“Психохимик”нинг оилавий авантюраси. “Голд терапи”га алданганлар нималарни бошдан кечирди?

Реклама – кучли қурол, у тузоқ бўлиши ҳам мумкин. Шундай тузоққа илинган бир қанча бемор ватандошлар соғайиш илинжида гиёҳвандга айланишларига бир бахя қолди. “Голд Терапи” номи остида фаолият юритувчи, ўзини “профессор” деб атовчи шахсга ишониб, даҳшатли оғриқ ва руҳий қийноқларга дучор бўлганлар Kun.uz'га бошдан кечирганларини гапириб берди.

📹👉 ТЎЛИҚ ВИДEО

#eslatma #tavakkul #repost

Hamma narsa siz kutgan emas, aynan sizga kerakli vaqtda keladi. Sabr qiling, duo qiling va jarayonga e'tibor qarating. Sizdan kutiladigan va talab qilinadigan narsa qo'lingizdan kelganini qilgandan keyin tavakkul xolos.

Qochib ketmasligi uchun avval tuyangizni bog'lang - buni qilishingiz lozim. Ammo keyin sizning ishlaringizni boshqaradigan yuqori kuch, Oliy Zot borligini tan oling va eʼtirof eting. Unga tavakkul qiling, yaqin sifati bilan ishoning, U ishlar Unga topshiriladigan , Al -Vakil sifatiga ega boʻlgan Zotdir.

Allohga nisbatan kamtarlikning bir qismi bu siz hamma narsani nazorat qila olmasligingizni qabul qilishdir. Siz shunchaki qila olmaysiz - siz bandasiz, cheklangansiz va ba'zida o'zingizni nochor his qiladigan vaziyatga duch kelasiz. Boladek ojizsiz, chunki vaziyatni yaxshilash uchun hech narsa qila olmaysiz. Siz qo'lingizda bo'lgan barcha imkoniyatlarni tugatdingiz va endi siz Allohga tavakkal qilishingiz va Unga to'liq taslim bo'lishingiz kerak. Unga taslim bo'ling, hamma narsani duo qilib hayrlisini so'rashda davom eting. Chunki siz halovat va xotirjamlik topishga loyiqsiz.

Hamma narsa siz istagan paytda emas, sizga kerakli vaqtda keladi. Sabr qiling, duo qiling va Allohning rejalariga ishoning.

Iroda Ahmad
@YaqinOzbek

Кредит муаммо!

200-йилда америкалик бир ўзбек меҳмонни Самарқандга, саёҳатга олиб бориб келганман. Ўша пайт нооутбук кўтариб, унда суратлар тушириб кўрсатганда ҳайрон қолганман. Америка халқининг бойлиги, машина ва уйларни зўрлигини айтсам зимдан кулиб: - "Тўғри Америка халқи зўр яшайди, лекин халқи хаёлпараст, ғамда юради- деди. Сабаби машина кредит, уй кредит, уй жиҳозлари кредит. Топган ойлик маошлари фақат кредитга кетади. Кредит тўлаш учун эртаю кеч тиним йўқ. Эллик йилгача кредит шартномалари борлар кўп . Э сўраманг қачонгача кредит тўлаймиз, билмайман - деганида кредит шунча қийинмикан деб ҳайрон қолганман. Чунки бизда кредит олиш учун пора беришарди. Кредит олиш муаммо эди. Бугун эса охирини ўйламайдиган, қарзни қайтариш хақида ўйламайдиган кредитни олиб хаёлпараст бўлиб қолишди. Қарзни қандай тўлайман, бир пасда ой тўлиб қолаябди, дейдиганлар жуда кўп. Ҳозир кир машина, холадилник, телевизор, телефон, машина уй, қисқаси ҳаммаси кредит, қарз.

