tgoop.com/Sedhart9915/810
Last Update:
رسالة سابقة كُتِبَت لمن يُحارِب في ساحة العِلم :💫
مساء الخير يا رفاق🤍🤍
أتمنى تكونو بخير🥺🤍🤍
عندي كلام جوا نفسي وحابة أقوله لكل طالب وطالبة أتمنى حتى لو شفتو كلامي طويل إنكم تقرأوه للنهاية 🤍😔
الله يقول في القرآن: ( لا يكلف الله نفسًا إلا وسعها)...
لو تأملنا دي الآية كويس حنعرف وحنثق بإنه كل شي مقدر علينا هو في إطار قدرتنا وإمكانياتنا..
مافي شي قدره الله علينا وهو مستحيل.. تأكدو انه كل شي نباه نقدر نحققه.. تأكدو مافي شي الله حطه فيكم من رغبات وأمنيات الا لأنو ربي عارف انو انتو عندكم القدرة انكم تحققوه ✨🤍🤍..
كلنا عندنا القدرة اللي تخلينا نسوي الشي اللي نباه.. اللي نحتاجه بس اننا نترجم قدرتنا لأفعال..
القدرة دي موجودة جوا نفسنا لو ترجمناها لأفعال.. لو كان عندنا إرادة وتصميم وعزيمة.. لو اجتهدنا وتعبنا على نفسنا شويا حنوصل بإذن الله للشي اللي نتمناه.. ✨
ثقو دائمًا بنفسكم يا رفاق.. تشبثوا بأحلامكم.. ✨
تأكدوا ما خُلِقنا لنعجز.. ولا شيء مستحيل ✨✨
حتحققو أحلامكم في يوم من الأيام بس اجتهدوا وذاكروا واتعبو على نفسكم شويا ما بقي شي خلاص كلها أقل من سنة أو سنتين وحنكون في وقت مصيري وقت اللي بنقدم طلب قبول للجامعة ويتحدد مصيرنا وايش حنكون في المستقبل..
خلينا نتعب دحين شويا ونجتهد عشان نحقق في النهاية اللي نتمناه ونسطر لنفسنا قصة نجاح بعد كفاح وعناءٍ كبير 🌟🌟
خلي ثقتكم بالله كبيرة وتفاءلو✨🤍
بالتوفيق لكم يا عظماء.. ثقوا بأنفسكم.. أنتم تستطيعون🌟💪🏻
شكراً لكم🤍🥺
سدرة🤍 @Sedrah2005
BY خليك إيجابي.🤩💪🏻.
Share with your friend now:
tgoop.com/Sedhart9915/810