لا تبذري مال زوجك

اصنعي الحلويات حسب قدرة زوجك بالموجود وبالقليل والبسيط تماما كما كانت أمهاتنا تفرح بالعيد ..

والله لن تنقص فرحة العيد إذا لم يكن فيها لوز وجوز وفستق.

وليكن هدفك إسعاد أسرتك فقط وليس ليقال أن حلوياتك هي الأحسن وسط جاراتك وقريباتك.
لا تضيعي فرحة العيد بالمفاخرة ولا تضيعي أفضل أيام العام بتتبع جديد الترندات في الحلويات.

صباح الخيرات علي ربات الاسرة المدبرات
اما المبذرات لا صباح لهن

#المطبخ_السوداني

فطوركم قراصة بدمعة او عصيدة بتتقيلة وملاح روب
قولو لي كذاب ☺️

#المطبخ_السوداني

نهاية معاناة الإمساك
النهاردة هنتناقش إزاى ممكن نساعد جسمنا فى تطهير وتنظيف القولون وعلاج غازات وأصوات البطن .
أشكال الإمساك المزمن :-
عدم القدرة على الإخراج بشكل طبيعى .
صعوبة فى الإخراج و قضاء وقت طويل بالحمام .
خروج الفضلات بشكل صلب ومتكتل مع الشعور بالالام .
وجود إنتفاخ وغازات مستمرة فى منطقة البطن .
عدم تناسب كمية الإخراج مع كمية الأكل المتناولة.
إيه هيه أسباب الإمساك المزمن ؟
١- أهم سبب طبعا دهون الكبد دهون الكبد بيدمر إفراز السائل المرارى فى القولون السائل المرارى ده شبه الصابونة اللى بيلين الأمعاء و يطهرها .
٢- أدوية الإكتئاب والحموضة .
٣- الإفراط فى تناول الملينات بيعمل كسل معوى .
٤- متلازمة القولون العصبى اللى بتاخده على أعصابك بيرد فى قولونك .
٥- الجفاف الشديد و عدم شرب الميه ولو شربت ميه بتنزلها من الكلى و القولون لا يستفيد منها .
٦- قلة الحركة ضعف الحركة مسبب أساسى للإمساك حركتك عاملة بالظبط شبه جهاز الطرد المركزى أو الغسالة اللى بيطرد الفضلات من النسيج .
٧- شرب القهوة بكميات كبيرة جدا القهوة فيها تانينات وبتدر البول .
العلاج النهائى للمشكلة دى ؟
١- بالنسبة لدهون الكبد رجاء تناول العرقسوس لو أنت مش مريض ضغط بإنتظام هيغسل دهون الكبد و لو أنت مريض ضغط تقدر تتناول الخردل يوميا و فيه نبات الجارسينيا جميل جدا وفعال برضه .
٢- القهوة متشربهاش الا بزبدة منها هتسد الشهية ومنها هتفوقك أكتر ومنها هتغذى خلايا قولونك و هتساعد على الإفراز المرارى أنا بشربها يوميا بمكعب زبدة طعمها رائع ياجماعة رهيب و بتفوق أكتر .
٣- كل تمر يوميا التمر و الزبيب و التين ممتازين كحلول جيدة فى تروية الفضلات بالمية .
٤- ضيف على الزبادى ملعقة كبيرة من النخالة أو الردة النخالة ألياف هتساعد فى بناء كتلة الفضلات و عندنا ألياف الإسبغول أو الجرى أبل دى ألياف ذائبه صافية تقدر تستخدمها يومى رائع وبنفتخر بالمنتج ده حقيقى فى مصنعنا الردة كانت بتستخدم فى شوى السمك عشان السمك مايلزقش فى الشواية نفس القصة تناولك الردة بيمنع إن الفضلات تلزق فى أمعائك .
٥- أوعى تنسى تناول زيت الزيتون يومى دا الضمانة الوحيدة إنك تقدر تنضف الكبد و القولون من الدهون الضارة و استبدالها بالدهون النافعة زيت الزيتون هوه شحم الأمعاء زى شحم تروس الماكينة .
٦- أمضغ كويس وحافظ على تناول الزبادى يوميا .
فى النهاية الإمساك علاجه الجذرى إنك تهتم بعلاج المعدة والكبد لأنهم أساس المشكلة مع تغيير نمط حياتك بتناولك الفواكه المجففة زى التمر والتين بإنتظام والألياف لضمان حجم جيد ورطوبة لكتلة فضلاتك .
دمتم بصحة ❤️
الدكتور أحمد أبو النصر .

