tgoop.com/Sor99/2977
Last Update:
#واتای_هەندێ_لە_وشەکان_لە_زمانی_کوردیدا.
وشەی (کڵ) چییه و بۆچە بەکاری دەهێنن؟
تا جێگەی من بیستوومە
کڵ بە (کوره) ئەڵێن کە گۆزەگەرێ
بۆ پتەو کردنەوەی کەل‌وپەلێ کە
بە هەڕگ و موو سازی دەکات ئەو
کڵە ئاگره بەکار دەهێنێ تا ئەو کەل‌وپەلانەی کە بە هەڕی درووسی
دەکات بیخاته کڵ تا باش لە نێو ئەو ئاگر و دووکەڵە سوور ببنەوە
و قایمەو بن و هیچ‌کاتێک نەشکن،
گۆزەگەرێ کاتێ دێت بیهەوێ کەل‌وپەلێ هەڕگی چاک بکات ئەبێت لە خۆڵی سوور و پاک و تایبەت کەڵک وەربگرێت و شەوێ
بەر لەوە ئەو شتانە ساز بکات
ئەو خۆڵە سووره به مووی ئاژەڵانێک وەکوو بزن تێکەڵاو بکات و بیفیسنێت جۆرێ کە وەکوو جەوی لێ بێت بلکێ ئەو هەڕگه
و حاز بێت بۆ کارەکەی شتانێ کە سازی دەکات بە هەڕگ وەکوو(گڵێنە، گۆزە، دێزە، دۆڵەی نان، دۆڵەی چاڵەقۆرسی، پنە، هۆمه، و زۆر شت...) هەر شتێک کە بە هەڕگ چاک بکرێت ئەو (کڵ: کورە) ی پێویسته حەتمەن.
ساز کردنی کڵ خستن بەو شێوەیه
که له شوێنێ چۆڵ چاڵیکی بەربڵاو
ساز دەکەن تایبەتە بەو کاره
ئەبێ دەور تا دەوری بە ویشکە کەڵەکێ نزم ببەستن بۆ ئەوەی کە
گەرمای کڵەکە تاو بگرێتە خۆی و بە دووکەڵەکەی پیمەو بخۆاتە سەر
ئەو کەل‌وپەلانە باش باش سووریان بکاتەوە بەهانای خۆی و
دێر دامرکێ، کاتێ ئەو چاڵەیان بەست نێوی چاڵەکە بە بووڵەمڕە
ساماڵ دەکەن تا ژێری نەرم بێت و لەکاتی داخبوونیان شەق نەخوەن شتەکان، کەل‌وپەلە ساز کراوەکان ئەچنن لەدەوریکا
و بە تەپاڵەی ویشک سەریان بەگشتی دادەپۆشن 5 یا 6 کاتژمێر
له نێوی ئەو کڵە دەمێنێ بە دووکەڵێکی زۆرەوە باش باش
سوور دەبنەوە و ئاگرەکەی دادەمرکێ بەم شێوە کۆتایی دێت.
ئەو شێوە بەکار بردنە نێوی
(کڵ‌خستنه) و کڵ بە واتای (سرمە:کڵه) یش هەیه لە زمانی کوردی، جا ڕەنگه دیسان له
ناوچەکانی کوردەواری واتای هەبێت زۆر پێم خوەش بیزانم دیسان واتای چی دەدات کڵ.
هاوڕێیانم زۆر سپاس کە بینەری
کاناڵەکەمانن و هاوڕێیمانن جێی خۆش‌حاڵیه بۆمان🙏
گەر پرسیارێکتان بوو یا پێشنیارێ
لە حزمەتانین ئازیزانم.
وشە کوردییەکان لەبیر نەکەین تکایه🌹
✍نووسینی: شنەی زریان
٭٭٭٭٭٭٭
#کاناڵی_وشەی_یەکگرتوو
°°°°°°°°°°°
° >@Sor99
°°°°°°°°°°°°°
BY کاناڵی وشەی یەکگرتوو
Share with your friend now:
tgoop.com/Sor99/2977