tgoop.com/abbasQulaauy/376
Last Update:
انه منذور لأبو الاكبر
_
الگلب هايم .. لبن فاطم .. انزرع بيه
اله حبي .. اله گلبي .. انه بفيه
- اندعي الليله
- بجي ابجيله . انرزق من عطفه من خيره بجي ابجيله
- العمر يخلص
- ولا تخلص . بواچي بعيني ماتخلص بجي ابجيله
ياكلبي هيم بغرامك . لا تلچم بجروح امامك
وجروحك خليهه تدي . لعيونه خليه هيامك
انه منذور لأبو الاكبر
___
نذرت روحي .. لبو جروحي .. وتلاگّنّي
حلو طاريه .. اهيمن بيه .. يشرياني
- يلاگيني
- يبـاريني . انـه بدونـه نهـر يابـس يباريني
- نذر عينين
- تهل لحسين . انه من زغري وعيوني تهل لحسين
وعيوني خليهه تعمه . لو نعمه جا هاذي نعمه
مادامك عينك عليه . وعيونك متهزني چلمه
انه منذور لأبو الاكبر
_
وقف بلباب .. اجيه طلاب .. ويحققلي
يـعلمني .. ويـأدبـني .. مـنو المِثـلي
- منو المثلي
- ترك كلشي . واجيت ابابه مثل الحر ترك كلشي
- الحمد لله
- رزقني احاه . چبيره هوايه للمثلي رزقني احاه
من جيته نافذ بصيره . حط روحه دوني بحصيره
واسهامه اتلگاهه صدره . مولانه مفيضنه خيره
انه منذور لأبو الاكبر
___
عمد خيمه .. يبو الشيمه .. احسبوني
اطيـحلـك .. يـروحـّلك .. فده اعيوني
- يبو الاكبر
- اريد اكبر . بخدمتك كبرني فدوه اريد اكبر
- يسيد الماي
- الك عناي . شأن رايد يبو جروحي الك عناي
طايحلك من ايدي ليدك . سامحني بغلاطي ازيدك
غلطان ونادم وحكك - بأي حاله تقبلني اريدك
انه منذور لأبو الاكبر
__
#تمت
#عباس_القلعاوي
#نسألكم_الدعـاء
BY الشاعر عباس القلعاوي
Share with your friend now:
tgoop.com/abbasQulaauy/376