#زيت_بي_ألف

عليك الله ادينا هنا زيت بي ألف .. وبتكون جايب معاك قارورة أو كباية .. ومرات كدا بديك الزيت في كيس .

مش دا البحصل في أي دكان في السودان؟
طيب دا زيت شنو؟ فول؟ سمسم؟ ولا هو زيت بتشيلو وخلاص !!

عزيزي المتابع ما اي زيت بطبخو بيو وما اي زيت بستحمل درجات الحرارة العالية ، وما اي حاجة يقولا ليك بتاع الدكان تصدقها.

في زيوت ما بتستحمل القلي ودرجة الحرارة العالية زي زيت السمسم مثلاً .. دا زيت غير مخصص للطبخ وبتحول لمواد مسرطنة .

لو انت في حته مافيها خيارات كتيرة وعايز حاجة للطبخ او القلي استخدم زيت صباح العادي دا او زيت دوار الشمس او الذرة .

لانه ببساطة دي زيوت معالجة ومخصصة للطبخ وبتتحمل درجة حرارة عالية وما بتحترق .. ومهما كانت درجة السوء الفيها والاضافات فهي زيوت معالجة مخصصة للطبخ ولا تحترق .

اما الزيت البدوك ليو بالرطل دا اذا كان زيت تقيل كدا ولونو اغمق من زيت صباح العادي دا زيت فول أو سمسم للأكل (فقط) وما بتحمل التحمير او الطبخ ودا بتعرفو من ريحتو .

أما لو كان لونو فاتح أو مافيه ريحة واضحة معناه دا زيت صباح او زيت ذرة وبتاع الدكان جايب ليو صفيحة وبديكم منها حتة حتة .. ما انت جايب ليو كباية يعمل ليك شنو يعني؟ .. ودا غالبا زيت مخصص للطبخ والقلي .

لو ما قدرت تميز وعندك ضعف في حاسة الشم او النظر جيب الزيت البريحك وجربو .. عمل فقاقيع ودخان ياعزيزي دا ما زيت بتحمل حرارة ودا زيت طعام (تختو فوق السلطات والاكل فقط)

الدخان والفقاقيع دي دلالة على الاحتراق ودا زيت ما مخصص للقلي والطبخ .

باختصار كدا

زيت الذرة - الفول المعالج(صباح) - دوار الشمس دي زيوت طبخ وقلي .

زيت الزيتون - السمسم - الفول (بتاع الرطل) دي زيوت للأكل فقط وقلنا لو شكيت اعمل ليها تسته .

أما زيت النخيل ودا بتلقاو في جركانات ملونة وفيو رواسب او ريحتو كعبه .. دا تدفقو في اقرب بلاعة واحتمال البلاعة زاتا تحتاج تسليك .. خليك انت دا .

واضح؟

#شكرا ♥️
#M7mmadfitness

الناس بتفتكر إن القلق دايما سببه "التفكير الكتير" أو "الضغوط النفسية" بس…
لكن في الحقيقة:
في نوع تاني من القلق… ملوش علاقة بالمشاعر، ليه علاقة بالجسم نفسه.

وده بيحصل جدا مع نقص الماغنيسيوم.

ليه بقى؟

لأن الماغنيسيوم معدن مهم جدا لراحة الأعصاب،
وظيفته الأساسية إنه يهدي الإشارات العصبية ويظبط ضربات القلب،
ويخلي الجهاز العصبي مرتاح وهادي.

