tgoop.com/SozKimyosi/3730
Last Update:
Бу вақт чиқиб келар эди мозий қаридан
на иблис, на худо бўлолган авлод -
алданган, таланган, адашган, бешон.
Биламан,
Тун дафтарин очган маҳалда
Ғийбату туҳматдан достон битасиз.
Ўзингиз олқишлаб, ўзингиз мақтаб,
Ўзингиз ҳасаддан қонлар ютасиз.
Эй узини худонинг авлоди билган ровийлар,
Нега йўл бошланса тугар албатта,
Нега гул ёнида тикан албатта,
Нега тоғ бағрида ўпкон албатта,
Нега эрк йўлида қопқон албатта,
Нега... сўзингизни осмонми ютган,
Нега... кўзингизда қонми, ким тўккан,
Нега... буйнингизда домми, ким таққан,
Нега сўровимга жавоб бермас ҳеч кимса ахир?
Ахир...
Тириклик бу - беш кунлик макр.
Дилга ёлғон қанот бериб кўкка учирган
Шон-шуҳрат - макр.
Дунёни сочига гул қилиб таққан
Муҳаббат - макр.
Кечанинг қалбида ғулувлар ёққан
Оловлар - макр.
Азиз САИД
@SozKimyosi