tgoop.com/WWWasela33/27757
Last Update:
▪️طور الطويرجاوي -النويني
صاحت يبو اليمه ابدمع جاري
يخويه المن أسكّت لو أباري
بناتك زيِّدن عگبك مراري
لوتدري اشكم طفل عگبك تيتّم
وجاء أحد الأشخاص من معسكر ابن سعد ودنا من المخيّم, قالت: يا هذا ماذا تريد؟ قال: لقد أرسلني ابن سعد لحراستكم, قالت: أَوَ بعدَ عين أبي عبد الله وأبي الفضل أنت تحرسنا؟! توجّهت إلى جهة النجف إلى أبيها أمير المؤمنين.
▪️فائزي
حول الخيم لنها تشوف يحوم خيّال
ضاگت عليها الواسعه وصاحت ابولوال
جنّب يفارس چان جيتك تطلب المال
نهبوا الخيم والنّار ما بگت بگيّه
أمّي الزّهرا ودعوتي لازم مجابه
وجدّي رسول الله وانا روح النّجابه
وصدّت تحن صوب النّجف صاحت ييابه
ابهالحال يا حيدر ولا تنتغر ليّه
حيدر أبويه اللي يدير الفلك بيده
وانا العزيزه شلون خلاّني وحيده
چي ما درى ابزينب ابهالحاله الشّديده
ولنّه يناديها يَزينب يا زجيّه
انا يَزينب والدچ واسمع اعتابچ
وكلّه نصب عيني يَمحجوبه مصابچ
يعزيزة الزّهرا الگضا للطّف جابچ
صبري يَبنتي واحمدي رب البريّه
▪️طور الطويرجاوي
بويه عليَّ الليل هوّد
وشيّال حملي راح وبعد
بالحسين هالعندي مدّد
وآنه حرمه وغريبه مالي أحد
بيمن يبويه القلب يضمد
وبن والدي العباس ما رد
https://youtu.be/_VRBrY56LY0?si=v05aoOnznYcfAhX5
وفي هذه الليلة افتقدت الحوراء زينب عليها السلام الرباب زوجة الإمام الحسين عليه السلام, الإمام الحسين (ع) فأخذت تبحث عنها بين النساء فلم تجدها, فنزلت إلى ساحة المعركة, (رباب أين أنت؟) لعلّها تجدها عند جسد الحسين عليه السلام, فلمّا صارت قريبة من الجسد
https://youtu.be/NAPbvrDuoJA?si=X46YqYvrlhTTEDvA
▪️طور السيد هادي طويرجاوي🔺
سِمعتَهْ يُوِن وتقرّبت لِيه
وشفت الولي متوسد ايديه
ولقيت ألف وتسعمية جرح بيه
ماهو جرح واحد حتى أداويه
أشّدن ياجرح ياجرح أخليه
يگلهة يزينب كل جرح بعضاي عوفيه
بس جرح اللي بقلبي عينچ عليه
اويلي شلون ردت گاطعه الياس
من شافت عزيز امها بلا راس
▪️السيد هادي الوداعي /١٧
مالي غيرك...يا حبيب أمي الزچيه
مالي غيرك...يالچنت خيمه عليه
مالي غيرك...يا دمع عيني الجريه
ياخليصي هذي تاليها الخوه
ياخليصي تدري الشمر بيه اشيوه
ياخليصي سوطه على امتوني تلوه
وبعد ياشيعه شنهو شكاية زينب
▪️طور الوداعي ١٨
الخیم یحسین محروگه
وانه هود علیه الليل
وراسک راح للکوفه
و جسمک رضرضنه الخیل
رضيت بليلة العشره
شدايدها ولا دامت
و چم مرت عليِّه الليال
مني العين ما نامت
و وين النوم و القعده
وهاي أيتامكم هامت
شي ماتت من الروعه
وشي ضلت تحن بالويل
نص الليل يابن امي
ولن طفله فقدناها
اثاري فرت ابدهشه
تحوم وماحد اْوياها
اووحدي أطلعت ادورها
ودور وين ملفاها
وشفتها اْوياك ممتده
وعلى خدها دمعها يسيل
سمعت أنيناً وحنيناً, فعرفت زينب أنّها الرباب, قالت: رباب! ما الذي جاء بك إلى هنا؟! قالت: يا بنت رسول الله, إنّه لمّا أباح لنا القوم الماء درَّ اللبن في صدري فجئت لأرضع ولدي..
يبني يعبد الله اعلى فرگاك
يا دين گلي لحرمله وياك
صبري انفنى ودرّن ثداياك
للماي حين اشبحت عيناك
▪️طور الفراق
يمه يمه .. بالسهم مقطوع نحري
يمه يمه .. بس ابويه حسين يدري
يمه يمه .. شافني ودمعاته تجري
يارضيعي .. اقعد اشرب ماي عيني
يارضيعي .. بالألم لا تخليني
يمه صبري .. تشوفي راسي بسمهريه
يمه صبري .. تدوس صدري الأعوجيه
بعد عند زينب عتب عند كافلها شتگول
▪️طور السيد هادي درويش
إسمع عتابي … سلبوا حجابي
آه يا مصابي … خيامي احرقوها
ترضاها ليه … يأشروا عليَا
يقولوا سبيه… بالله انظروها
بچوا عيوني … بسوط اضربوني
عاين متوني … شگد لوعوها
ضيع دلالي … اقبالك ياغالي
شافوا خيالي … وأختك سبوه
خليني أعاتب خويه خليني
و أسولف لك بعد موقف مأذيني
يا عباس إجه واحد سطر عيني
و صارت عين زينب مثل عين أمها
أسولف بعد لو يا با الفضل كافي
لو أقل لك السوط اشسوه بجتافي
لو أقل لك لهسه يابسه اشفافي
لو أقلك بعد إختك اشألمها
يالله نختم المجلس مع ام الأكبر شلون حالها في ليلة الحادي عشر
أجريلك دموع ابهدوة الليل
صوتي يختلف عن التراتيل
قرآن وذبيح ابگاع الاجروح
من شفتك يالاكبر أصبح النوح
تراتيل
قرآن وعليك امن القي نظراتي
تحچي ابلايه صوت اوياك دمعاتي
آياتك أرتلهه ابجراحاتي
وليل انهار يالأكبر معاناتي
ابتعقيبة صلاتي حسرتي اتصيح
وتعقيبة جروحي دمعي تسبيح
قليله من أون ودمعي مسفوح
من شفتك يالاكبر أصبح النوح
تراتيل
ملامح صورتك بچفوفي أرسمهه
واضل كلما يهيج الشوگ أشتمهه
أمك يالولد ماينگطع همهه
مازالت تريدك وانت مو يمهه
يايمه المدامع رافگتني
ولا مرتاحه من يوم العفتني
مامتعوده تبعد عني وتروح
من شفتك يالاكبر أصبح النوح
تراتيل
(✒️سيدعلي الموسوي )
✒️إعداد خادمة الزهراء (ع)
https://youtu.be/Y-q_wJjlOBo?si=XYdSiswVtP3wAYGg
BY مدرسة الزهراء لتعليم الخطابه
Share with your friend now:
tgoop.com/WWWasela33/27757