لو نقص؟
الأعصاب تفضل مشدودة
ضربات القلب تسرع فجأة
العضلات تشد من أقل حاجة
تنميل في الأطراف
رعشة خفيفة
قلق داخلي غريب… حتى لو مخك صامت وهادي!
يعني تحس بجسمك قلقان… رغم إن دماغك مش بيفكر في حاجة مزعجة.

وده اللي بيخلي ناس تقول:
"أنا قلقان ومتوتر ومش عارف ليه!"
أو
"حاسس إن جسمي مش طبيعي حتى وأنا قاعد ساكت!"

💡 مصادر الماغنيسيوم الطبيعية:

المكسرات

الشوكولاتة الداكنة

السبانخ والخضار الورقي

البذور زي بذر الكتان وبذر دوار الشمس

الحبوب الكاملة

الموز

الأفوكادو

الخلاصة:
مش كل قلق = مشكلة نفسية
ساعات الجسم بيصرخ… لأنه محتاج معدن ناقص، مش جلسة فضفضة.

#الدكتور_ضياء_الدين

عاوز تنهى تعلقك و شهيتك نهائيا للحلويات و السكريات بسيطة عليك وعلى الليمون
ربنا أنعم علينا بخمس حواس تذوقية الحامض والمر والحلو و المالح و الأومامى الأومامى مذاق الطماطم الهدف من الحواس التذوقية إنك تدخل جسمك بإعتدال منهم جميعا و لكن بعض الناس تشتهى الحلويات السكر العيش المخبوزات الحلويات البسكويت أكثر من المنتجات الأخرى فينشأ أمراض مقاومة الإنسولين مثل مرض السكرى و الضغط و تصلب الشرايين و النقرس وطبعا زيادة الوزن .
المصريين القدماء كانو يعشقو الحوامض وحتى وقت قريب كنا ومازلنا نصنع مربى اللارينج وهو نبات حمضى جدا لأنه منشط غير عادى للحرق والأعصاب والطاقة . بالمناسبة اللارينج لمن لا يعلم هوه الأترج الذى حضرته زليخة لنسوة المدينة وقطعن أيديهن وهن يقشرونه .
ليه دايما بننصح الناس بالليمون خاصة صباحا ؟
الليمون مهدئ قوى جدا للأعصاب بيعملها توازن هيخليك تستحمل الناس على الصبح .
طيب يادكتور بشرب الليمون بيجيلى حموضة ؟
بسيطة جرب تضيف الزنجبيل الفريش فى الخلاط وأنت بتعمل الليمون الخلاط وحليهم بالعسل الفايدة هتكون ثلاثية ومش هتحس بحموضة نهائى و أنا فى الهند الهنود بيعملو شطة بالفراخ أو اللحم ركز فى كلامى إحنا بنعمل فراخ بالشطة هما بيعملو شطة أساسا دا الأساس ومعاها حتت فرخة كده ولا لحمة والشطة مش شطة عادية منبقاش هنود دى شطة على فلفل أسود على خردل على زنجبيل اللى كان بيكسر الخلطات الرهيبة دى هوه الليمون .شرب الليمون بيكسر فورا النباتات الطبية الحريفة دى فسبحان الله هما بيوزنو بعض ليمون مع زنجبيل مفيش حموضة ولا إحساس حرارة الزنجبيل ولا الشطة عشان كده بتلاقى شركات الشيبسى بيعملو طعم الشطة بالليمون مع بعض .
طيب يادكتور أكلت أكلة تقيلة وطبقت على نفسى ؟
إشرب ليمون الليمون معين على الهضم جدا وياسلام ليمون نعناع أخضر يبقا رائع رائع .
طيب عندى برد ؟
أبجديات حضرتك زود من شرب و أكل الليمون .
طيب أحسن تحضيره لليمون إزاى ؟
أكيد وبلا شك الليمون الخلاط المسمى بالليمونادة أو الليموناضة دى أبجديات مش الليمون المعصور طبعا ليه ؟
ياسيدى قشر الليمون فيه كمية لا بأس به من مادة الليمونين فى الزيت الطيار والزيت ده موجود فى غدد فى القشرة سكاكين الخلاط بتفرقع الغدد دى وبتطلع ليك المادة الخطيرة الرهيبة دى و هى لو تعلمون من المهدئات والمفرحات العظيمة مادة الليمونين من أساسيات صانعى العطور ف الله يسترك أشرب الليمون خلاط .
طيب يادكتور هل لديك أقوال أخرى ؟
أينعم إذا كنت ممن لديهم إرتفاع فى بلورات اليورك أسيد و الأملاح بالدم سواء بسبب النقرس أو أى سبب أخر فخير معين للكلى لإستئصال تلك السكاكين من جسمك وهى فعلا سكاكين تحت الميكرسكوب بتكون البلورات دى على شكل سكاكين ودا بالظبط المغص الكلوى آلم سكينة فى الجنب خير معين هوه الليمون فعال و رائع ونعمة كبيرة من نعم ربنا .
شير لغيرك وقوله ليمونة واحدة كفيلة إنها تحميك من البرد وضعف المناعة .
دمتم بصحة ❤️
الدكتور أحمد أبو النصر

