ЧАҚИМЧИ

Чақимчилар келса эшикни очманг. Уларнинг гапини эшитманг. Улар Иблиснинг элчиларидир. Кишиларнинг ўртасини бузишади. Қалбларга тафриқа солишади. Оловга мой сепишади. Ихтилоф қилишади Ўзингизга битта қоида қилиб олинг: "Ким сизга бировни чақса, сизни ҳам кимгадир чақади!".

Сиз йўқлигингизда айтилган бир ёмон гапни сизга келиб айтган киши, бировлар йўқлигида сиз айтган ёмон гапни ўша бировларга ҳам бориб айтади!
  
Инсонлар орасида келишмовчиликлар бўлиб туради. Хусумат пайтида инсонлар ўйламасдан нималар деб юборишмайди дейсиз. Ғазаб соатларида умуман қилмайдиган ишлари билан таҳдид қилишади, қўрқитишади. Ғазаб босилгач, яна тўғри йўлга қайтишади. Аммо чақимчи у гапни эшитиб олиб кўтариб юраверади. Натижада ҳал бўлай деб турган муаммо яна чигаллашиб кетади. Тозаланишига оз қолган қалб яна кина-адоватга тўлади. Яна кўнгил қолиш бошланади!

Тафаккур қилинг!

@Tafakkur3

Ижтимоий тармоқлардаги фаол эр ва хотинлар!

Айниқса эркак киши кўриб тафаккур қилсин!

@Tafakkur3

Ризқнинг кўринишлари

🔸Илм;
🔸Фарзанд, болалар;
🔸Қуръон қироати;
🔸Оила;
🔸Сиҳат- саломатлик, соғлик;
🔸Бўш вақт, фароғ;
🔸Мол-дунё, бойлик;
🔸Омонлик, тинчлик;
🔸Етуклик, камолот;
🔸Ейиш-ичиш;
🔸Ирода, ихтиёр, қатъият;
🔸Ҳикмат, заковат, донолик.

У Зот Раззоқдир, Каримдир. Унга ҳамд бўлсин, ва Унга шукр бўлсин!
“Албатта, Аллоҳ Ўзи кўплаб ризқ берувчи, қувват эгаси, шиддатлидир”, Зориёт сураси, 58 – оят.

▫️Изоҳ: “Ризқ” сўзи луғатда “улуш”, “инъом” каби маъноларни англатади. Истилоҳда, Аллоҳ ...

Тафаккур қилинг!

@Tafakkur3

Қуръонда "Яхшилик"  сўзи 167   марта ва "Ёмонлик" сўзи ҳам 167  марта такрорланган...

Баъзан кимгадир яхшилик қилсангиз,  эвазига юзингизга тупиришади,  сабабсиз четга суришади,  турли ҳил жазолар ўйлаб топишади...
Сиз эса бир четда юрак чангаллайсиз,  гавдангиз эгилиб катта сўроқ шаклига кирасиз:  "Нима учун?!"
"Қайси айбим учун?!"
Кейин кимдир келади,  сизни қўллайди,  ёрдам беради ва ҳеч қандай таъмасиз...

Шулар Аллоҳнинг нажот чопарларидир.
 
    Биласизми,  улар нега сизга ёрдам беришади?
Ўша яхшилик ва ёмонлик тарозисининг ўқи қийшаймаслиги учун,  ёмонлик ортиқ тош босмаслиги учун...
Агар сиз ҳам - айни дамда изтироблар ичида бўлсангиз,  яхшилиги унутилган, ўзи ҳам, исми ҳам ўчирилганлар  рўйхатда бўлсангиз, ташвишланманг, сабр қилинг...

Яхшилик дунёда қанча бўлса, ёмонлик ҳам ўшанча...

Яхшилик тутган чопарлар сиз томон шошганда, кимларгадир ёмонлик илинган йўқловчилар - меҳмон бу дамда...

Дунё шунақа!

Умму Зайнаб

Тафаккур қилинг!

@Tafakkur3

Машҳур голланд врачи Герман Бурхавенинг "Тиббиёт санъатининг ягона ва теран сирлари"номли китоби муаллиф ўлимидан сўнг 1738 йили 10000 доллар олтинга аукционда сотилган.

