2024/10/4 تسعه و ستين يوم بدونك💔

2024/10/11 الجمعه
جانت الجمعه احلى يوم النه و تجمعنه هسه الجمعه فرقتنه💔هالمره اخر فراك هالمره لو رجعت اني ما ارجع💔خلص انتهت طاقتي و حيلي كرامتي هسه رجعتها بعد مادوس ع كرامتي و اضل وياك و انت تعوفني و متريدني💔دمرت روحي هوايه و اذيتني💔ما استاهل هالاذيه مسويتلك شي غلط بس بعدين حتحس شخسرت💔كسرت روحي حضل بركبتك ليوم دين💔
تعرف احس روحي بكابوس وحكعد منه ليوم حلمت بيك احنه سوه و جنه طالعين بستميه بس انت عفتني و رحت واني لحكتك و انت عفتني💔جان هالحلم اشاره حسيت حتعوفني و عفتني💔ليش حركت كلبي هيج؟ تدري بالغصه لبكلبي هسه تدري بالخنكه تدري داتعشه ويه اهلي و داختنك بدموعي كوه داضمها و اكلهم لا عطسه جلبت💔ليش لك ليش هيج سويت بيه؟💔
بس ماعرف عندي امل الله حيصلح وضعك و اسلوبك علمودي و يخليك ترجعلي و ترجع احسن من قبل و ترجع ثقتي بيك و اماني وياك و حيخلينه حلال بعض💔❤️‍🩹💜🫂بعدني ع هالامل لو وره سنين يمكن نرجع احساسي قوي ماضن حيغلط هالمره هالاحساس💔

هاي تاليها؟💔
بعد اسبوع يصيرلنه سنه ع اول مره شفنه بعض بيها💔

بكلبي نار و لكلام مدا يعبر عن لبداخلي لذلك ساكته
محاجتكمو بس مشتاقتلك كلبي طاك ع شوفتك وصوتك و ع ايامنه

مداصدك ولا مصدكه انو انت متحبني ومتريدني و بعتني و لكيت غيري مداصدك مستحيل ايامنه و ذكرياتنه و لشعور من نكون سوه و لحب ولكلام وبعددد غيرهممم التفاصيل ذني كلهم مستحيل تكون وهم💔

ثنينه نعرف احنه نعشق بعض مو حب عادي بس تصرفاتك و لسويته بيه ثبت للكل و خلاني اشك بمكانتي بحياتك خليتني بحيره شلون يحبني و هيج اذاني شلون يحبني و عافني؟💔شلون هنت عليه

دافتر بحساباتك و رقمك بلكي تلكه حسابي لو رقمي و ترفع لحظر و تفهمني ليش هيج سويت و ترجعلي حلالي الي و ملكي💔

يوميه والله والله والله يوميه احلم بيك من يوم لعفتني لليوم
مره احلم فتخت لحظر مره تحاجيني مره شوفني مره تزوجت و فتحت لحظر حته اشوف صورة زواجك و مره مشتاقلي و ندمان تريد ترجعلي💔
حتى بحلمي دانتظرك ترجع و ترجعلي و افز من لحلم ميته قهر اتمناه حقيقه كد ما شعور لحلم واقعي مدانساه💔

شايف من احلم بيك بادرت و رجعت و صلحت كل شي و صرت ويايه احسن باضعاف حتى من بدايتنه 💔 شايف شنو شعور انو اني ميته شوق الك مشتاقه اسمع حسك و نسولف مثل قبل و تحجيلي عن يومك و نفتح اتصال ونام و كل تفاصيلنه شايف من مشتاقتلك كومه و انام شويه و اشوفك بالحلم !!💔 افز من نوم نار بكلبي و روحي ادور بتلفون اكول بلكي لنهاية هي لحلم و لحلم واقع و احنه بعدنه سوه💔💔💔
لك نار شعلتها بروحي
ليش؟💔

مشتاقتلككككك متمنيه ولو بس اسمع صوتك💔

لفيس دايما يدزلي اشعارات بصورة حسابك رام الاشعار مو منك💔💔كانو لحياة حالفه تذكرني بيك كل لحظه💔

صار سنه ع اول لقاء يوم لي استاذ احمد طردني من لمحاضره ب6 لمغرب و مكدرت اوصل لاهلي ولا لاحد اتصلت عليك داسئلك عن رجل اختي اذا يمك باعتباره صاحبك و كتلي لا مو يمي بس اذا تردين اني اجي ارجعج مو مال تضلين وحدج بشارع لل8💔ناعرف شون قبلت كتلك لا تضل غريب ماكدر وانت لحيت و كتلي يله حاخذ لسيوره من اخويه بالقاعه و جايج
واجيتني بسرعه جنت خايفه و متوتره عد رجعتني و شفنه امي يم لباب كتلك لا تصير مشكله اذا شافتنه اني اكلها بعدين بس هسه لصير كدامها و ضليت خايفه و ارجف و انت ضليت تهدا بيه و وخرت من يم لبيت طبكت بركن لفرع و كتلك اريد مي حيوكف كلبي من لخوف و توتر شسويت اني شهالجفصه و لغلطه هاي انت نزلت للمحل جان بالفرع نزلت جبتلي مي و نمنم كتلي اهداي شويه ماكو شي خلنروح ناكل بمكان بين ما يخلص وكت لمحاضره لل8 حته اهلج ما يشكون كتلك لا بس انت لحيت كلت لعد خلنروح لصبيح ناكل موطه عسريع بين ما امج تبعد من لفرع و تكدرين تنزلين رحنه لصبيح اكلنه موطه و بطريق رجعه شفنهزحمامه ع سياره كدامنه جان توكع من سياره واني كتلك اوكف عسريع لا تندعم لحمامه نزات ركض عليها انت ضجت كلت غلط سويتي ناس هسه عبالهم سويتلج شي و نزلتي تركضين