واحد مرتو كرهتو كل يوم بتعمل ليهو كسرةقال ليها بكره لو جيت لقيتك عامله كسرة بطلقك تاني يوم أول ما جاء داخل قال ليها اها الليلة عاملة لينا شنو قالت ليهو كسرة قال ليها انتي طالق امشي بيتكم طلعت الشارع وجاتوبالشباك تبكي قالت ليهو قطعت معاها طماطم اجي راجعة😭😭😂💔

الجرجير واحد من أقوى الأكلات اللي ربنا خلقها لتنضيف الكبد ودعمه.
ليه بقى؟
لأن الجرجير (زي البروكلي وأفراد العيلة الكرنبية)
مليان مواد اسمها:
Glucosinolates
ودي لما الجسم يهضمها بتتحول لمواد نشيطة بتنظف الكبد، أهمها:
Sulforaphane
وده من أقوى مضادات الأكسدة وداعمي الكبد في التخلص من السموم.

يعني الجرجير بيساعد الكبد في:
تكسير السموم
طرد المخلفات
تنشيط إنزيمات الكبد اللي بتنضف الجسم
تقليل الالتهابات
دعم المناعة
تحسين الحالة الهرمونية

ومش بس للرجالة زي ما الناس فاكرة…
ده للرجالة والستات والأطفال والكبد نفسه بيحب الجرجير جدا!

ملخص الكلام:

الجرجير مش "خضار سندوتشات" وخلاص،
ده من حاجات الجسم السرية في التنضيف والدفاع.
#الدكتور_ضياء_الدين

الناس دايما أول ما تتكلم عن الحديد تروح تفكر في:
العدس
السبانخ
الملوخية
تفاح
عسل أسود

بس الحقيقة؟
ده كله حديد نباتي اسمه non-heme iron
وده الجسم بيمتصه بصعوبة جدا (يعني ممكن يدخل 100 يدخل جسمك منهم 5 بس!)

لكن الحديد اللي الجسم بيحبه ويمتصه بسرعة وكفاءة عالية؟
اسمه heme iron
وده موجود في البروتين الحيواني، وأغنى مصدر ليه على الإطلاق هو:

الكبدة البلدي
💡 تخيل بقى:
100 جرام عدس فيهم تقريبا 3 مجم حديد
لكن 100 جرام كبدة بلدي فيهم حوالى 20-25 مجم حديد!

يعني حرفيا الكبدة = 8 أو 10 أضعاف العدس في كمية الحديد…
وفوق ده الجسم بيقدر يمتصه أفضل 4 أو 5 مرات من الحديد النباتي.

وطبعاً فرق الامتصاص ده بيفرق أكتر مع:
الأنيميا
تساقط الشعر
تعب الجسم
الإرهاق
السيدات بعد الدورة
الحوامل
الأطفال

الخلاصة:
العدس مغذي… السبانخ مفيدة…
بس الكبدة = ملك الحديد الحقيقي.
#الدكتور_ضياء_الدين

أول ما تقول لحد عندة مقاومة إنسولين:
"هتاكل بطاطس وفول سوداني"
يبصلك بصة: يعني إنت عايز ترفعلي السكر أكتر ولا إيه؟!