Бежирим безалган ва ғилофланган китоб очилганида унинг барча саҳифалари бўш эди.

Фақатгина илк саҳифасида шундай ёзилган эди:
"Бошингни совуқда қолдирсанг ҳам оёғингни иссиқ тут.Шундагина сен энг зўр врачларни ҳам камбағал қиласан".

Ҳозирги совуқ кунлар учун зўр маълумот экан.Бунақа ҳавода остида чўғли сандали бўлган юмалоқ хонтахта устига ёпилган оғир кўрпа атрофида исиниб ўтирган болалик кунларим эсга тушади.
Электр ўчган.

Шам ёруғида юзлар ғира-шира кўринади.Сандал остидаги чўғ устида қора қумғон шиғирлайди.
Гурунгнинг энг зўри шу пайтда бўлади…
Давронбек Тожиалиев.

@Tafakkur

#ибрат

Инсон пичоққа ўхшар экан...

Эшитинг ва тафаккур қилинг!

@Tafakkur3

СИФАТЛАР

Мен учун орият жамийки ижобий фазилатларнинг боши, ҳамиятсиз эркаклар менинг наздимда жамиятнинг энг қуйи қатлам вакилидирлар. Орият  -  эркакдаги рашк, масъулият, ғурурни шакллантириб ўстиради. Соҳибини ҳурматга, ишончга сазовор этади. Ишониш мумкин бўлган эркак билан ҳар қандай аёл ўзини бахтли, ҳимояланган ҳамда хотиржам сезади.

Нодон, саёз фикрловчи, бадгумон эркакка тоқат қилиш анчайин мушкул. Эркак жуфтидан кўра ақллироқ бўлиши лозим. Чунки ақлли эркак рафиқасининг нуқсонлари ва фазилатларини одилона баҳолай олади. Ва аёлининг ўзида бўлмаган, аёли нафратланадиган иллатлар билан туҳмат қилиб, аёлини қуюшқондан чиқаришга уриниб ҳузурланмайди. Оқил эркак билан муроса қилиш осон. У аёлига ҳеч нимани уқтиришига ҳожат қолмайдиган тарзда гўзал тарбия қила олади. Ундан инсонларнинг кўз илғамас ҳаракатларидан нима хоҳлашини билиш илмини ўзлаштириш мумкин. Аёл ҳам фаросатли бўлса нур устига нур...

Оқила аёл илми ва тақвоси ўзиникидан кучли инсонга ҳар доим эҳтиёж сезади. Умр йўлдоши камчиликларини тўлдиришини, салбий жиҳатларини тузатишида маломатчи эмас, холис ёрдамчиси бўлишини, билмаганларини ўргатишини истайди.

Эркаклардаги лафзига содиқлик, ҳаққонийлик, самимият фазилат тарозусининг тош босадиган палласидир.

Аммо, баъзида, ўта тўғрисўзлик нақ бошга битган бало бўлиши ҳам мумкин. Эркаклардаги бемаврид ростгўйлик аёлни ақлдан оздириб, муносабатларни чигаллаштиришга олиб келади. Бу гап ҳуда - беҳуда ёлғон сўзловчи каззоб, ёлғон топа олмай қолгандагина рост гапирувчи бетайинларни оқламайди. Муроса учун озроқ макр ишлатишни биладиган оила бошлиқларини айбламаса ҳам бўлади. Гарчи айрим ҳолларда айёрлиги билиниб турса ҳам, маломат қилишдан кўра кўриб кўрмаганга олиш фойдалироқ бўлиши мумкин.  Чунки одамзотга ҳар доим ҳам ҳақиқатнинг кўзига тик қараш осон бўлмайди.

Қолаверса ҳақиқат талашиш айрим вазиятларда  муносабатларни совутишга хизмат қилади холос.