Кўриниш зўр, кийимлар зўр, ич тўла дард, кредит балоси. Шу боис охирини ўйлаб иш қилиш керак. Бирданига бой бўламан деб охирини ўйламасдан иш қилиш керак эмас. Бунга яна онлайн қимор қўшилиб, ёшлар ота-онани куйдириб, ўлдираябди. Қотиллик содир бўлмоқда. Аллоҳ нимага буюрса қилинг, фойдаси бор. Қайтарганидан қайтмасак жазоси бор. Ҳар ишни охирини ўйлаб иш қилишимиз керак. Қарзга ботиб кабоб егандан, қаттиқ нон еган афзал эмасми? Қарзни елкага ортиб,тўлай олмагач давлатни айблаш тўғрими? Ҳеч ким мажбурлаб кредит бераётгани йўқ. Ўзимиз олиб,тўлай олмагач бировни айблаш керакмас.

✍Шермуҳаммад Тоғай.

https://www.tgoop.com/YaqinOzbek

Ҳовлининг бир бўлагини кадастрлаш, янги газ ҳисоблагич улатишга тўғри келди.‌‎⠀

Катта ҳовли кадастрдан ўтган. Аслида номи катта холос, водийда ҳовлилар жа каттаям бўлмайди. Бир бўлагини ҳадя тариқаси расмийлаштириш 5 млнларга тушди. Янги газ ҳисоблагични улашга қиш кириш олдидан чеклов қўйилган экан. Мана қиш охирлаб рухсат ҳам бўладиган кўринади. 1 млн 700 мингга янги ақлли газ ҳисоблагич ва редуктори сотиб олинди ҳам. Энди рухсат бўлар, деб енг шимарганимизда бунинг ҳам 1 млн 400 минг сўмлик тўлови борлигини айтиб қолишди. Бу улаш тўлови экан. “Ҳа, устага хизматига шундоғам берилади, керак бўлса, обедиям қилиб берилади, аммо нега бунча баланд”, дегандик, пусконаладка, лицевой, яна биз тушунмайдиган қанақадир иборалар билан жавоб беришди. Айтишларича, бу хусусий фирмага тўлов қилинар экан. Ашқол-дашқоллари билан шу газга уланиш кадастр билан қўшганда салкам 9 млн сўмга бораркан.‌‎⠀

Шу жойида ғаламисона саволлар келяпти. Тўхта, кадастр нима иш қилди? Уйингга келдими, у ер, бу ерни ўлчадими. Ҳеч нарса қилгани йўқ, ўзи ўлчанган ва ҳисобланган майдоннинг бир қисмини иккинчи одам номига ёзиб қўйишдан бошқа. Лоақал, оптик ускунасини опкелиб, бирор бурчакка лазерини тўғрилаган бўлсаям бир нави экан. Шунга жарима-парималари билан қўшиб 5 млнга яқин пул олиш адолатданми? Тўғриси, шу ерида миямнинг подшипниклари қисиб қоляпти.
Энди газ ҳисоблагичга ўтайлик. Ҳай, ўша Zekr деган ўзиўчар ақлли счетчигини олдик, маъқул, аслида, айрим нарсалар каби бепул берганидан сотгани афзал – қадрли бўлади. Аммо улаш учун қанақадир хусусий фирмага 1,4 млн сўм нега ўтказиш керак? Нима, бу иш шунчалик мураккабмидики, 1 соатда битадиган ишга нақ 7та устанинг бир кунлик иш ҳақини ўтказиш керак?‌‎⠀

Одатда, бир нарсанинг таннархи, бренди кабилар нархни кўтаради. Борингки, дабдабали товар ёки хизматни қиммат қилишниям тушуниш мумкин, ҳашамат баҳоси дегани бежизга эмас. Э, ана борингки, ниманидир нархи устига давлат тегишини миндиришиниям тушуниш мумкин – ҳарқалай, тўлаган пулингиз пенсияга, дўхтир-ўқитувчи сарф бўлади. Аммо нега ҳар бир оилага зарур, ўз пулингизга олинган ускунани ўз уйингизга ўрнатишингиз учун кимгадир (давлатгаяммас!) пул тўлаш кераклиги мантиғига сира тушунолмаяпман. ‌‎⠀