لكن المفاجأة إن السر مش في البطاطس ولا الفول السوداني نفسهم...
السر في الكروميوم اللي فيهم.

إيه هو الكروميوم ده أصلا؟
ده معدن نادر جدا (Trace Mineral)
بس جسمك محتاجه علشان:
يساعد الإنسولين يدخل السكر جوه الخلايا
يحسن استجابة الجسم للإنسولين
يقلل مقاومة الإنسولين
يظبط السكر بعد الأكل
يقلل الشره والرغبة في السكريات
يعني حرفيا زي المفتاح اللي بيسهل شغل الإنسولين.

ليه بطاطس + فول سوداني مع بعض؟
▪️ البطاطس فيها نسبة كويسة من الكروميوم
▪️ والفول السوداني من أغنى المكسرات فيه
▪️ ولما الاتنين يتاكلوا مع بعض بيغطوا تقريباً 100% من الاحتياج اليومي للكروميوم بشكل طبيعي وآمن وبيساعد في تنظيم السكر بدل ما يلغبطه.

الخلاصة:
البطاطس لوحدها نشويات
والفول السوداني لوحده دهون صحية
لكن مع بعض = وجبة ذكية ل مقاومة الإنسولين
لأنها بتقدم مغذيات بتحسن تعامل الجسم مع السكر مش بتدمره.
#الدكتور_ضياء_الدين

أول ما تقول لحد عندة خمول فى الغدة الدرقية:
"هتاكل بطاطس و زبادى" عشان اليود
يبصلك بصة: يعني إنت عايز تعملى اية مش فاهم؟!

ليه اليود مهم لمريض الغدة؟
لأن الغدة الدرقية ما تعرفش تشتغل من غير يود.
اليود هو المادة الخام اللي الغدة بتستخدمها علشان تنتج هرموني:
T3
T4

يعني من غير يود؟
الغدة مش هتشتغل…
وحتى لو بتاخد علاج، جسمك مش هيعرف يستخدمه كويس لو في نقص يود.

طيب إيه علاقة الزبادي + البطاطس؟
المفاجأة إن الاتنين دول يعتبروا مصادر ممتازة لليود:

🔹 كوب الزبادي الطبيعي (مش المعلب)
فيه حوالي 50% من احتياجك اليومي من اليود
(لأنه مصنوع من اللبن، واللبن فيه يود طبيعي)

🔹 حبة بطاطس متوسطة بقشرها
فيها تقريبًا 40–50% من احتياجك اليومي برضه
خصوصا لو كانت مطبوخة بقشرها، لأن القشرة فيها جزء كبير من المعادن.

لما تجمع الاتنين في وجبة واحدة؟
تديك تقريبا 100% من احتياج الجسم اليومي من اليود…
بطريقة طبيعية، آمنة، ومن غير مكملات.

الخلاصة:
مش كل حاجة لازم تيجي من دوا أو ملح مدعم،
فيه أكل بسيط…
بس بيغذي الغدة "على مزاجها".

⛔"جميع الحقوق محفوظة. لا يجوز نسخ هذا المحتوى دون إذن."
#الدكتور_ضياء_الدين

الناس فاكرة إن السكر مشكلته بس في "انه بيرفع السكر في الدم"…
لكن الحقيقة؟
السكر الأبيض وأي سكر مكرر بيعمل خراب شامل في الجسم، حتى لو التحليل لسه بيقول "أنت تمام".

