tgoop.com/Sanhani_1/15718
Last Update:
في ليله شديدة الظلمه ...!
كنت محوش انا وبعض الصالحين من حق الحاره
بنخطط ع غزوه .. ايش من حاره نقتحم
من هو غريمنا الجديد .. من عينضرب مننا
كنا سته اطفال بريئين
في عمر قريب من الاثنعش ومطلع
بس مالقيناش غريم !
رجعنا قررنا نطبخ في الشارع
الام الصغيره اذي وسطنا اشتغلت
اذي ادا الصحن واللي ساهم بزيت
واللي هبش البيض من بيتهم
وواحد انطلق للبقاله ورجع بعلبة فول
مدري هو اشتراها او سرقها ههههههههه
المهم جمعنا القراطيس والكراتين وشعللناها
وبدأنا نكشن ونستعد
وبعدين خطيو اثنين جهال .. اثنين صغار
نسينا الفول والقراطيس ... وقفتهم وقلت
مامعك يا ولدي لاهذا الساع ؟
قال مشو عليك ! هههههههههههه ضحكت تخيلو
المحترم هذا المؤدب اذي اسنانه عادهن لبنيات
بيقلي انا مشو عليك 🙂💔
اخذتني العزه بالنفس وقلت لهم
والله ماتفلتو يا عيال السوق ومعصت آذانهم
لاتقلوش اني استقويت ع الضعفاء هولا وضربتهم هههههههههه لا لا هذا أدبهم
قدو للمستقبل والكل
خليتهم يهربو .. وقلت للخبره
ابسرو كيفنا رحيم وفلتهم ههههههههه
المهم رجعنا نطبخ ونحشوش الكشن، فجأه
شقصنا ناس خيرات جايين من طرف الحاره
كبار وصغار وشيبات ونسوان
بالصمل والمقاصم والاحذي والملاخيخ
درينا ان إحنا المستهدفين
الفول طار والبيض هرب والزيت رجع بيتهم
والتراب كان بيعشعش في الجو من سرعتنا
اتفرقنا عشان نشتت الاعداء
كنت اطير وامشط الخط ساع الكلب
ويدي كانت تحمل مع ارجلي
تناغم فيسولجي تام .. دقه في الأداء
سرعة في الركض !!
كنت أعدي الحفر والمسامير والحصم الصغار
شغلت نظام النجاة
نظام الحياه او الموت .. رفعته للأخير
بس كانو سريعين سيارات سباق قلدني الله
حرام يا الواحد منهم ان خطوته الواحده
بعشرين خطوه من حقنا
شبحني من كتفي ورفعني
وارجلي جالسات يحملين
كان به شويه آمل اني أنجو
بس هذيك زراديه مشي يد
وقفت ههههههه ضحكت له وقلت
بتدعي لك امك والله
ع طول مددني تحته وخنقني وكنت اقله
بليززز فكني بذيه الجاه، اي كانت بريث
نو بريث ورب الكعبه .. ماكنش به كيمرات
وإلا لوشي انهم صوروني وخرجوا يتظاهرو عميدي
بس ماحد أنقذني ولا حد سمع صرخآت الألم
ناس قاسيه والله ههههههههههههههههههههههههههه
بس طلع انسان واحساسة شغال
فلتني وقال شكلك ابن ناس آخر مره لك
رجعت اتبرثن من جديد، شهيق ثم زفير
ومن هذك اليوم قدنا ابسر أي جاهل
واسير احضنه واللاعبه وافعله لويه في الحديقه
واجر له بعودي .. وكيفو بابا .. وماما وينهي
قلهم يشتو سكر او مع ؟
ههههههههههههههههههههههههههههههههههههههههههه
اي جاهل يعلق والله لأحظره ..!!
#صروعوني
BY مشعات مخـدر.١ 🚬 )
Share with your friend now:
tgoop.com/Sanhani_1/15718