Қизиқиб суриштирдик. Қарангки, биз фуқаролар ўз пулимизга олган газ ҳисоблагичимизни ўз уйимизга ўрнатишимиз учун пул ўтказишимиз керак бўлган хусусий фирманинг номини на райгаз, на ўша фирмадагилар айта олишди. Анавини қаранг-а, Фарғонада нималар бўляпти?‌‎⠀

Келинг, телефоннинг калкуляторини очайлик. Юртимизда бир йилда 280 минг оила қурилса ва шуларнинг ҳеч бўлмаганда, ярмининг иши тушса, ҳеч нарса, қайтараман – ҳеч нарса қилмай туриб, шуларданам миллионлаб доллар соғса бўларкан. Мундай олсак, буям солиқдай гап-да. Бир пайтлар тарихда хонликда палонча солиқ бўлганидан кулиб юрардик. Бекор кулган эканмиз.‌‎⠀

Кимдир “Қўйинг, энди, шу пул одамнинг жони бўптими, битта тўлаб, умрбод маза қилиб яшанг, топишиз ёмонмас-ку. Қолаверса, шу газчилар ҳам ўзингизга ҳамкасбдай гап. Ё ўзизча халқпарварлик қиляпсизми, қўйинг, мунақа гапларни, пулингиз бўлмаса бериб турай”, демоқчи бўлса керак. Биродарлар, кимлардир зўр пул қилаётганига олди орқам куйиб кетяпти, холос, войдод! Нега мен эмас, у, деб ҳасад қиляпман. Иккинчидан эса, фуқарони мунақа соғишлар, барибир, вақтинча. Эртага бир популист мана шунақа тўловлар халқимизга бекор бўлди, деб оғиз тўлдириб очко ишлаганда, биз буни аллақачон ёзгандик, деб қўяман.
ДХМни ҳамма жойда, ҳар доим мақтаганман. Шуларгаям қойил қолмадим охирги вақтда. Ҳар бир ариза ташлаш 37 минг сўм экан. Вилоятдаги калласи катта “рад этилди” деган жавоб қайтаради. Шу жавобни олиш учун ҳар ой тентираб ариза ташланади. Абдулла Қаҳҳорнинг Қобил бобоси приставга ариза ёзишга товуқ оборарди. Билгичлар, 37 мингга товуқ борми бозорда ўзи?‌‎⠀

Минглаб, балки ўн минглаб оддий хўжаликларнинг бошида бор бу тўловлар. Уйнинг ўзини қуриш учун Россияда пул ишлаб келиб, кейин бунақа тўловларини қилиш учун Туркияга ишлагани кетворяпти оддий одамлар. Нима бало, биз ухлаганимизда булар кечаси билан тўловларни ошириб чиқишадими, дейман.‌‎⠀

Чириган ғарбда яшаётганларга, ёвуз совет империясида яшаганларга савол. Сизларда шунақа ишларнинг нархи қанча (бўлган)? (Тўғри, илгари хусусий мулк бўлмаган, аммо уйни давлат рўйхатидан ўтказиб қўйилган). Билиб қўяйлик дейман-да, балки бу тўловлар ҳозир адолатлидир.

✍Shukurjon Islomov

https://www.tgoop.com/YaqinOzbek

#eslatma

Yolg'iz qolib o'zimizni taftish va tahlil qilish og'riqli lekin manfaatli. Doimo o'zimizni u yoki bu ish bilan band qilish orqali ko'pincha o'zimizdan qochishga urinamiz. Bizni qiynayotgan haqiqatlardan chalg'ishga xarakat qilamiz.

Shayx Muhammad Arifiy aytganlariday, amallarimizni teshik chelakka solib qo'ymayabmizmi?

«Tahorat qilasanu, isrof qilasan. Hijob o‘raysanu, atir sepib olasan. Tahajjud namoziga turasanu, birodaring bilan arazlashasan. Ro‘za tutasanu, g‘iybat qilasan. Sadaqa berasanu, minnat qilasan. Ko‘zingni och! Solih amallaringni teshik xaltaga solma!»

