tgoop.com/Sidranovels/3145
Last Update:
- صحيت تاني يوم على تخبيط جامد .. حطوا في إيدي الكلبشات، انسحبت من بيتنا في ثانية، بصماتي كانت على السكينة، حلفت للكل محدش صدقني غيرها .. جه أبوها وقال بعتاب " ياريتني ما جوزتك بنتي، بقى دي آخرتها تاني يوم كتب كتابها تجيلك عشان تشوفك بالبدلة الحمراء؟ " يادي العار
- بـراء مصدقاني، أرجوك صـدقني أنـت كمان والله ما عملت كدا .. قعدت أخبط في الحديد وأقول بعياط هستيري " يارب بقى يارب، أنت عارف إني برئ "
...
- بـراء صاحية؟
ايوه يا بابا اتفضل، بس لو هتقول إن نوح مجرم بلاش نتكلم.
- لا يابنتي أنا جاي أقولك إنه برئ!
بجد يابابا عرفت إزاي؟
- لما حضرة النبي بذات نفسه يجيلي في المنام يثبت برآته إزاي مش عاوزاني أصدق، قومي البسي يلا عشان نروحله أكيد نفسيته وحشة دلوقتي.
..
- إزيك يابني عامل إيه؟
هه .. حضرتك جاي تسأل شخص مـيِّت عامل إيه؟
- ربنا مش ناسيك وهيحلها.
بقولك هينفذوا حكم الإعدام كمان يومين، هتتحل إزاي؟
- لو بصيتلها هتتحل إزاي عمرها ما هتتحل، زي شخص يائس وفاشل وبيقول " هنجح إزاي؟ " هو لما يسأل نفسه كدا هينجح مثلاً ؟ لا طبعًا.
- العُقدة ليها خريطة لازم تمشي عليها يانوح.
- مينفعش شخص عاصي يقعد يعيط إنه مبيصليش النوافل وهو سايب الفروض، وبرضو مينفعش يستهون بالإستغفار والحاجات البسيطة في نظرنا دي لإنها كبيرة عند ربنا وبـتفرق جدًا.
- الإستغفار هـيجر صلاة على النبي والصلاة على النبي هـتحيب فروض والفروض هتجيب سُنن والسنن هتجيب نوافل وبعدها بقى هيتحقق النجاح عشان اليأس والخيبة مبقوش موجودين في حضرة الله؛ لكن لو استهونت بالإستغفار إزاي هتوصل للحل؟
- أنا عارف إن مفيش وقت، بس ربنا قادر يبهرك صـدقني•
- عارف الإمام أحمد ابن حنبل يانـوح؟
لا
- الإمام ده كان مشهور في زمنه فجه في يوم وحب ينام مرة في المسجد ولكن الحارس منعه من المبيت لإن الحارس مكنش سمع عن ابن حنبل قبل كدا .. حاول الإمام ولكن الحارس بعد الشيخ عن المسجد بقوة، وكان الإمام شيخًا وقوراً على وجهه علامات الصلاح والتقوى، شافه خباز وحالة الإمام صعبت على الخباز فعرض عليه المبيت عنده ووافق الإمام، راح الخباز جاب عجينة عشان يعمل عيش فسمعه الإمام وهو عمال يستغفر يستغفر يستغفر وعدى وقت طويل ومبطلش إستغفار فالإمام أحمد اندهش، والصبح سأل الإمام الخباز عن إستغفاره طول الليل فقاله " أنا دايمًا لما بعجن بستغفر "
فسأله الإمام وقاله " هل وجدت للإستغفار ثمرة ؟ "
والإمام يسأل هذا السؤال وهو يعلم ثمرات الإستغفار !
فقال الخباز : نعم والله ما دعوت دعوة إلا وأجيبت ما عدا دعوة واحدة.
فقال الامام أحمد: ما هي ؟
فقال الخباز : رؤية الإمام أحمد بن حنبل !
فقال الإمام : أنا أحمد بن حنبل والله لقد جُررت إليك جراً •
" فسبحان من جعل الإستغفار مخرجًا من كل ضيق و مفرّاً من كل هم و باب من أبواب إستجابة الدعاء "
- ربنا مينفعش يعوضك وانت مجبتش أخرك، هات أخرك في الصبر والدعاء وهتلاقي العوض بيهل والفرج بيطل.
" ربنا مش رايد مـنك ليه واشمعنا .. ربنا رايدك تـشكره ع النعمة " •
- يلا يانوح أوعدني متيأسش وتصلي كتير ومتبطلش دعاء اليومين دول؟
أوعدك
..
- حسن إحنا لازم نروح الشقة اللي نوح أدانا عنوانها ندور على أي حاجة أخويا بيضيع مني وانا واقف عاجز مش عارف أعمله حـاجة.
إهدى يا يافث عشان نعرف نفكر .. يلا نادي على محمد ونروح ندور هـناك.
- ماشي يلا
..
- لاقيت حاجة ياحسن؟
ايوه تعالى بسرعة اللاب توب بتاعها طلع عليه كل حاجة، شهد طلعت حاطة كاميرات في المكان عشان المخدرات متتسرقش منها، بص وركز كدا كمام نوح جه بعد الولد ما قتلها، رن على أبوك بسرعة وكلم بـراء وخليهم يجوا على المحكمة فورًا وفرحهم.
..
- فات يوم وفاضل يوم، قاعد مستني حبل المشنقة، سهرت طول الليل صلاة وإستغفار ومفيش على لساني غير " لنْ تذهب دعواتي سُدىٰ؛ وما كان ربي نسيَّا " فضلت أدعي بإنهيار ورجاء، حاسس إني خلاص مبقاش ليا غيره، كله عجز يساعدني حتى الأرض اللي قاعد عليها خذلتني، مليش غير رحـمته حتى لو هتعدم بس لازم أروحله نضيف وراضي بقضائه .. ♡
- قطع خوفي وحبل أفكاري مـسئول السجن بيقولي " يانوح يانوح براءة يانووووح "
- مش مصدق، الكلمة بترن في كل مكان، الجدران بتسقف من الإبتهاج، القضبان شايفها ضلوعي اللي قلبي هيخرج منها من جبر ربنا وتدابيره العظيمة.
- أول ما فتحولي جريت في حضن أبويا، حضنتهم كلهم، جيت عند بـراء ووقعت جوا حضنها، عطشان آمان وجيت أتشربه من بين ضلوعها .. كانت بتعيط بعدم تصديق وبتبوس إيدي وراسي وبعدين بصتلي بثقة وقالت:
" وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ "
BY ديچاڤو 📒💛
Share with your friend now:
tgoop.com/Sidranovels/3145