tgoop.com/Xazon_Rezgi/20560
Last Update:
#ИККИ_ОЛАМ_ОРАСИДА
Муаллиф: Гулбаҳор Рахматуллаева (Хазонрезги)
- Пўлат кўзини очди...
- Нима?!
-У хушига келди!
- Бунча тез, ая?! - таажжубини яшира олмай қолди Омир,- бироқ...
- Нима учун бироқ деб тўхтаб қолдинг, Омиржон?- бу сафар қизиқиш Ҳожи аяда устунлик қилаётган эди.
Омир таассуф билан аста бош чайқади:
- У изига қайтишни истамаган эди. Ота-онаси, айниқса акасининг кўзига кўринишга юраги бетламаётган эди унинг.
-Инсон умри унинг ҳоҳиш-истагига кўра режалаштирилмайди. Балки Пўлатнинг ҳаётга қайтиши унинг гуноҳларидан оз бўлса-да фориғ бўлиши учун берилган имкондир.
- Ая... Биласизми, мен ўзим у қадар одам ажратмайман-ку, аммо шу Пўлатнинг тақдирига нима учундир юрагим талпиниб қайғураётгани йўқ. Бу унинг ўша тўрт нафар яқинларининг ўлимига сабаб бўлганлиги учундир балки. Менга қолса у, ҳақда бошқа эшитгим йўқ.
- Ундай дема, Омиржон. Инсон зоти бор-ки, хатокор. Бугун пойингда бўлган инсоннинг ўзинг ҳам эртага пойига тушиб қолишинг ҳеч гап эмас. Бу сўзларим билан ҳамма инсонни кечириб кетавер деяётганим йўқ. Шунчаки уларнинг хатоларини такрорлама ва тегишли хулосаларни ола бил деяпман.
- Ҳўп бўлади, ая. Руҳсат берсаегиз энди мен жойимга борай. Бугунги кўрган-кечирганларим менга бироз оғирлик қилди. Жойимда ҳаммасини бир бошдан ўйлаб олмоқчиман.
- Майли, болам. Бугун сен учун анча салмоқли кун бўлгани рост. Борақол.
-39-
BY XazonRezgi (Official Channel)
Share with your friend now:
tgoop.com/Xazon_Rezgi/20560