tgoop.com/Third_medical_year/1456
Last Update:
السلام عليكم ورحمه الله وبركاته.
بالله وصلو الرسالة هادي لأي حد يقرا سنة ثالثة او علي مشارف انه يقراها .
سنة تالثة بالنسبة ليا هي السنة الذهبية واللي تقدر اتدير بيها تغيير يعود عليك بالنفع بعد تخرجك .
هي صح ماهياش بالسنة السهلة خاصة السيمستر اللي كل مواده رقم 2 ..باتو 2 فارما 2 ....الخ .
خلونا في موضوعنا دكاترة ماتخلوش كل الوقت كله كله لقراية الطب بس .
حاولو تطلعو اتديرو شيء تاني في حياتكم
خطوة انك تدرب في صيدلية وتبدا اتدخل الخدمة ك روتين حت يومين بس في الاسبوع برضو شيء حلو .
تقوي انجليزيتك ..شيء مهم جدااا وحتلقاه اول ماتتخرج .
تفكر بجدية انك تتعلم لغة ثانية غير الانجليزي ..ألماني فرنسي .
باهي مافيش وقت ! انت اصنعه الوقت
في كتاب اسمه العادات الذرية
يركز كلامه بما معناه ان القليل المستمر خير من الكثير المنقطع .
يعني تأخد حتى نصف ساعة يوميا تقوي فيها انجليزيتك او تتعلم لغة تانية حتفرق معاك هلبا نهاية السنة وتكمل اول مستوى في اللغة بالراحة .
تتعلم اسلوب حياة جديد ..واتدخل الرياضة كجزء أساسي منه .
تقرا أدب عربي وكلام للأمام الشافعي ..مش كل شيء علمي علمي .
ماتهجروش القرأن الكريم واصلو ولو بقصار السور .
سورة البقرة اللي هيا أطول سورة في القرأن .
في البداية حتأخد منك من 50 د الى ساعة ولما تحفظها تبدا تأخد منك في 40 د فقط
وحتشوف فوائدها اللي حتحس بيها
عندي أفكار تانية مازال لما نتذكرها تو نكتبها .
ان شاء الله ربي يوفقنا ويوفقكم .
د أميرة الفرجاني
BY 3rd & 4th medical year 🌹
Share with your friend now:
tgoop.com/Third_medical_year/1456