tgoop.com/Wounds_AshuraOne/25677
Last Update:
لطميه للهلال
عندما رأت مولاتي زينب الهلال كأنما تتكلم مع امها الزهراء عليها السلام
شفنه الهلال وبجينه
يروح الحسين من ادينه
آييمه آييمه
شفت الهلال وتصب يايمه دمعه
جن اخوي احسين هالايام أضيعه
اني مااحمل بعد يايمه فجعه
يروح كل غالي علينه....... يروح الحسين من ادينه
آييمه آييمه
لا يضل احسين يمي ولا اكو عباس
يمه واني امشي غريبه وي غرب ناس
يمه جسم احسين يبقه ويمشي بس راس
اه يا راسك ولينه..... يروح الحسين من ادينه.
آييمه آييمه
جن اشوف احسين اخويه يبقى مطروح
وجنه عاري عالرمل يايمه مذبوح
ويبقى عطشان ويون وتطلع الروح
اه من نسمع ونينه.... يروح الحسين من ادينه
آييمه آييمه
اي وابو فاضل اشوفه بغير جفين
يمه واصرخ من اشوفن سهم بالعين
ويلي والعامود طر الهامه نصين
اه يالغالي علينه......... يروح الحسين من ادينه
آييمه آييمه
جن اشوف بنحر عبدالله سهم
ذبل من كد العطش ومن الالم
كماط عبدالله ييمه انترس دم
ييمه ويفرفح بدينه.......... يروح الحسين من ادينه
آييمه آييمه
ام عباس الموسوي
https://www.tgoop.com/Wounds_AshuraOne
BY جروح عاشوراء
Share with your friend now:
tgoop.com/Wounds_AshuraOne/25677