tgoop.com/Yazahraaa655/23828
Last Update:
مسلم ابن عقيل ع
الوزن تجليبه ~~
*مسلم غدرته الكوفه اوبگه وحده*
*ابو ابراهيم وحده طايـــح ابشده*
▪︎▪︎▪︎
بگـــــــــه محتار وبديرت غرب صعبه
بس حره عفيفــــــــــــه وگفت ابجنبه
طوعه الـــــــــــي وفت الحيدر اوحبه
مسلم آوتــــــــــــــــــه اوگفت ابحده
فتحتلــــــــــــــــه گلبها گبل باب الدار
تگلــــــــــــــه البيت بيتك وانا الخطار
يامسلم يمن عمك علــــــــــــــي الكرار
وانتـــــــــه اليوم بالكوفه عدت مجده
تعـــــــال الدار دارك ياسفيــــر احسين
روحي افديـها الك وسگیك ماي العين
وعذرنــــــــــــي لو بالخدمه امگصرين
وادري انـــــــــه الكريم ايسامح العبده
طب الدارها مسلم يگضـــــــــــي اليل
علــه الخدين من عنده الدموع اتسيل
امصاب الغرب هدم الـــــــــــــه الحيل
اويفكر ركب ابو السجـــــــــــاد شيرده
ببن عمه يفكر گاصد الكوفــــــــــــــــه
خانت بيعته هالناس معروفــــــــــــــه
ماعدها وفــــــــــــــــه نكرت المعروفه
اهل كـــــــوفان هاذي گــــوم اهل رده
گضه ليلــــــــــــــــه يفكر بالخطر باجر
بين الگــــــــــــوم وحده اوما إله ناصر
هاي النــــاس بين الحـــــــــاقد اوغادر
هاي اولاد هند الحــــــــــــاقد اوجعده
عليه فزعت اهل كوفـــــــــان متجيمه
الجتله اتريد كلــــــــــه اليوم متحزمه
اسيوف اعليـــــه مشهوره اطلبت دمه
انتهض مسلــــــــم جيش الظالم ايرده
واجها وينادي انـــــه عمـــــــــي الحيد
سيفـــــــــي اليوم للكوفه جمعها ايبيد
گلبـــــــــــــــي مايخاف ولايهاب الويد
عن دارج يطوعــــــه الجيش انه ابعده
🔳🔳🔳🔳🔳🔳🔳
تمت
*✍️الشاعر فالح العامري*
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه
🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م‌ـــِْن يتلاعب
https://www.tgoop.com/falehalameri
BY الشاعره نور الظهور المقدس(ام ليث)
Share with your friend now:
tgoop.com/Yazahraaa655/23828