O'zingizni hisob qilish uchun ba'zan yolg'iz qolish kerak ..... qalbingizni tubida sizni bezovta qilayotgan o'y-hayollarni taftish va tahlil qilish kerak....

Iroda Ahmed
@YaqinOzbek

Xavotir olmang. Siz birovning emas o'zingizning hayotingizni yashayapsiz.

Onangizning, ammangizning, xolangizning, uzoq-yaqin qarindosh, e boring, ana, Mardon qassobning qizining hayoti sizda takrorlanmaydi (Mardon qassobni Bahodir Nipponiydan bir ozga so'rab turamiz endi).

Hech kimning hayoti aslo sizda takrorlanmaydi – sizning hayotingiz bu sizning mas'uliyatingiz ekanligini his etib yashang. Qur'onni ochib o'qing, qanday yashashingiz uchun yo'l-yo'riqlar, hammasini o'sha kitobdan topasiz.

Ong ostingizni qayta programmalashtirishingiz, psixogenetikdan seans olishingiz, miyangizni qayta dasturlashingiz ham shart emas.

Oynaga qarab qandaydir affirmatsiyani 100 marta takrorlasangiz ham hech nima o'zgarmaydi. Odam 1000 marta "Men jasurman" deyish bilan jasur bo'lib qolmaganidek, o'zi biror amali bilan harakat qilmaguncha hech nima o'zgarmaydi. Sizni faqat va faqat amallaringiz isloh qila oladi.

Muvaffaqiyatingiz kalendaringizda – qarang har kuni nimalar qilyapsiz? Kuningiz qanday o'tyapti? Kecha nima qildingiz? Bugun nima qilyapsiz? Ertaga nima qilmoqchisiz?

Iroda Ahmed
https://www.tgoop.com/YaqinOzbek

#latoif

Туркиялик биохимик, 2015 йил Нобел мукофотини олган Азиз ёзябди:
Бир кун хотиним менга:
— Эй Азиз, ахлатни ташлаб келинг, - деди.
— Мен нобел совриндори Азиз бўламан! - деб раддия бергандек бўлдим. У бўлса:
— Эй Нобел мукофоти совриндори Азиз Санжар, ахлатни ташлаб келинг, - деди.))

Ким бўлсангиз ҳам хотинингиз учун оддий эрсиз.

Кўчирилди

https://www.tgoop.com/YaqinOzbek

#ona_madrasadir

Ona Madrasadir kursining talabalari bilan bo'lib o'tgan savol-javoblarni ko'pchilikka manfaatli bo'lishi uchun kanalda taqdim etib boramiz, insha'Allah.

Kurs davomida har bir ona o‘zi duch kelayotgan muammolar bo‘yicha savol beradi, jonli efirda javob beriladi.

https://www.tgoop.com/YaqinOzbek

ОНАСИНИ УРГАН ҚИЗ!

Ассалому алайкум, аслзода ўқирманлар. Шу ҳафта бошида Япон ОАВисида бир ҳолат шов-шув бўлди. Жуда кўп муҳокамаларга ҳам сабаб бўлди.

Япониянинг Саппоро ҳудудида 14 ёшли қиз қўлга олинган. Полициянинг хабарига кўра, ўша 14 ёшли қизга онаси тунги соат 3:00 ларда "Телефонингни титкиламай, ухла" деган. Бу гап қизга ёқмаган ва онасининг сочидан тортиб, бошига телефон билан вахшийларча урган. Бу ҳолатдан қўрқиб кетган ўша қизнинг кичкина синглиси полицияга " Ҳозир, онамни ўлдириб қўяди" деб хабар берган.

