tgoop.com/ValeriNikolaev/2478
Last Update:
Аҕа дойду бары көмүскээччилэрин, эр хоһууннарын, Улуу сэрии ветераннарын, бойобуой киирсиилэр кыттыылаахтарын, анал байыаннай дьайыы буойуттарын Аҕа Дойдуну көмүскээччилэр күннэринэн "Үөһээ Бүлүү улууһа" муниципальнай оройуон дьаһалтатын аатыттан уонна тус бэйэм ааппыттан эҕэрдэлиибин.
Бүгүн - эр санаалаах, тулуурдаах, дуулаҕа дьулуурдаах, дойду уонна дьиэ кэргэн эрэллээх тирэхтэрэ буолар дьиҥнээх эр дьон бырааһынньыктара.
Хас биирдии эр киһи туох дьарыктааҕыттан тутулуга суох Аҕа дойдутун көмүскүүр эбээһинэстээх. Ол иһин бу күн үгэс быһыытынан Арассыыйа эр дьонун барытын чиэстиибит. Бүгүн биһиги байыаннай сулууспалаахтарга – гражданнар нус-бааччы олохторун көмүскэлигэр турар, түптээх олохпутун араҥаччылыыр, дойдуга куттал суох буолуутун хааччыйар хорсун-хоодуот дьоммутугар ураты махталбытын тиэрдэбит!
Бу күн биһиги чуолаан Үөһээ Бүлүү улууһуттан анал байыаннай дьайыы хонуутугар хорсуннук дойдубутун көмүскүү сылдьар буойуттарбытыгар махтанан тураммыт, бэлиэ күнүнэн эҕэрдэлиибит!
Бигэ, чөл туруктаах буолуҥ, чэгиэн буолуҥ! Кыайыыны-хотууну, табыллыыны, ситиһиини баҕарабыт!
Эҕэрдэни кытта, Үөһээ Бүлүү улууһун баһылыга В.В. Николаев.
T.me/ValeriNikolaev
BY Валерий Николаев, Глава Верхневилюйского района
Share with your friend now:
tgoop.com/ValeriNikolaev/2478