tgoop.com/Share17/21712
Last Update:
إليك 💌"13"
أتى ملتزمآ حافظآ للقرآن يسكن قرب المدينة والآن هما معآ يقضيا عمرة رمضان ♥️!
ليسما المرة الأولى لكنها الأجمل على الإطلاق وصغيرهما معهما !
ليس كل ملتزمة يرزقها الله ملتزما ذو لحية حافظآ للقران مقيما لحدوده عاملا بأحكامه وشرائعه!
ليست الدنيا دار جزاء ليجزي الله الطيبات انما دار عمل محتمل ان يكون هكذا ومحتمل لا !
احيانا الواحدة بتدعي ربنا بزوج فقط يارب ارزقني زوج ما بنردف الدعاء بكلمة صالح !
احيانا بنستخير في حد وبنقول يارب ارزقنا ليه مابنقول لو فيه خير ابقيه ولو فيه شر اصرفه !
احيانا بعض البنات بخافو من حته لو فيه شر اصرفه بتكون عندها اصلا هاجس من كلام الناس وكونه زواجها اتأخر وكلام صاحباتها ومطاعنة اهلها فهي بتكون عاوزة تتزوج وخلاص !
عاوزة اي واحد والسلام !
يكون ملتزم اولا مابفرق معاها المهم اكون في عداد المتزوجات بأي طريقة كانت !
بعدين ماف حد حا يحصد الندم والحسرة غيرك انتي يمكن اللي انتي فيه الآن تأخر الزواج اهون من انه تاخدي اي حد والسلام !
يمكن يكون أخلاقه كعبة مابصلي مابعرف ربنا واللي مابعرف ربنا مابعرف خلقه !
بعدين حايعيشك حياة لو خيرتي قلبها لما اخترتيها!
فلازم نختار شريك حياتنا بدقه خيار شخصي لأنه لو تم اختياره عكس مرادك حاتدفعي التمن انتي !
ودي حياتك ليه الناس تختارها ليك ؟
منو الحا يعيش العمر التاني معاه ؟
الزواج مالعب الزواج حياة ♥️
حرفيا حياة !
الزواج سكن لوغابت الرحمة والمودة غابت السعادة !
لما تقولي حا اتزوج حبيبي ومابقدر اعيش من دونه وهو اساس مليان عيوب ومابصلي وانتي عارفة الحاجة دي بس بتقولي لكن بحبني اهم شي بحبني!
عمرو الحب ما كان مقياس للزواج ولا اساس في ناس كتير تزوجو من دون حب سابق وحبو بعض بعد الزواج !
امهاتنا زمان كان وليها يوافق على الزواج وهي ما شافتو زاتو ولا تشوفو يوم العرس !
الزمن بتاع الأمهات زمان دا الزواج الوحيد الناجح 100%
اما زواج هسي عشان معظمه بكون نتاج حب وبدايات غير مرضية لله بتلقاه اغلبه طلاق !
المحاكم اليوم مليانة بقضايا الطلاق ودائما بتلقى العلاقات الغير ناجحة كان حب سابق وبدايات غير مرضية !
الزواج البركة في بدايته وبمشي مبروك ♥️
اما زواج الحب منزوع منه البركة!
عشان كدا ما نستعجل في الإختيار نعاين ليه من جميع الجوانب خاصة حتة الصلاة دي!
ما نعاين من جانب واحد اللي هو الحب !
BY #سِوَدِانَيَزُــ ٲوﭬـررُ 🍁
Share with your friend now:
tgoop.com/Share17/21712