عد اعتذرت و كتلك ما قصدي بس لحمامه خفت عليها تندعم هاي عالسده مهم وراها رجعتني و نزلت بركن لي بنص فرعنه يم كابينه لكهرباء حطيت لحمامه هناك و حطينالهه مي و رجعت للبيت
و بليل خابرتني حجينه عالصار و ع هاليوم و كتلي فرحت بشوفتي و مجان اكو داعي هلكد اخاف واني جنت ميته خوف و سمعت امي و صارت مشكله و حجيتلها كلشي و حاجتك امي وراها💔
صار سنه ع هاليوم💔بعد هوايه تفاصيل صارت بس تقريبا هاي جانت بداية القصه💔
شكد فرق بين خوفك عليه و اهتمامك بالبدايه و هسه💔

2024/10/18💔سنه ع اول لقاء صار بالصدفه سنه ع بدايتنه

حتبدي لذكريات ترجع من هاليوم و ذكريات يوميه بس كلها بدونك
قبل سنه انت ويايه بمثل هيج يوم و هالسنه وحدي💔

بس لو اعرف ليش؟
جنت وياك لبنيه ليتمناها كل رجال بريئه نظيفه محبه بصدق وفيه صادقه تهتم من تحب تكون مستعده تسوي لمستحيل لخاطر لشخص لتحبه تبالا بحبها و اهتمامها تحير شلون تفرح لتحبه تتكطع و تنقهر كلش من تغيب عنها لو شوبه و تضل خايفه عليك بشغلك و بيومك ومن تغيب اذا صار ايشي برا ولو حتى صارت حرب تعوف لكل واول شخص تسئل عليه و تتواصل وياه انت فضلتك عالكل حتى ع نفسها ما تدور سوالف لي تثكل روحها عليك ع طبيعتها و عفويتها ما كل مصار موضوع تحط لكرامه و لكبرياء عافتهم ت جنب وياك نطتك لرص و حاولت وياك و تحملت ماكو بنيه تتحمله ... تحملت تنطيك فرصه و تضل وياك مثل ما هي و حبتك اكثر بعد و هتمتلك اكثر بعد و حاولت ترجعك من شافتك تريد ترجع تحملت لي ماكو بنيه تتحمله لعفت من اول مشكله و تزوجت غيرها رجعت و كلت غلطان و تهورت و سامحتك و نطتك فرصص مو فرصه و فوك كل لاذيه لتحملتها منك تجازيها كل مره بالتخلي بالاهمال بالبعد تخليها دايما وحدها من تحتاجك تخليها بحيره اذا صدك تحبها لو لا و كل متزعل منك هي تراضيك مفد يوم خلتك تراضيها و لبستك لما تصالحها تزعل منك و تخاف لا تزعلك جنت ااذي روحي و بجي و قهر و هموم و تفكير و غيره و كبرياء و الم و نار بالقلب تحملتهم بس حتى ما تعوفك انتظرتك تصلح غلطك و تعوف لما تريدها حتى ترجع للتحبها بس استمريت بالغلط اكثر ع ما بيدك شي ولا كانو انت لرجال و كل شي بيدك ما تريدها تعوفها و ترجع للتريدها صدك لو صدك تحبببب💔اذيتها كسرتها دمرتها خربت حياتها خليت وصمه عليها انو هي صاحبة تجربه كرهتها بنفسها تعبتها هلكتها هملتها هانت عليك اذيتها منك رغم كل هذا هي تحبك و متفهمتك و تحاول تصدك ودكول ميخالف لظروف حكمت قدر و مكتوب ... بس انت محسيت بيها انت ما بادلتها هالحب والاهتمام انت جنت بشغف لبدايات و بعدين صرت اذيه الها وهي لي دامتلك ع نفس طبعها و حبها و تعاملها ما تغيرت ولو شويه رغم هي لتاذت منك💔رغم اذيتك الها جانت متحس بالراحه الا من تحاجيك وياك تنسه دنيا تفصل تن لعالم تبطل تفكر بعقلها تبطل تفكر بالصح والغلط كل ليهمها ضل يمها للابد💔وين تلكه لتحبك كدي شسويلك بعد اكثر؟
جنتلك مل شي وانت جنتلي اذيه ما بعد لحب💔😔

الليل مديخلص ومدا يكضى بلياك ارجععععع كلبي حيطك عليك والله مشتاقه احاجيك💔

لو تدري حجم لوحده و لتفكير لعايشته هسه و شكد كارهه الليل و الحياة!!💔💔
ليششششش لك ليششش
جنت احن بشر و حبيتك و جنت زينه وياك اتعبك اضوجك احجيلي كلي مو دير وجهك و تعوفني وحدي هيج
حلو هسه لسويته؟؟؟ حلو من خليتهم يكلولي لعشتي وياه عاشه ويه هوايه قبلج و عادي كضه وكت وياج و عافج بالاخير ما اخذج حلاله كلمن ياخذ من ثوبه ما والمتي
زين ليش؟ليش ما والمتك ليش اجيتني اذا مافيدك؟ليش اني من بين كل هالبنات؟ليش خذت غيري لاخذتها شنو لبيها وما بيه شو احسن منها وياك شو حبيتك و جان خذنه بعض عن حب بشنو قصرت وياك؟💔اصلا من اول فىاك ليش عفتني؟ليش خذلتني ليش هنت عليك؟