tgoop.com/WAiomAill/849
Last Update:
فزاعية للأمام حسن العسكري(ع)
"""""""""""""""""""""""""""
سامره تون عالمات مسموم
ابو المهدي گظه والحيل معدوم
"" "" "" "" "" "" "" "" "" ""
ابو المهدي گظه وحيله تراده
گومو للحسن يالله يا ساده
الليله الولي امفارگ اولاده
والقائم ينوح ويبچي بدموم
✍# أم علي الحلفي
"""""""""""""""""""""""""
بجه دم لمصاب الوالد الغالي
صاح بصوت من غيرك الي والي
كلبي مرمريته وتاهت احوالي
عل فراكك يبويه كلبي مجسوم
✍الشاعره حسينية الهوى
زهراء الحربي
"""""""""""""""""""""""""
على فراكك يبويه الكلب حزنان
صفت روحي نحيله وحيلي عدمان
تسيل دموع عيني الفكده نهران
وعلى فكدك يبويه حيل مالوم
✍ أزهار جبار الجياشي
"""""""""""""""""""""""""
عل فكدك تهل ادموع العيون
شكد غالي علينه فراكه ميهون
ارتجت الارض ظل محزن الكون
وين الي حضر ويواسي،هاليوم
.✍مريم العبوديه أسيرة الاحزان💔
"""""""""""""""""""""""""
وين الي يواسي اليوم ويانه
وامصاب الحسن ياويلي بجانه
من سمو دليله سمو احشانه
ضل محزن عليه المهدي ملجوم
✍علويه ام فاضل
"""""""""""""""""""""""""
ملجوم وحضر هاي الرزيه
على المسموم يبجي هالمسيه
نلطم حيل ونواسي الزجيه
اويلي عل الحسن المات مظلوم
✍ #ايمان ناصر الزهيري
"""""""""""""""""""""""""
على المسموم ياويلي والف حسره
يون المهدي لمصابه ويسجب عبره
شلون بهل المسيه من حفر گبره
عليه اتراكمن هليوم الهموم
✍ام زهراء الزيداوية البصراوية
"""""""""""""""""""""""""
تمت
✍✍ باأقلام خادمات اهل البيت عليهم السلام
نسألكم الدعاء
https://www.tgoop.com/WAiomAill
BY الشاعرة أم علي الحلفي
Share with your friend now:
tgoop.com/WAiomAill/849