tgoop.com/SuDanBuKraa/56656
Last Update:
موضوع سجن سوبا ... 🚨🚨🚨🚨🚨🚨🚨🚨🚨🚨🚨
إنتباه 💢💢💢💢💢💢💢💢💢💢💢💢💢💢💢💢💢💢
♦️ الأخبار اللي كانت بتجي من سجن سوبا، طوال فترة الحرب الماضية، كانت مخيفة، تصفيات، وتعذيب وجوع حتى الموت، ومرض دون علاج، وأوضاع كارثية للمعتقلين في الزنانزين.
🔷 لقيادة قوات المليشيا، بالنسبة لي موضوع سجن سوبا، اللعبة البتلعبوا فيها دي مكشوفة شديد بالنسبة لينا.
🔷 إنتو مسؤولين مسؤولية كاملة عن كل المعتقلين الإعتقلتوهم وسجنتوهم في سجن سوبا من بداية الحرب لحدي الآن ماتم فتح الابواب وخروج المعتقلين.
🔷 كيف يعني بكل سهولة تم كسر أبواب السجن الشديد الحراسة، من قبل متفلتين من المليشيا، وهرب جميع المعتقلين.
🔷 عايزين تخلوا مسؤوليتكم من التصفيات التمت للمعتقلين، تخلوا مسؤوليتكم من المعتقلين الماتوا بالجوع والمرض والإهمال والتعذيب في زنازينكم، وتقولوا كل المعتقلين هربوا من السجن.
🔷 دي لعبة مكشوفة ومسرحية واضحة أبدا مابتنطلي علينا، أي معتقل كان في سجن سوبا إنتو مسؤولين منو مسؤولية مباشرة، وحتتحاسبوا عليهم معتقل معتقل، طال الزمن لو قصر.
🔷 انا مقدر فرحة بعض الأسر الرجعوا ليهم أبناءهم، لكن كمان في آلاف من المعتقلين مارجعوا وماظهروا لحدي الآن.
🔷 قيادة المليشيا بتلعب لعبة كبيرة، ركزوا ياناس وسيبو العبط البتعملوا فيهو ده، وخلونا نسأل كلنا مع بعض، أين بقية المعتقلين الكانوا في سجن سوبا ياقيادة المليشيا.
🔷 نحن ماحنسكت، ولا حننجر خلف التكتيكات السخيفة حقتكم دي، سؤال واضح .. باقي المعتقلين وين يامليشيا.
🔷 مركزين ومستمرين.
محبة وسلام
#خال_الغلابة
BY إعلام الثورة السودانية
Share with your friend now:
tgoop.com/SuDanBuKraa/56656