tgoop.com/Xahm5dX/9006
Last Update:
سكارى نصلي ونغني...
وبيت زغير الدنيا تلعب بالشمس والطين
وهذا آخر نهر بالروح عده ولا حضاله بدين
انا المظلوم
انا الشاعر
انا الشعب اليموت وقبلته جفوفه وغلاته حسين
ها ياليل
وين الناس
وين الشعر والثوار
كل هذا العطش والشوك والاشعار
حزني وغربتك ياليل
عمري وكلبك السهران
صورنه الكمر للطيف
طلعت شيب بالنهران
ها ياموت ناسي تموت وأنت مرافك السلطان
اخ من الوطن والخوف
اخ ولا گضت بالروج عدينه وعبرنه الشوف
وين نموت
ليش نموت
بيت زغير الدنيا
ع ثياب الزغار تنام
الصبح تغسل دكاكين العمر والجام
وين الله
اليحب الناس
ماتت ناسك من الناس
ماتت والخبز ركضت حلم بالياس
اخذنه الكلبك
الحزنك يبعد الله
اخذنه من الجذب والدين
اخذنه بروحك اسم الله...
تعبنه من الصلاة من الوطن والخوف
تعبنه ولا عمر يسوه
المن نبجي ونغنيك
هية الدنيا مو كوه
تعبنه من الاكحاب التارسه سنينك
تعبنه من السياسه من الوطن والدين عمر دخانه بعينك...
اخذنه الكلبك السهران. .
غلطتنه العشك والليل والإنسان
تعال ويانه
خل نلعب كبل لا يكبر البستان
ـ عزيز عسكر
BY إِفْـراط | AFR6
Share with your friend now:
tgoop.com/Xahm5dX/9006