Бу хабар янгиликларда оммалашиб кетгандан кейин, кўпчилик мутахассислар ҳам дебатлар қилишди. Бир мутахассиснинг фикри эътиборимни тортди: "Биз муаммонинг илдизини олисроқдан қидиришимиз керак. Аёлларнинг ҳуқуқини ҳимоя қиламиз деб оилада эркакнинг ўрнини охирги даражага тушириб юбордик. Натижада, болалар отасидан ҳайиқмай қўйишди. Уйда ҳамма қарорларни аёллар қабул қиладиган бўлишди. Олдин, аёлларнинг ҳуқуқи деб қанча жар солган бўлсак, энди эркакларнинг ҳуқуқи деб жар солмасак, оила институти бундан беш баттар аҳволга тушади"!

Ажойиб фикрлар а? Японияда 1 йилда 10 минглаб балоғатга етмаган қизлар, болалар "ТОЁКО КИДС" деб ном олишган. Улар, ота-онаси билан келишмай қолиб, кўчага чиқиб кетишган. Фохишалик, гиёҳвандлик ва енгил елпи ишлар билан кун кўришади. Ҳукумат, бир неча миллион доллар ажратиб ҳам муаммони еча олишмади.

Бизда энди-энди куртак ота бошлаган бундай муаммолар, Японияда 50 йил олдин бошланган. Шунинг учун, билиб-билмай "Фалончини-фустончи" қилишимиз керак деб бонг ураётганлар эҳтиёт бўлаверинг. Албатта, аёлларнинг ҳуқуқлари ҳимоя қилиниши керак, албатта болаларнинг ҳуқуқлари ҳимоя қилиниши керак. Аммо, бу эркакларнинг ўрнини йўқ қилиш эвазига эмас!

Шу жойида бир ҳазил-аралаш савол келиб қолди-да: "Золим қайнона, золим овсин, золим келин, онасининг гапидан чиқмайдиган золим эр дейсизлар-ку. Қаранг, ҳамма кейсда аёллар. Шунда аёлларни эркаклардан эмас, ўзларингдан ҳимоя қилиш керак экан-ку. Анави, бечора Мардонда нима айб?"

Ҳазилдан ташқари, ўғилдир-қиздир, ўқимишли, зиёли-илмли қилсак, хар томонлама билимларини оширсак, жуда кўп муаммоларимиз ечилиб кетса керак.

Хурмат билан, ўзидан ақлли ясаб олган Баҳодир Ниппоний)

https://www.tgoop.com/YaqinOzbek

#onalikmaktabi #podkast #dildan_suhbat

🛎 Dildan suhbat yana sizlar bilan birga.
📍Bu safargi mehmonimiz telegramda Pozitiv fikrlar blogining asoschisi Gulnigor Neʼmatjon qizi.

Mehmonimiz haqida qisqacha: 👇

✅ 2014-yilda Andijon Davlat Tibbiyot Institutini tamomlagan;

✅ Oilali, 3 farzandning onasi;

✅Germaniyaning Myunxen shahrida 4 yildan beri yashaydi;

✅ "Yil kitobxoni-2014" g'olibasi;

✅ Shaxsiy rivojlanish bo'yicha 1000ga yaqin xotin-qizlarni qamrab
olgan marafon va chellenjlar muallifi:
"Bumerang"
"Atom odatlar"
"Kechagi men emasman"
"Hammasi joyida"
"my Phone"

Shiori: Ilmdan o‘zga najot yo‘q!

Hozirda onalik ta‘tilida.

Maqsadi: O‘zbek xotin-qizlarining bugungi kuni kechagidan yaxshiroq bo‘lishi uchun o‘z hissasini qo'shish.

🎙 Suhbat mavzusi: "Ramazon oyida vaqt va energiyani to‘g‘ri taqsimlash orqali kunni barakali o‘tkazish"

⏰ Vaqti: InshaaAlloh 27-fevral, payshanba

📌 O’zbekiston vaqti bilan 15:00 da

🖥 Jonli efirga ulanish uchun Yaqin kanalini kuzatib boring.

📮Postni yaqinlaringiz bilan ulashishni unutmang zero bu podkastlar barcha opa-singillarimiz uchun manfaatli.

Savollaringiz bo'lsa, izohlarda yozib qoldiring.

🎉Barchangizni jonli efirda kutib qolamiz, inshaAllah!

