🔴 Италиялик тадбиркорлар билан халқаро ҳамкорлик

📌 Фармацевтика тармоғини ривожлантириш агентлиги ва Италия тадбиркорлари вакиллари ўртасида учрашув бўлиб ўтди, унда Ўзбекистон фармацевтика ва косметика саноатини ривожлантириш имкониятлари муҳокама қилинди.

✅ Инвестиция муҳити, инфратузилма ва халқаро бозорларга чиқиш истиқболларига алоҳида эътибор қаратилди. Томонлар келгусида ҳамкорлик қилиш ва тегишли меъёрий-ҳуқуқий механизмларни ривожлантиришдан ўзаро манфаатдор эканликларини билдирдилар.

✅ Учрашув конструктив руҳда ўтди ва халқаро шериклик учун янги қирралар очди.

Website | Telegram | Instagram | Facebook | Youtube

🔴 IV Тошкент халқаро инвестиция форуми

📌 IV Тошкент халқаро инвестиция форумининг асосий воқеаларидан бири - Ўзбекистоннинг саноат ва инвестиция салоҳиятини намойиш этувчи биринчи Миллий кўргазма бўлди.

✅ Кўргазма доираси 40 дан ортиқ панель сессиясилар ташкил этилди. Шулардан бири - Кейинги авлод фармацевтика маҳсулотлари: келажак технологияларига сармоя киритиш мавзусида бўлиб ўтди.

✅ Тадбирда қуйидаги иштирокчилар ўз тақдимотлари билан қатнашдилар:

➡️ Маърузачи ва Модератор - Алириза Хагиги, Гарвард тиббиёт мактаби Халқаро генетик касалликлар маркази асосчиси ва бош ижрочи директори - Геномиканинг янги дори воситалари яратишдаги ўрни тўғрисида тақдимот қилди.

➡️ Ойбек Элмуратов, Фармацевтика тармоғини ривожлантириш агентлиги директори ўринбосари - Ўзбекистоннинг фармацевтика тармоғи ва хорижий инвесторлар учун яратилган шароитлар тўғрисида тақдимот қилди.

➡️ Че Суик, Unimed Pharmaceuticals директори - Плацента асосида олинадиган дори воситалари ишлаб чиқариш тўғрисида тақдимот қилди.

➡️ Мурат Баттал, Battal Holding таъсисчилари ва директорлар кенгашининг ваколатли вакили - Компания томонидан Ўзбекистонда амалга оширилаётган лойиҳа тўғрисида тақдимот қилди.

➡️ Сарфараз К. Ниёзи, РНА Therapeutics компаниясининг бош ижрочи директори - РНК асосида ишлаб чикариладиган препаратлар тўғрисида тақдимот қилди.

➡️ Анастасия Круглова, IQVIA Eurasia кластери бош директори - Ўзбекистондаги янги биотехнологик препаратлар ишлаб чиқариш тўғрисида тақдимот қилди.

Website | Telegram | Instagram | Facebook | Youtube

🔴 Ўзбекистон ва Словения фармацевтика соҳасида ҳамкорликни мустаҳкамламоқда

📌 2025 йил 11 июнь куни Фармацевтика тармоғини ривожлантириш агентлиги директори Абдулла Азизов ва Словениянинг "Marifarm" компанияси вакиллари ўртасида учрашув бўлиб ўтди.

✅ Учрашувда томонлар Ўзбекистонда фармацевтик маҳсулотлар ишлаб чиқариш ва эко йўналишдаги қўшма лойиҳаларни амалга ошириш имкониятларини муҳокама қилдилар. Хусусан, ўсимликлар асосидаги замонавий дори воситаларини маҳаллийлаштириш, технологик ҳамкорлик ва маҳсулотларни халқаро бозорларга чиқариш масалаларига алоҳида эътибор қаратилди.

✅ Учрашув ўзаро манфаатли ҳамкорликни ривожлантириш, маҳаллий ишлаб чиқариш салоҳиятини ошириш ва Ўзбекистон фармацевтика бозорини янада диверсификация қилишга қаратилган муҳим қадам бўлди.

Website | Telegram | Instagram | Facebook | Youtube