tgoop.com/Wounds_AshuraOne/25674
Last Update:
حيدريه للحسين ع على طور خادم انه
مشتاك انه مشتاك انه مشتاك انه
يم بابك حسين يم بابك حسين
➖➖➖➖➖➖➖➖➖➖➖
اجيت يم بابك حسينا قلبي مشتاك وحزين
اتعودت يمك وزورك كل حين وبعد حين
ايامي تعبت ياحبيبي ربي وانتَ معين
اريد من يمك زياره ارد اشوفك يالحنين
ملهوف انه ملهوف انه ملهوف انه
يم بابك حسين يم بابك حسين
➖➖➖➖➖➖➖➖➖➖
اكعد اكباله اشتكيله ليش طالت غيبتي
الدنيا منعتني ازورك وحجي يمك بلوتي
صعبه صارت هاليالي وانتَ تعرف شكوتي
مالي واهس وبحياتي وانتَ عيني ومهجتي
صابر انه صابر انه صابر انه
يم بابك حسين يم بابك حسين
➖➖➖➖➖➖➖➖➖➖
صابر انه اعله اليالي كلها اهات وحزن
اليل كله ما انامه قلبي تعبان ويون
عيوني ذبلتها البواجي والك مولانه احن
لمن اشتاك ارد اجيلك باليل ما يطبك جفن
ابدمعي انه ابدمعي انه ابدمعي انه
يم بابك حسين يم بابك حسين
➖➖➖➖➖➖➖➖➖
اجيت مولاي بدموعي اريد تكضي حاجتي
طالبك واليوم اجيتك اتحلها ليه سيدي
دارت اعليه المصايب وكحه صارت دنيتي
اتمنه يم بابك يغاتي اصير يمك موتتي
تعبان انه تعبان انه تعبان انه
يم بابك حسين يم بابك حسين
➖➖➖➖➖➖➖➖➖➖
اسنيني يمك ناذرتها وانته فصلها باديك
اعزمني يامولاي يمك انه معشوك واجيك
روحي مشتاكه تطوفك ياحسين وتعتنيك
موحشه صارت حياتي وانه متعوده عليك
امقصره انه امقصره انه امقصره انه
يم بابك حسين يم بابك حسين
➖➖➖➖➖➖➖➖➖
حيل متعوب انه اجيتك والخلك لا موالي
مخنوك من كلشي العليه انه بالهم مبتلي
هدومي ثكلت من حسرتي كمت انادي ياعلي
انته ياكاضي الشدايد ياولي ونعم الولي
مهموم انه مهموم انه مهموم انه
يم بابك حسين يم بابك حسين
➖➖➖➖➖➖➖➖➖
تمت بقلم خادمة اهل البيت ع
الشاعرة
هيلين ام علي الدر الساعدي
https://www.tgoop.com/Wounds_AshuraOne
BY جروح عاشوراء
Share with your friend now:
tgoop.com/Wounds_AshuraOne/25674