tgoop.com/Yelov/18273
Last Update:
مشاريع ناجحة في اليمن .. وماتحتاج رأس مال كبير !!
المشروع الاول : تفتح لك بحث جنائي ... قسما بالله فلوس زي الرز وبالذات قسم الآداب !!
المتطلبات
- طقم
- غرفة ٤ × ٤
- بدروم
طبعاً البدروم سجن .. والغرفة لك وللمراجعين واقارب الزباين اللي بايضخوها بالريال السعودي والدولار 😆
- المشروع الثاني : تفتح لك مركز شعوذة ورقية شرررعية .. وهذا برضو فلوووس فلوووس فلوووس
المتطلبات
- غرفة ٤×٤ وممكن تسويه في البيت عادي
- يحتاج لك لحية .. وعمامة
- صميل ومكرفون من حق اصحاب البطاط
-واربعه مضارب زيت
اتخيل تشتري علبة زيت الزيتون من النوع العادي جداً ب 1000 ريال او 1500 .. وتتفل عليه تفله صغيرة
بعد ذلك توزع الزيت ابو تفلة ل4 علب صغيرة وتسجل عليه زيت مرقي .. وتبيع الحبة ب 3 الف ريال
ولو تشتي تربح اكثر ممكن تزيد التفلة شوي وبايتبارك معك الزيت الى 5 علب !!
المشروع الثالث : تعمل لك نقطة تفتيش
وهذي مابش اسهل منها
كل اللي تحتاجه
- برميل
- مطب
- بندق .. واذا معك قعشة ..مش ضروري بندق .. القعشة تكفي وزيادة
وهووووش يااابي هوووش
اتخيل .. من كل سيارة مية ميتين ريال
واصحاب البوابير والقواطر من خمس خمس ...هذي صااافيه للجيب .. لا عليك حق تسويق ولا عمولات ولا ايجارات ولا حق كهرباء .. يعني كلها للجيب !!
وعاد الجغمه الصح لاشفت مسافر وعنده شناط وقلافد !!
هذا بالذات تقدر تسلخه الفين ثلاثه
ولو قلك ليش ادفع او شفت انه يدور له خبر
خليه ينزل الشناط وفتشهن على جيب جيب واجعثهن وخليه يرتطع جنبك ساعتين ثلاث
المهم ... مرمطه واجعثه جعثه ابو اسد
عشان مرة ثانية يكون يدفعها وهو متجمل منك !!
المشروع الرابع ياعزيزي ..انك تقع شحاااات
وهذا المشروع مابش اسهل منه
وما يحتاج منك اي شي
يعني تقدر تنطلق .. بدون بدروم .. بدون طقم بدون لحية بدون قعشة !!
فقط يحتاج لك لسان و شوية صبر بالبداية لما تكسب خبرة وتفهم الشغلة
وهوووش يااابي هوووش !!
#وين_الكريك
#عبدالرحمن_البيضاني
@yelov
BY الوطــــــــن أولاً ❤️
Share with your friend now:
tgoop.com/Yelov/18273