tgoop.com/Wounds_AshuraOne/27619
Last Update:
القصيدة للسان حال مولاتنا الزهراء «ع» للامام علي «ع»
لو غسلتـني لا تـمس اضلـوعي
ياذيك ياحيدر تـره مـوضوعي
لا تمـس ضلعـي يحماي الحمـه
طاهــره تـدريني من رب السمه
لو شفتني تبقى روحـك هـايمـه
لا تـگلبنــــي يدهجشـك نـوعـي
بــ✍🏻 المله ام مجتبى
🥀~><~><~><~><~><🥀
لاتكلبني اخافن تنلجــــــــــــــــم
ضلعي المكسور بس بيك الالـــم
ادري ياابو احسين حيلك منهدم
ونحنيت ابيوم شفت ادموعــــي
عاشقة العباس ام عراق الشمري
البصره
🥀~><~><~><~><~><🥀
بهونك بهونك يحماي الدخيـــــل
انا حتـى الماي يلجمنـــي اليسيل
صوابي ياحيدر علي كلش ثجيل
جنت اخفــــــي عنـــك انه لوعـي
✍🏻ام عباس السكيني
🥀~><~><~><~><~><🥀
شرد اگلك تره ظلعــــي منكسر
خافن اتشــــوفه يحيدر تنقهــر
اعليك خبيــــــته واترجه العذر
من اسمعك انه يسكـــــن روعي
الحاجه ام احـ✍ـمد الحچامي
🥀~><~><~><~><~><🥀
من تمر ايدك على كســــر الضلع
خاف گلبك يبو بيتــــي ينصدع
فدوه الك يا علي نفسي تنوضع
الليله يطفن يا اميري اشمـوعي
✍🏻نبضي_حسين
🥀~><~><~><~><~><🥀
اصبر امن اتشوف خدي المنسطر
والاثر بسمار نايـــــــم بالخـــــصر
ادري بيك حنيـــن بس حمل صبر
ايدك اتصب ماي يسكـن لوعـــــي
✍🏻ام اسعد الشمري
🥀~><~><~><~><~><🥀
موظلع عشره انكسر يابو الحسنٍّ
وراح تتـــــرادم عليكـــم هالمحنّْ
وآنه اشوف أعيونك اعليـه عمنّْ
خلص عمري ونطفـت يشمــوعي
✍🏻ام علي المالكي
🥀~><~><~><~><~><🥀
تمت بااقلام خادمات الحسين «ع»
https://www.tgoop.com/Wounds_AshuraOne
BY جروح عاشوراء
Share with your friend now:
tgoop.com/Wounds_AshuraOne/27619