tgoop.com/YousefAlsbehawy/538
Last Update:
سيد الإصلاح والثورة
الحسين العِبره والعَبرة
؛؛؛؛؛؛؛؛؛؛؛؛؛؛؛؛؛؛؛
١........
الحسين الطلع يصلح ما فسد بالأمه
الدنيه كلهه والمناصب تستحي من اسمه
من أجل نصرة الله حسين ضحه ابدمه
من أجل ثوب الفقير - احسين ما راد الحرير
ورفض كل المغريات - وفرش صله اعله الحصير
قله مثل احسينه وفكره
الحسين العِبره والعَبرة
٢.......
جامعة الاصلاح والإخلاص والحب والزلم
والكرامة والتواضع والمبادئ والقيم
ألحروف الأبجدية تكتب بإسمه نعم
نعم صاحت هالحروف - دون متخطهه الچفوف
ابكل لغات العالم - والتترجمهه السيوف
وقره احسين الماعرف يقره
الحسين العِبره والعَبرة
...........
٣........
حسين ما يستعرض ولا يستغل انصاره
من أجل نشر العداله حسين عاف ادياره
جانت الوادم ابغفله وبيهه دكَ الغاره
حسين يا صحوة ضمير - واعي ضل ليهه الفقير
انتفض مثله يخوي - ابغيرتك كمل المسير
وانصر انته احسينك ابعصره
الحسين العِبره والعَبرة
..........
✍ كلمات الخادم يوسف الصبيحاوي 🤲🏻
BY الرادود يوسف الصبيحاوي
Share with your friend now:
tgoop.com/YousefAlsbehawy/538