tgoop.com/aartyk_nutchina/2611
Last Update:
⁉️Бүлүү суолун быһылааныгар ааҕааччы санаата
Эдэр ийэлэри улуустан куоракка аҕалан төрөтөр саҥа бэрээдэк бүтүн дьиэ кэргэни, эдэркээн төрөппүттэри аҕыйах хонуктаах оҕолорун, эбэлэрин кытта суох гынна диэтэхпинэ наһаа улаханнык сыыспатым буолуо. Өссө биир ийэ кыһыл оҕотун кытта улаханнык эчэйэннэр балыыһаҕа сыталлар. Суоппардар даҕаны, ийэлэр даҕаны кыһалҕаттан кыһыл оҕолордоох айаннаан истэхтэрэ.
Дьахталлар барахсаттар дойдуларыгар төрөппөттөрүн кэннэ хайыахтарай, ыраах кутталлаах айаҥҥа туруналлар. Хат сылдьан, төрөөн баран кыһыл оҕолоох, кэргэттэрин, эбэлэрин кыбыммытынан алларанан айанныырга күһэллэллэр. Күһүөрү кыһын үчүгэйдик тура илик өрүһү кыһыл оҕолоох ийэ сатыы туораан иһэрэ тарҕаммыта. Ону ирдэһии бөҕө буолбуттара.
Бу маннык кутталга ийэлэри, эһээхэйдэри, аҕалары ким тиэрдэрий? Бу дьон кимнээхтэрий? Тыа сиригэр дьахтарга төрүүр усулуобуйаны суох гыммыт үрдүкү салалта дуу, онно сөбүлэспит министиэристибэ дуу, эбэтэр сатаан төрөппөт, билиитэ суох быраастар дуу? Дьахталлары киин куоракка илдьэн төрөтүүнү тохтотор уолдьаста буолбатах дуо? Эбэтэр барыларын анал санитарнай эриэйсэнэн сыа-сым курдук ытыс үрдүгэр тутан тастыннар! Туох дии саныыгыт?
https://www.tgoop.com/kyymsakha
BY AarTYK☀️
Share with your friend now:
tgoop.com/aartyk_nutchina/2611