tgoop.com/Zafarbek_Solijonov/12737
Last Update:
Бир ҳужжат тайёрланиб, раҳбариятга киритилиб, тасдиқлангунга қадар бўлган жараён жуда узун. Бир ҳужжатнинг турли хил версияси тайёрланади. Қоралама, якуний версия дегандек. Раҳбарият эса охирги вариантини кўриб имзолайди, ва ишончингиз комил бўлсинки, бу ҳужжатда заррача хато бўлиши имконсиз.
Гап нима ҳақида дейсизми? Кеча оммага чиқарилган электромобиллар тўғрисидаги қарордаги имловий хато кўплаб муҳокама, танқидларга сабаб бўлмоқда. Юрист сифатида, турли ҳужжатларнинг тайёрланишида иштирок этган мутахассис сифатида ишончим комил бўлиб айтаманки, бу хато атайин қилинганмас. Инсон омили сифатида хато ўтган бўлиши табиий. Нега буни Бош вазир кўрмаган десангиз, юқорида айтганимдек, Ҳукумат раҳбари кўриб имзолаган ҳужжат нусхаси эмас, умумий бўлимдаги нусхаси оммага тақдим этилади, яъни ПДФ форматида lex.uz га жойланади. Ва айнан шу лаҳзада кимдир техник хато қилган, эски, "кўрилмаган" нусхани босворган.
Бу шунчаки ишда ҳар куни бўладиган кичик бир хаточа. Техник жиҳатдан бир ходимнинг эътиборсизлиги. Бундан ваҳима қилиш шартмас. Юзлаб кишининг қўлидан ўтадиган бу ҳужжатнинг якунийсида хато бўлмагани аниқ. Ҳозир халони тузатиб қўйишибди.
Шу ўринда бошқа бир гап: имло ва техник хатолардан кўра ҳужжатнинг мазмунига эътибор берилса кўп яхши бўларди. У ҳақда гапирсангиз, таклиф берсангиз фойдали.
👉 @Zafarbek_Solijonov
BY Zafarbek Solijonov
Share with your friend now:
tgoop.com/Zafarbek_Solijonov/12737