tgoop.com/Wounds_AshuraOne/25417
Last Update:
قصيده بحق الامام الباقر ع
علباقر المسموم
ركن الهدى مهدوم
اويلاه علباقر،،،،اويلاه علباقر
،،،،،،،،،،،،،،،،،،،،،،،،،،،،،،،،،،،،،،،،،،
عاش احداث الطفوف بكربله
عمره چان ازغير وهله امچتله
وشاف لوعات السبي والقافله
اشلون مسها الظيم عمته مدلله
علبا قر المسموم
ينزف جرحنه دموم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اجدد اليوم الزچيه. امصابها
اليوم فگدت واحد امن اطيابها
هل المأسي من السقيفه اسبابها
اشلون رايح تنسه اعز احبابها
عالباقر المسموم
يكبر جرحه اليوم
،،،،،،،،،،،،،،،،،،،،،،،،،،،،،،،،،،،،،،،،،،،،
گضه كل اسنين عمره بالحزن
على حسين وعمته ينوح ويون
ذاب كلبه من المصايب والمحن
جبده مو بالخيل بالسم انطحن
عالباقر المسموم
الطير علدار يحوم
ظل كلبي مهموم
،،،،،،،،،،،،،،،،،،،،،،،،،،،،،،،،،،،،،،
عل الامام الباقر انقيم العزاء
نواسي جده المرتضى ونعلن ولاء
ارواحنه لجلك يبو الصادق فداء
نمشي ابدربك اونفديلك دماء
علباقر المسموم
عله النهج نبقه للدوم
،،،،،،،،،،،،،،،،،،،،،،،،،،،،،،،،،،،،،،،،،،،
المدينه حزنت اونصبت حداد
والهواشم لبسو اعليه السواد
الصادق الليله مجروح الفؤاد
مانبطل ونتهه اليوم المعاد
علباقر المسموم
عشنه بحزن وهموم
،،،،،،،،،،،،،،،،،،،،،،،،،،،،،،،،،،،،،،،،،،،،
چم مصيبه المرت اعليه اوصبر
شاف جده حسين مگطوع النحر
هل المصايب خلت ابگلبه اثر
عاش كل سنين عمره بكل فخر
عالباقر المسموم
سرمد حزنه للدوم
،،،،،،،،،،،،،،،،،،،،،،،،،،،،،،،،،،،،،،،،،،
بقلم خادم اهل البيت
سيد فاخر البطاط
https://www.tgoop.com/Wounds_AshuraOne
BY جروح عاشوراء
Share with your friend now:
tgoop.com/Wounds_AshuraOne/25417