Прыкладна такім будзе новы помнік у Лідзе! Сёння завяршыўся конкурс эскізаў помніка паэту Валянціну Таўлаю. Паказальна, што вынікі мы падвялі ў доме каля замка, дзе некалі жыў паэт.

З васьмі эскізных праектаў мы вызначылі той, што стварыў скульптар Сяргей Логвін. Па задумцы аўтара, Валянцін Таўлай трымае ў руках газету "Уперад" (цяпер "Лідская газета"). Праект яшчэ абавязкова будзе разгледжаны на рэспубліканскiм мастацка-экспертным савеце па манументальным мастацтве.

Помнік будзе служыць нам напамінам аб тым, што на нашай зямлі ёсць выдатныя асобы, якія ўзбагачаюць нашу культуру і гісторыю. Чакаецца, што скульптуру зробяць у бронзе, і яна стане ўпрыгожаннем паркавай зоны на скрыжаванні вуліц Таўлая і Качана. Адкрыццё новага помніка прымеркавана да правядзення ў Лідзе Дня беларускага пісьменства.