📌 Сучжоу шаҳридан келган тадбиркорлар делегацияси билан учрашув бўлиб ўтди

🔴 2025 йил 5 июль куни Фармацевтика тармоғини ривожлантириш агентлиги директори Абдулла Азизов Хитой Халқ Республикасининг Сучжоу шаҳридан ташриф буюрган тадбиркорлар делегациясини қабул қилди. Делегацияга Сучжоу Савдо Бошқармаси директори Жен Хуанг раҳбарлик қилди.

✅ Учрашув давомида агентлик директори томонидан делегация аъзоларига «Tashkent Pharma Park» фармацевтика кластери лойиҳаси, унинг инфратузилмаси, яратилаётган имкониятлар ва хорижий инвесторлар учун назарда тутилган қулай шарт-шароитлар ҳақида батафсил тақдимот ўтказилди.

✅ Мулоқот чоғида қуйидаги масалалар юзасидан фикр алмашилди:
➡️ «Tashkent Pharma Park» фармацевтика кластери ҳудудида ташкил этилаётган кўп тармоқли клиника, вивариум ва илмий-тадқиқот маркази (R&D);
➡️ Қон плазмаси соҳасида ҳамкорлик истиқболлари;
➡️ Солиқ ва божхона имтиёзлари, шунингдек ҳудудий преференциялар.

✅ Хитойлик меҳмонлар тақдимот учун миннатдорчилик изҳор этиб, фармацевтика соҳасида тадбиркорлар учун яратилаётган шароит ва имкониятларни юқори баҳоладилар.

✅ Учрашув якунида томонлар ўзаро ахборот алмашинувини йўлга қўйиш ва келгусидаги мулоқотни давом эттириш бўйича келишиб олдилар.

Website | Telegram | Instagram | Facebook | Youtube

📌 "Qatar Pharma" компанияси вакиллари билан видеомулоқот ўтказилди

🔴 2025 йил 7 июль куни Фармацевтика тармоғини ривожлантириш агентлиги директори Абдулла Азизов ва Қатарнинг "Qatar Pharma" компанияси ўртасида видео-конференц алоқа форматда учрашув бўлиб ўтди. Мулоқотда компания томондан Бош директор доктор Абдул Ҳалим Жаффар раҳбарлик қилди.

✅ Мулоқот давомида агентлик томонидан "Tashkent Pharma Park” инновацион илмий-ишлаб чиқариш фармацевтика кластери, унинг инфратузилмаси, кластер асосидаги ёндашуви ва давлат томонидан фармацевтика соҳаси учун яратилаётган ҳуқуқий ва институционал имкониятлар тўғрисида тақдимот ўтказилди.

✅ "Qatar Pharma" вакиллари Ўзбекистон бозорига катта қизиқиш билдириб, минтақавий истиқболларни муҳокама қилдилар. Суҳбат якунида томонлар ўзаро ахборот алмашинуви ва келгусидаги ҳамкорликни ривожлантириш борасида келишиб олдилар.

Website | Telegram | Instagram | Facebook | Youtube

📌 Маҳаллий ишлаб чиқарувчилар фаолияти ўрганилмоқда

🔴 Фармацевтика тармоғини ривожлантириш агентлиги директори Абдулла Азизов маҳаллий фармацевтика маҳсулотлари ишлаб чиқариш салоҳиятини ўрганиш ва тадбиркорлар билан очиқ мулоқотни йўлга қўйиш мақсадида жойларда қатор ишлаб чиқарувчи корхоналарда бўлди.

❗️ Навбатдаги учрашувлар "Ziyo Nur Farm" ва "ТСМТ" корхоналарида бўлди. "Ziyo Nur Farm" корхонаси маҳаллий дори воситалари, биологик фаол қўшимчалар ва косметика маҳсулотлар ишлаб чиқаради. "ТСМТ" корхонаси замонавий тиббий техника ишлаб чиқариб келмоқда. Ташриф давомида корхоналардаги технологик жараёнлар, қўлланилаётган замонавий ускуналар, сифат назорати тизими ҳамда ички ва ташқи бозорга етказилаётган маҳсулотлар тури кўздан кечирилди.

✅ Учрашувлар чоғида маҳаллий ишлаб чиқаришни янада кенгайтириш, маҳсулот турларини диверсификация қилиш, экспорт йўналишларини ривожлантириш, шунингдек, сертификатлаш ва халқаро стандартларга мослашишда юзага келаётган муаммолар муҳокама қилинди.

✅ Агентлик директори корхоналар раҳбарияти ва мутахассислари билан суҳбатда маҳаллий ишлаб чиқарувчиларни қўллаб-қувватлаш, соҳага инвестиция жалб қилиш ва уларнинг рақобатбардошлигини ошириш устувор йўналишларидан бири эканини таъкидлади.

✅ Шунингдек, Агентлик масъуллари билан ҳар бир корхона фаолияти юзасидан ҳамкорликда аниқ таклиф ва тавсиялар тайёрланиб, амалий ечимлар ишлаб чиқилиши белгиланди.

Website | Telegram | Instagram | Facebook | Youtube

📌 “Made in Uzbekistan” халқаро кўргазмаси ИННОПРОМ-2025 доирасида ўз ишини бошлади

🔴 Жорий йилнинг 7-10 июль кунлари Россия Федерациясининг Екатеринбург шаҳрида бўлиб ўтаётган “ИННОПРОМ-2025” халқаро саноат кўргазмаси доирасида “Made in Uzbekistan” миллий стенди ўз ишини бошлади. Ушбу нуфузли тадбир Ўзбекистон саноати ва инновацион салоҳиятини халқаро майдонда намойиш этиш, янги ҳамкорлик алоқаларини ўрнатиш ва ташқи бозорларга чиқиш имкониятларини кенгайтириш мақсадида ташкил этилмоқда.

✅ “Made in Uzbekistan” миллий стендида юртимизнинг турли тармоқларини намойиш этувчи корхоналар иштирок этмоқда. Хусусан, фармацевтика соҳасига ихтисослашган 5 та етакчи компания ўз маҳсулотлари ва илмий-ишлаб чиқариш ишларини тақдим этмоқда. Улар томонидан ишлаб чиқарилган юқори сифатли дори воситалари ва замонавий технологиялар кўргазма иштирокчилари ҳамда халқаро ҳамкорлар томонидан катта қизиқиш ва эътирофга сазовор бўлмоқда.

✅ Кўргазма доирасида ўзбекистонлик компаниялар томонидан бир қатор экспорт шартномалари имзоланиши режалаштирилган бўлиб, бу мамлакатимиз маҳсулотларининг ташқи бозордаги рақобатбардошлигини янада оширишга хизмат қилади.

Website | Telegram | Instagram | Facebook | Youtube