Эркаклардаги таваккалчилик таҳсинга лойиқ. Таваккалчилик - эътиқоднинг даражасини белгилайди. Эътиқоди мустаҳкам инсон таваккулдан чўчимайди. Чунки Аллоҳга ишончи ва иймонининг кучи шу билан боғлиқ. Бундай инсонлар Аллоҳга ва унинг марҳаматига бўлган кучли эътиқодлари сабаб, қийинчиликлардан қўрқмайдилар ва шунинг ҳисобига аксарият,  йўллари очиқ ва омадли бўладилар.

Ота-онаси ва жигарларига меҳрибон эркаклар чексиз ҳурматга лойиқдирлар. Чунки меҳр-оқибат, қадр-қиммат тушунчаси аввало оиладан шаклланади. Аёли ёки ўзининг, ота-онаси ҳамда жигарлари билан муносабатларига совуқчилик тушишига имкон берадиган эркакларга ишониб бўлмайди. Чунки қайтар дунё бу. Қуш уясида кўрганини қилади. Фарзандлар тарбияси учун оқибатли, раҳмдил, виждонли, ҳалол ота ўрнак бўлиши жуда муҳим. Келажакда фарзандлар яқинлари ва атрофдагиларга нисбатан бемеҳр инсон бўлиб улғаймасликларида отанинг роли каттадир. Чунки силаи-раҳмга буюрилганмиз. Аллоҳнинг розилиги умидида аввало жигарларига мурувватли ва силаи-раҳмда бардавом бўлган эркакнинг топгани бу дунёси учун  баракали, охирати учун яхши заҳира бўлади.

Зотан, фарзандлар яхши - ёмон хулқни асосан ота-оналаридан ўзлаштирадилар.

Бу менинг оилавий муносабатлар учун ҳаётий кузатувларим асосидаги ҳайрли деб ҳисоблаган қарашларим.
Зеро, аёл жоҳила бўлса унинг тарбияси учун маҳрамидаги эркаклар масъулдир.
Яъни, битта аёл ўз амаллари билан 4 тоифа эркакни жаннат ёки жаҳаннамга олиб кириши мумкин. Булар отаси, ака-укаси, эри ва ўғлидир. Бир-биримизнинг жаннатга киришимизга сабабчи бўлишимизни насиб этсин.

Тафаккур қилинг!

@Tafakkur3

Бир куни вафот этасиз. Ўша кун оилангиздаги инсонлардан бошқа барча инсонлар учун оддий кундек кун бўлади. Одамлар ўз ташвишлари, ўйлари ва хаёллари билан яна яшашда давом этадилар.

Орадан бир ой ўтгач эса оилангиздагилар ҳам бунга кўникишади, сиз йўқлигингиз энди оддий ҳолга айланади, яна ҳамма ўз ишлари, ташвишлари билан кун кечира бошлайди.

Шунинг учун жамият мен ҳақимда нима ўйлайди, одамлар нима дейди, қўшнилар, қуда-анданинг олдида нима деган одам бўлдим деган гапларни унутинг. Ўз ҳаётингиз билан яшанг, ҳаётдан завқланиб яшанг.

Қолгани бекор, тафаккур қилинг!

@Tafakkur3

Сизда фаросат борми?

Фаросат илмидан сабоқлар.

Эшитинг ва тафаккур қилинг!

@Tafakkur3

Пирамида Маслоу. Яъни, психологлар томонидан инсон эҳтиёжларининг пирамида модели.😂

Тафаккури кенг инсонлар тушинади! 😁

@Tafakkur3

РИЗҚИМИЗНИ АЛЛОҲ КАФОЛАТЛАГАН

Ҳасан Басрий раҳимаҳуллоҳ айтадилар:
Қуръони каримнинг тўқсондан ортиқ ерида Аллоҳ таоло бандаларининг ризқини кафолатлаб қўйгани ҳақида ўқидим ва фақат бир еридагина: Шайтон сизларга фақирликни ваъда қилади, деганини ўқидим.
Фақат рост сўзловчи зотнинг тўқсондан ортиқ сўзига шубҳа билан қараб, ёлғончининг фақат биттагина сўзини тасдиқладик.
Аллоҳ таоло бирор нарсани кечиктирса, фақат яхшилик учун кечиктиради. Бирор нарсадан маҳрум қилса, фақат яхшилик учун маҳрум қилади. Сизни бирор мусибат билан синаб йиғлатса, билингки фақат яхшилик учун, бирор бало юборса ҳам, фақат яхшилик учун деб билинг. Ҳеч қачон маҳзун бўлманг, зеро ҳар ишда яхшилик бор. Ҳамма яхшиликлар қўлида бўлган зот Аллоҳ таолога ҳамду санолар бўлсин. У ҳар қандай ишга қодирдур.
Яна билингки, инсоннинг бахту саодати берилган неъматга шукр қилмоқликда, балоларга сабр қилмоқликда, гуноҳларга истиғфор айтмоқликдадир.