1. يرفع الالتهاب

السكر بيزود إفراز الإنسولين وبيعمل تأكسد جوه الجسم،
وده يخلي الجسم يفضل في حالة التهابية مزمنة، حتى لو مافيش مرض ظاهر.
والالتهاب المزمن ده مرتبط بـ:
تعب مزمن
صداع
أوجاع مفاصل
أمراض القلب
مقاومة إنسولين
أمراض مناعة ذاتية

2. يفسد الميكروبيوم (البكتيريا النافعة)

السكر بيغذي البكتيريا الضارة والفطريات، زي الـ"كانديدا"،
وده يخلي:
الهضم يتلخبط
القولون يتنرفز
المناعة تضعف
الجلد يتعب
ودماغك تسهى وتسرح

3. يطفئ التركيز والمخ

بعد ما السكر يطلع بسرعة الجسم يفرز إنسولين بسرعة السكر يهبط فجأة
فتدخل في حالة:
خمول
شرود ذهني
نسيان
تقلب مزاج
احتياج لحاجة حلوة تاني
وتدخل دايرة مفرغة اسمها "أنا عايز دايما حاجة مسكرة"
الحل البسيط؟

اوعى تقول "هقطع السكر طول حياتي"،
ابدأ بـ ٧ أيام بس… بدون سكر مكرر (ولا حلويات، ولا عصاير، ولا سناكس).
وشوف بنفسك الفرق في:
طاقتك
نومك
بشرتك
مودك
تركيزك

الخلاصة:

السكر مش بيزودك… ده بيسحبك لتحت وأنت مش واخد بالك.
٧ أيام من غيره = هتشوف نسخة أنضف من نفسك.

المشاركة مسموحة ( share) و لكن
⛔"جميع الحقوق محفوظة. لا يجوز نسخ هذا المحتوى دون إذن."
#الدكتور_ضياء_الدين

النحل زاتو ما اظن يقدر يعمل خلية زي دي 🤣
اريتة مراة السرور العملته 🙈

الناس فاكرة إن الدهون الحشوية مجرد "شكل مش حلو" أو "وزن زيادة"
لكن الحقيقه إنها من اخطر انواع الدهون في الجسم

ليه؟ لانها مش دهون ساكته
دي دهون نشيطه بتشتغل كأنها غده
يعني بتفرز مواد كيميائيه وهرمونات تؤثر على الجسم والمزاج

الدهون الحشويه بتفرز ايه؟

مواد اسمها "سيتوكينات التهابيه"
ودي بتزود الالتهاب المزمن في الجسم

والالتهاب المزمن ده مرتبط بشكل مباشر بـ:
الاكتئاب
التوتر
ضعف التركيز
تقلب المزاج
يعني الكرش مش بس بيسبب تعب في الحركه
ده كمان بيبوظ كيمياء المخ

والمفاجأه؟
ده ممكن يحصل حتى لو الكرش صغير
لان المشكله مش في الحجم
المشكله في نوع الدهون ومكانها

طيب نحلها ازاي؟
مش ضروري تبدأ بنظام قاسي
ابدا بالمشي يوميا 30 دقيقه
خفف السكر والنشويات
وادخل دهون صحيه زي زيت الزيتون والمكسرات النيه

الخلاصه:
مش دايما الحزن سببه نفسي
ساعات بيكون من كيمياء جسمك
و"الكرش" ممكن يكون مصدر صامت للاكتئاب

المشاركة مسموحة ( share) و لكن
⛔"جميع الحقوق محفوظة. لا يجوز نسخ هذا المحتوى دون إذن."
#الدكتور_ضياء_الدين

كل مرة تشتكي من قشرة الرأس؟
راجع أكلك مش الشامبو!
نقص البيوتين والزنك و اوميجا ٣ بيحول فروة شعرك لأرض عطشانة…
والحل؟ بيضة وسمكة، مش إعلان شامبو.انا بكلمك عن سبب من اسباب المشكله و لكن فية اسباب أخرى اكيد تانية
#الدكتور_ضياء_الدين

الناس بتدور على مكملات، وسايبة الكنز في التلاجة!
البيض البلدي فيه فيتامين A وD وكولين…
وصفاره مليان مضادات أكسدة.
بس لازم المصدر يكون مضمون…
مش بيضة جت من فرخة حزينة!
#الدكتور_ضياء_الدين