tgoop.com/Sojida_Karimova/1963
Last Update:
Men 2024-yildan ancha o'zimni qadrlashni o'rgandim. Inson o'zini qancha qadrlasa shuncha boshqalarniyam qadrlashni boshlar ekan.
Masalan, hozir manager va assistentlarimga ancha yaxshi pul to'layapman, ularni akademik va shaxsiy rivojlanishiga yordam berolyapman. Avval ular uchun bunchalik qayg'urmaganman.
O'zimga qanaqa sifatdagi kursni ravo ko'rsam, o'quvchilargayam hozir anchagina sifatli narsani berishga harakat qilyapman.
Ya'ni odam o'zini qadrladi degani qimmat kiyim, zo'r yeb ichish... kabilar emas ekan. O'zini qadrlasa kibrlanadi degani emas ekan. Askincha, shuncha birovniyam qadrini tushunarkan inson.
Meni Alloh qanaqa mehr bilan yaratgan bo'lsa, boshqa insonlarni ham shunday yaratgan. Menga ko'proq moddiyat, ilm, chiroy bergani uchun kibrlanishim emas, ko'proq shukr qilishim kerak ekanligini angladim❤️✨
Hozir Koreyada 12 bo'ldi, men shu paytgacha o'qidim, darslarimni qildim, menga yaxshigina pul olib keladigan kurslarimni hal qildim, uy ishlarim, bolam, turmush o'rtog'im hammasini qildim. Albatta Allohni izni bilan men kelajagim, hayotim, har kunim chiroyli o'tishi uchun harakat qila olaman va bu uchun o'zimga doim rahmat aytaman.
Nima uchun buni yozdim? Hamma hayotda nimadirlar xohlaydi. Zo'r uy, pul, mashina, zo'r oila. Ammo hammasi uchun harakat, mehnat, sabr kerak. Menga ko'pchilik havas qiladi. Oilamga, o'qishimga, yurishimga, lekin ularni hammasiyam menchalik harakat qilolmaydi.
Mendan ko'proq harakat qilganlar hozir mendanam zo'r, ularga men havas qilaman😍
Oilada malikadek muomala ko'rish uchun, avval unga qiroldek muomala qilish kerak.
Hamma narsani ortida siz ko'rmagan qiyinchilik, mehnat bor❤️
O'zingizni qadrlang va kelajak uchun harakat qiling✨
@Sojida_Karimova
BY Sojida Karimova
Share with your friend now:
tgoop.com/Sojida_Karimova/1963