Шу кунларда Божхона қўмитаси Раиси Сурхондарё вилоятида бўлиб, туманларда инвестиция лойиҳаларининг ҳолати ва уларни амалга оширишда юзага келаётган муаммоларни бартараф этишга қаратилган турли учрашувлар ўтказмоқда.

Хусусан, “Термиз халқаро савдо маркази” эркин савдо зонасида бир гуруҳ тадбиркорлар, инвесторлар ва ташқи иқтисодий фаолият қатнашчилари билан очиқ мулоқот бўлиб ўтди.

Таъкидлаш жоизки, мазкур зона шунчаки савдо маркази бўлибгина қолмай, нафақат Ўзбекистон-Афғонистон, балки бошқа қўшни давлатлар ишбилармон доираларининг ҳам ўзига хос бизнес мулоқот майдонига айланиб бормоқда.

Шу боисдан ҳам марказда фаолият юритаётган тадбиркорларни ўйлантираётган муаммоли масалаларига тезкорлик билан ечим топиш ҳар жиҳатдан муҳим ҳисобланади.

Мулоқотда ҳар бир тадбиркорнинг мурожаати тингланиб, аксарияти қаноатлантирилди, бир қанчасига ҳуқуқий ечимлар кўрсатилди.

Таҳлилларга кўра, Сурхондарё вилоятида қиймати 1 млрд. АҚШ долларидан зиёд бўлган 73 та инвестицион лойиҳа устида ишлар олиб борилмоқда. Шундан 12 тасини жорий йилда ишга тушириш режалаштирилган ва бунинг натижасида 1,2 мингдан зиёд янги иш ўринлари яратилиши кутилмоқда.

Божхона қўмитаси Раиси вилоятнинг Термиз, Денов, Сариосиё ва Шеробод туманларида ҳам сайёр учрашувлар ўтказиб, тадбиркорлар билан яқиндан мулоқот қилди.

✔️"Термиз", "Денов", "Жарқўрғон" ва "Дарё порти" ташқи иқтисодий фаолият божхона пости ходимлари томонидан тадбиркорлар ва фуқаролар билан "Ўзбекистон Республикаси ҳудудига олиб кирилиши, олиб чиқилиши тақиқланган, чекланган ҳамда олиб ўтишда рухсатнома талаб этувчи товарлар" ҳамда "Ҳуқуқбузарликларнинг содир этилиши сабаблари ва уларга имкон бераётган шарт-шароитларни аниқлаш, ўрганиш ва бартараф этиш чоралари" мавзуларида профилактик давра суҳбати ўтказилди.

⏩Шунингдек, "Термиз халқаро савдо маркази"ташқи иқтисодий фаолият божхона постида божхона расмийлаштируви бўйича мутахассислар билан " Божхона юк декларацияси графаларидаги маълумотларни тўғри кўрсатишда эътибор қаратиш лозим бўлган жиҳатлар" мавзусида учрашув бўлиб ўтди.

☎️Тадбир сўнгида, иштирокчиларга қонунбузарлик ҳолатлари юзасидан Божхона қўмитасининг қисқа рақамли 11-08 ишонч телефон рақамига ва Сурхондарё вилояти божхона бошқармаси навбатчилик қисмининг (76) 228-24-51 рақамли телефонига қўнғироқ қилишлари мумкинлиги эслатиб ўтилди.

Божхона институти ҳақида ўқувчиларга маълумот берилди

Сурхондарё вилояти божхона бошқармаси ходимлари томонидан бошқармага бириктирилган Термиз шаҳридаги 18-сонли умумий ўрта таълим мактабининг 9-10-11 синф ўқувчиларига Божхона институтига ўқишга кириш учун қўйиладиган талаблар ва асосий йўналишлар хусусида давра суҳбати ташкил этилди.

Эслатиб ўтамиз, институтга ўқишга кириш учун аризалар 2025 йилнинг 1 январидан – 1 апрелига қадар қабул қилинади.

Номзодлар Сурхондарё вилояти божхона бошқармасининг қуйидаги телефон рақамига боғланишлари мумкин: (76) 228-24-51, (76) 225-26-05 (Ichki: 88-17, 88-18)