tgoop.com/YousefAlsbehawy/539
Last Update:
مستمر يا يمه ... ابنهج حسين وبجهاده
وخدمته ابكل العمر
مستمر يا يمه ... الحد النصر والشهادة
وابطريق المنتظر
.....:::؛؛؛:::،،،::؛،،،....::""'،،،،،.....::"""::::""
١......
عينج علي وادعيلي
يل بيج اشدن حيلي
يكضي نهاري وليلي . وما يمر بيه ذنب
ماريد دنيه دنييه
وما احب كلشي اليه
يا يمه عينج عليه . اتعرفيني لله من احب
يمه وحق دمعاتج
واعيونج وشيباتج
ذكرينيي بدعواتج . كشاخ اضل عالحرب
يمه فده كل وجودي
وبالدم اموقع عهودي
ابهيهات قافل حدودي . ولعراقي ياهو اليطب
مستمر يا يمه
وهنيالي بيج من اذكرج تحتاج نعمة شكر .
...........
:::::::::::؛،؛؛""::؛؛؛؛
٢....
يمه انه اوليدج زلمه
واتخاف مني الضلمه
زودي من زودج يمه . يا خادمة ويا أصيلة
مؤمنة وطيبة اعرفتج
التسبيح رافك شفتج
والله الينخة ابختج . من الله ينشد حيله
وابختج انخة العالي
وياه اضل للتالي
ربي وحبيبي الغالي . ابكل شي النفس توميله
كلشي ولا اعوفنه
هوه المهم مو جنه
من دونه ما اتمنه . وكلشي الي اهديله
مستمر يا يمه
وادعيلي اضل متمسك وميهمني كل اليمر
:؛؛؛؛:::::::؛،،،،؛؛؛::::::::
٣..........
اي يا حبيبت كَلبي
ثابت اضل ابدربي
يشهد عليه ربي . ابقى ابخدمتة إلى
حد ما يتم الموعد
بالطف اوليدج يرعد
والساعة بالوحدة اتشد . نلتقي في كربلا
مستمر يا يمه
اليوم الخميس البي ألبي للحبيب الأمر .
.....؛؛:؛:؛:؛::؛؛::
✍ كلمات الخادم يوسف الصبيحاوي 🤲🏻
BY يوسف الصبيحاوي
Share with your friend now:
tgoop.com/YousefAlsbehawy/539