Тафаккур қилинг!

@Tafakkur3

#Bugun_ajoyib_kun

25-noyabr - bugun Xalqaro bir-biriga pul berish kuni ekan 💸🤝

Bu besh kunlik dunyoda bir-birimizga pul berib turaylik. Shunda oqibat uzilmaydi: tez-tez eslab, eslanib turasiz.

P/s. Tafakkur qiluvchilar uchun “Tafakkur egalari” kanalining adminlari bilan bu bayramni nishonlash mumkinligini eslatib oʻtamiz.

Iltimos, tashabbusimizni poraxo'rlar o'z bilganicha talqin qilishmasin! 😉😁

@Tafakkur3

#biz_zoravonlikka_qarshimiz

25-noyabr — Jahon hamjamiyati Xotin-qizlarga nisbatan zo‘ravonlikka barham berish kuni!

Bu sana har bir ayol e’zozlanadigan, so‘zi tinglanadigan, orzulari kelajak sari yo‘lga aylanadigan dunyoda yashashga loyiq ekani haqidagi navbatdagi eslatmadir.

@Tafakkur3

Манипуляция санъати.

Одамлар орасида хавфли ва сирли кўринишнинг 6 қоидаси.

Эшитинг ва тафаккур қилинг!

@Tafakkur3

1532 йилда Кахамарка жангида 80,000 инк жангчиларига қарши атиги 168 испан аскарлари уришиб, ғалаба қозонган. Испанлар 450 га 1 нисбатда кам сонли бўлса-да, юқори технологиялар, стратегия ва жипслашган ҳаракат орқали ғалаба қозонишган.

Аччиқ ҳақиқат шуки: агар жипслашган ҳаракатсиз, замонавий билим ва стратегиядан орқада қолсанг, қўлингда қанчалик кўп куч бўлмасин, қирилиб кетишинг мумкин. Инклар тарқоқлик, уюшмаганлик ва янги технологияларнинг аҳамиятини тушунмаслик оқибатида мағлубиятга учрашди.

Ҳақиқат доимо шиддатли: заифликни ўз вақтида англамаслик ҳалокатга олиб келади.

Энди сиз менга айтинг-чи, замонавий қуроллар билан қуролланган бир давлат бизга, очиқдан-очиқ, таҳдид солаётган бир пайтда биз нима билан шуғулланяпмиз?

Биз жипсмизми?

Биз уюшоламизми?

Фарзандларимизни янги технологияларни яратиш ва бошқариш бўйича ўқимаяпмизми?

Миллат зиёлилари бу ҳақида бот-бот огоҳлантирса нега уларга қулоқ солмаяпмиз?

Тарихни унутсак у қайтарилиши мумкин!

Тафаккур қилайлик!
@Tafakkur3

LIDERLIK PSIХOTIPLARI

Menejment, sotsiologiya va psiхoanalitika sohasida yetakchilikka oid tadqiqotchilarda bir qator lider psiхotiplari ajratib ko‘rsatiladi:

- rahbar – diktator;
- rahbar – avtoritar;
- rahbar – demokrat (kollegial);
- rahbar – liberal (direktiv, delegativ);
- rahbar – pessimist;
- rahbar – manipulyator;
- rahbar – tashkilotchi;
- rahbar – murabbiy (kouch);
- rahbar – vizioner;
- rahbar – inspirer (ilhomlantiruvchi).

Rahbarlarimiz tafakkur qilishsin!

@Tafakkur3