tgoop.com/Wounds_AshuraOne/25682
Last Update:
°❀•✵🍃🕊🍃°❀•✵
ـ🔹🔹 ﷽
(اللهم صل علئ محمد وآل محمد وعجل فرجهم )
#قصيده لبداية محرم الحرام
شهر، عاشور خله بالگلب جمره
ونار الفاجعه ماتطفى مستعره
ــــــــــــــــــــــــــــــــــــ
نار أمصاب ابو اليمه شيطفيهه
طول العمربــالونات نگضيهه
على العباس وچفوفه المكطعيهه
نعازي أخته العقيله وأمه الزهره
ــــــــــــــــــــــــــــــــــــ
نعازيهه بدمعنه ونبچي وياهه
وعهد ننطيهه المصيبه مننساهه
ننصبهه العزيه ونبچـــي لبچاهه
على مصاب الذبيح المنگطع نحره
ــــــــــــــــــــــــــــــــــــ
للعطشان والمترمل بدمه
ننصبه العزيه والنعي بأسمه
وتحظر بالماتم فاطمه أمه
تون وتنوح والحسره بالف حسره
ــــــــــــــــــــــــــــــــــــ
بكل حسره تجرهه تصيح آه يبني
مصابك فت دليلي وحيل تعبني
مابطل ونينــــــي ولاتعاتبني
حگه الگلب لون يون من قهره
ــــــــــــــــــــــــــــــــــــ
حگي ياوليدي من أون وأنحب
منو مثلك ذبيح وماي مايشرب
چبده من العطش متوجر وعطب
وخيول أعوجيه داسته لصدره
ــــــــــــــــــــــــــــــــــــ
فوگ امصيبته الخيول داسته
ومن الگفا ويلي العده ذبحته
شربة ماي يطلب گطره منطته
وبصفه النهر مايه عذب يجري
ــــــــــــــــــــــــــــــــــــ
🖇تـمــت بتـــوفيــــق الله
🖊بـٲنامــل شاعرة ٲهـــل البيت عليهم السلام
زهـــراء الحــــربي
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫
💬ونسال الله التوفيق والقبول
وٲسالكم الدعاء👆
https://www.tgoop.com/Wounds_AshuraOne
BY جروح عاشوراء
Share with your friend now:
tgoop.com/Wounds_AshuraOne/25682