tgoop.com/YousefAlsbehawy/533
Last Update:
الحسين ابنَ علي ما يشنبع منه
أرد مشتاكَله ابيوم الازورنه
............
١......
مو فقط تلطم الايدين
زنجيل دكَ رمش العين
يستاهل الروح احسين
أنه ويه انه انتعارك حتى اخدمنه
الحسين ابن علي ما ينشبع منه
؛؛؛؛؛؛؛؛؛؛؛؛؛؛؛؛؛؛
٢.....
موكب انصبله ابعمري
وامعزب ابكل دهري
اشما طال عمري نذري
أله كل الهوه ما دام اشمنه
الحسين ابن علي ما ينشبع منه
٣......
صاحب فضل محبوبي
زارع ورد بدروبي
ياروح انصحج ذوبي
وانه وياج نمشي وخل نقبلنه
الحسين ابن علي ما ينشبع منه
٤.......
يا وطن كل الاوطان
تتعنه اله الإنس وجان
الحسين حب الرحمن
لتلومونيي محبوب الله احبنه
الحسين ابن علي ما ينشبع منه
٥.......
إقبلني اقل من خادم
امطبر مجاهد لاطم
مشاي سائل ساهم
حرف عمري ولون مو ليك اشطبنه
الحسين ابن علي ما ينشبع منه
٦.........
ابجفك أصيرن سيفك
واذبح اعداك ابكيفك
العاده الله أخذ بي حيفك
وانه الكلشي أصيرن لجلك أتمنه
الحسين ابن علي ما ينشبع منه
✍ كلمات الخادم يوسف الصبيحاوي 🤲🏻
BY يوسف الصبيحاوي
Share with your friend now:
tgoop.com/YousefAlsbehawy/533