق و جوانی  تۆیان دیوە..

ربّاهُ جرّأني جهلي وتَعلمُنِي
‏ طفلاً حبا راغباً في كِذبةِ المُتعِ

‏وحدي عصيتُ ولكن عُدتُ معترفاً
‏مهما عصيتُ فربُّ العالمين معي

‏صوتُ الحياءِ نداءُ الذلِّ ملحمةٌ
‏من المتابِ بدَت في نغمةِ الطّمعِ

‏مهما تَبعثرتُ شيءٌ ما يجمِّعني
‏أنِّي طَمِعتُ بعفوٍ .. غيرِ منقطعِ

ئەبێت چەند دەیە و سەدە بێت، میحڕابی ئومەوی دیمەشق، فەزڵی وای بە نسیب نەبووبێت؟!
ئەبێت چەند بێت، ئەو مەقامە، لەگەورە فازیلان گیرا بێت؟!
ئەبێت چەندێک لەکیباری ئەئیممەی ئوممەت، لەو جێیەدا دانیشتبن!!

سڵاو و حورمەت، لەشێخی موفتی عەللامەی قەرەداخیشمان، مایەی فەخر و ناوداریمان، (رغم أنف) دۆڕاوانی تێنەگەشتوو لەدین و ژینیش.

تێت ناگەن، ئاخر تۆ باسی شتێک دەکەیت کە هەزاران میلت تێیدا بڕیوە و ئەوان هەنگاوێکیان تێیدا هەڵنەهێناوە.

هەستت پێ ناکەن، ئاخر تۆ ڕاڤەی هەستێک دەکەیت هەموو شەوێک ملیۆنان جار بە دڵ و عەقڵتا تێپەڕیوە، لێ بۆ یەک جاریش لە دەرکەی دڵ و عەقڵی وانی نەداوە.

تاوانی ئەوان نییە، هۆکارەکە مەودای فراوانی نێوان بیرکردنەوەی نێوان تۆ و ئەوانە....

«رَّبُّكُمْ أَعْلَمُ بِمَا فِي نُفُوسِكُمْ ۚ»

په‌روه‌ردگارتـان زاناتره‌ به‌وه‌ی
چی له‌ نه‌فسی ئێوه‌دایـە....