@YaqinOzbek

#onalikmaktabi #podkast #dildan_suhbat

🛎 Dildan suhbat yana sizlar bilan birga.

📍Bu safargi mehmonimiz jamiyatimizda Montessori taʼlim
metodini keng miqyosda yosh onalarga yetib borishiga hissa qoʻshib kelayotgan Mahliyo Toshtemirova.

Mehmonimiz haqida qisqacha: 👇

✅ Montessori ona va pedagog, 3 nafar farzandning onasi;

✅AMI Montessori 3-6 diplom kurs talabasi;

✅AMI Montessori 0-3 yosh sertifikati sohibi, Praga, Chexiya-2024;

✅Andijon davlat universiteti ingliz tili va adabiyoti  bakalavri;

✅Ingliz tili o’qitish bo'yicha 12 yillik tajribaga ega mutaxassis;

✅Janubiy Koreya davlatida xususiy maktab va bog‘chada ingliz tili o'qituvchisi sifatida ishlagan;

✅NeuroCoach, NeuroEducation bo’yicha xalqaro sertifikatlar sohibasi;

✅Ayni paytda  Maria Montessori ta'limi asosida 0-3 yoshgacha bo'lgan bolalar uchun O’zbekistonda ilk bor asl Montessori metodi manbaalarini o'zbek tilida jamiyatimizga yetkizayotgan loyiha – @bambini_rasmiy asoschilaridan

✅@englishmontessori_withmykids – asosan Maria Montessori taʼlimiga oid asl ilmiy ma'lumotlar va bolalarni yoshlikdan kitoblarga qiziqtirish va erta yoshdan 4 ta tilda o'qitish mumkinligi haqida yoritib boradi.

✅O’zbekistonda ilk bor bolalar uchun tashkil qilingan READ WITH MOM kursi muallifi

🎙 Suhbat mavzusi: Bambini loyihasi nima? Va bu loyiha ota-onalar uchun nimalarni taqdim eta oladi?

⏰ Vaqti: 25-fevral, Seshanba

📌 O’zbekiston vaqti bilan 15:00da

🖥 Jonli efirga ulanish uchun Yaqin kanalini kuzatib boring.

📮Postni yaqinlaringiz bilan ulashishni unutmang zero bu podkastlar barcha opa-singillarimiz uchun manfaatli.

Mavzu boʻyicha savollaringiz bo'lsa, izohlarda yozib qoldiring.

🎉Barchangizni jonli efirda kutib qolamiz, inshaAllah!

@YaqinOzbek

Yosh bolali aziz onalar. Siz ayni damda qanday baxt og‘ushida ekaningizni balki sezmassiz ammo vaqt o‘tib bu kunlarni sog‘inib eslaysiz. Chunki chaqalog‘ingiz bir zumda katta bo‘lib o‘zini o‘zi eplab ketadi. Ana shu yumshoqqina ojizgina go‘dakni qo‘msaysiz. Cho‘miltirib, paxtadan qilingan toza liboslarini kiygazib emizayotganingizda qo‘lchalarini o‘ynatib bag‘ringizda qultillab emishlarini eslaysiz.

Suratda o‘g‘limning go‘daklik davri. Qanchalik shirin bo‘lganini endi bilyapman. Qaniydi o‘sha damlar qaytsayu bag‘rimga bosib yuzlaridan o‘psam deyman. Bola katta bo‘lgani sari o‘zini ota-onasidan behojat his qila boshlarkan.

Shuning uchun uch yoshgacha ko‘proq birga bo‘ling, mehringizga qonsin, achomlang, boshlarini silang, o‘ynating. Zero uchib ketayotgan bu oniy damlar qaytib kelmaydi.

✍Iroda Ahmed

https://www.tgoop.com/YaqinOzbek

📢In Shaa Alloh Mahliyo Toshtemirova bilan suhbatimiz 10daqiqalarda boshlanadi.

Mavzu boʻyicha savollaringizni shu yerda yozib qoldirsangiz...😊